മദ്യം വാങ്ങാൻ പണം നൽകാത്തതിന് യുവാവിനെ കുത്തിയയാൾ പിടിയിൽ
text_fieldsനൗഫൽ
ഇരവിപുരം: മദ്യം വാങ്ങാൻ പണം നൽകാതിരുന്നതിന് യുവാവിനെ കുത്തിക്കൊലപ്പെടുത്താൻ ശ്രമിച്ചയാളും പ്രായപൂർത്തിയാകാത്ത കൂട്ടാളിയും പിടിയിൽ. മുണ്ടയ്ക്കൽ തെക്കേവിള ചേരിയിൽ വൈ നഗർ 51 കിടങ്ങഴികം വീട്ടിൽ നിന്നും ഇരവിപുരം പന്ത്രണ്ടുമുറി നഗർ 68 ൽ വാടകക്ക് താമസിക്കുന്ന നൗഫൽ (25) ആണ് അറസ്റ്റിലായത്.
കഴിഞ്ഞ 26ന് പുന്തലത്താഴത്തുള്ള ബിവറേജസ് കോർപറേഷൻ മദ്യവിൽപനശാല യിൽ മദ്യം വാങ്ങാനെത്തിയ യുവാവും കൂട്ടുകാരുമാണ് ആക്രമിക്കപ്പെട്ടത്. ഇവരോട് പ്രതിയും ഒപ്പമുണ്ടായിരുന്ന പ്രായപൂർത്തിയാകാത്ത കുട്ടിയും മദ്യം വാങ്ങുന്നതിനായി പണം ആവശ്യപ്പെട്ടെങ്കിലും നൽകാൻ തയാറായില്ല. മദ്യം വാങ്ങി യുവാക്കൾ കാറിൽ മടങ്ങാൻ നേരം പണം നൽകാത്തതിന് ഇവർ കാർ തടഞ്ഞത് യുവാക്കളുടെ കൂട്ടത്തിലുണ്ടായിരുന്ന ധ്രുവൻ ചോദ്യം ചെയ്തു. തുടർന്ന്, ധ്രുവനെ നൗഫൽ കത്തി കൊണ്ട് രണ്ടു തവണ കഴുത്തിൽ കുത്തുകയായിരുന്നു. തടയാൻ ശ്രമിച്ച സുഹൃത്തുക്കളായ വിഷ്ണു, അച്ചു, സെയ്ദാലി എന്നിവരെയും ആക്രമിച്ചു.
പ്രായപൂർത്തിയാകാത്ത പ്രതിയെ ജുവനൈൽ ജസ്റ്റിസ് ബോർഡിനു മുന്നിൽ ഹാജരാക്കി. ഇരവിപുരം ഇൻസ്പെക്ടർ വി.വി. അനിൽകുമാറിെൻറ നേതൃത്വത്തിൽ സബ് ഇൻസ്പെക്ടർമാരായ ജെ. ജയേഷ്, അരുൺഷാ, ടി. സുനിൽകുമാർ, എസ്.സി.പി.ഒമാരായ ചിത്രൻ, സുമേഷ് ബേബി എന്നിവരടങ്ങിയ സംഘമാണ് പ്രതിയെ പിടികൂടിയത്. പ്രതിയെ റിമാൻഡ് ചെയ്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.