കൊ​ല്ല​ത്തി​നു​​വേ​ണ്ടി പ്ര​വ​ർ​ത്തി​ച്ചു, ആ​ത്മാ​ർ​ഥ​മാ​യി

കൊ​ല്ല​വു​മാ​യി എ​നി​ക്കേ​റെ ആ​ത്മ​ബ​ന്ധ​മു​ണ്ട്. 1980ൽ ​ബ്യൂ​റോ​ക്രാ​റ്റ്​ കു​പ്പാ​യം ഉ​പേ​ക്ഷി​ച്ച ശേ​ഷം മൂ​ന്ന്​ വ​ർ​ഷ​ങ്ങ​ളോ​ളം ക​ശു​വ​ണ്ടി മേ​ഖ​ല​യി​ൽ ട്രേ​ഡ്​ യൂ​നി​യ​നു​മാ​യി കൊ​ല്ല​ത്ത്​ സ​ജീ​വ​മാ​യി​രു​ന്നു. കാ​പെ​ക്സ്​ എ​ന്ന മ​ഹ​ത്​ സ​ഹ​ക​ര​ണ പ്ര​സ്ഥാ​ന​ത്തെ കെ​ട്ടി​പ്പ​ടു​ത്ത കാ​ലം. ഇ​തു​കൂ​ടാ​തെ വ​ർ​ക്ക​ല​യി​ൽ ശി​വ​ഗി​രി കേ​ന്ദ്ര​മാ​യു​ള്ള വി​ക​സ​ന​വു​മാ​യി ബ​ന്ധ​പ്പെ​ട്ട്​ ശ്രീ​നാ​രാ​യ​ണീ​യ​രു​മാ​യി അ​ടു​ത്ത ബ​ന്ധം സ്ഥാ​പി​ക്കാ​നാ​യ​തും കൊ​ല്ല​ത്തെ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യാ​ണ്. അ​ങ്ങ​നെ തു​ട​രു​ന്ന​തി​നി​ട​യി​ലാ​ണ്​ 1984ൽ ​ലോ​ക്സ​ഭ​യി​ലേ​ക്ക്​ കൊ​ല്ല​ത്തി​ന്‍റെ പ്ര​തി​നി​ധി​യാ​യി മ​ത്സ​രി​ക്കാ​ൻ കോ​ൺ​ഗ്ര​സ്​ അ​വ​സ​രം ന​ൽ​കി​യ​ത്. ഇ​ട​തു​പ​ക്ഷ സ്ഥാ​നാ​ർ​ഥി​യാ​യി ശ​ക്ത​നാ​യ ട്രേ​ഡ്​ യൂ​നി​യ​ൻ നേ​താ​വ്​ ആ​ർ.​എ​സ്. ഉ​ണ്ണി​യാ​യി​രു​ന്നു എ​തി​ർ​പ​ക്ഷ​ത്ത്. ട്രേ​ഡ്​ യൂ​നി​യ​ന്‍റെ സ്വ​ന്തം​മ​ണ്ണി​ൽ സി.​പി.​എം, ആ​ർ.​എ​സ്.​പി, സി.​പി.​ഐ ക​രു​ത്തി​നെ​യാ​യി​രു​ന്നു നേ​രി​ട്ട​ത്. കൊ​ല്ലം മ​ണ്ഡ​ല​ത്തി​ൽ കോ​ൺ​ഗ്ര​സ്​ വോ​ട്ട്​ അ​ന്ന്​ ഏ​ക​ദേ​ശം 25 ശ​ത​മാ​ന​മേ ഉ​ണ്ടാ​യി​രു​ന്നു​ള്ളൂ. പാ​ർ​ട്ടി​ക്ക​തീ​ത​മാ​യ വോ​ട്ട്​ സ്വ​രൂ​പി​ക്കു​ന്ന കോ​ൺ​ഗ്ര​സ്​ സ്ഥാ​നാ​ർ​ഥി​ക്ക്​ മാ​ത്ര​മേ ജ​യി​ക്കാ​ൻ ക​ഴി​യൂ. അ​തി​ശ​ക്ത​മാ​യ പ്ര​വ​ർ​ത്ത​ന​ത്തി​ലൂ​ടെ​യാ​ണ്​ അ​ന്ന്​ ആ​ദ്യ പോ​രാ​ട്ട​ത്തി​ൽ ത​ന്നെ ജ​യി​ക്കാ​ൻ സാ​ധി​ച്ച​ത്.

കൊ​ല്ല​ത്തെ ജ​ന​ങ്ങ​ൾ എ​ന്നെ സ്വീ​ക​രി​ക്കു​ക​യാ​യി​രു​ന്നു. ഒ​രു​പ​ക്ഷേ, കേ​ര​ള​ത്തി​ൽ ആ​ദ്യ​മാ​യി ഒ​രു എം.​പി സു​സ​ജ്ജ​മാ​യ ഓ​ഫി​സ്​ സ്ഥാ​പി​ച്ച​ത്​ അ​ന്ന്​ കൊ​ല്ല​ത്താ​യി​രു​ന്നു. ആ​റ്​ മാ​സം ക​ഴി​ഞ്ഞ്​ മ​ന്ത്രി ആ​യ​പ്പോ​ഴും ആ​ഴ്ച​യി​ൽ ര​ണ്ട്​ -മൂ​ന്ന്​ ദി​വ​സം കൊ​ല്ല​ത്ത്​ എ​ത്തു​മാ​യി​രു​ന്നു. കൊ​ല്ല​ത്ത്​ ബൈ​പാ​സ്, ആ​ല​പ്പാ​ട്, കാ​യം​കു​ളം ഫി​ഷി​ങ്​ ഹാ​ർ​ബ​ർ എ​ന്നി​വ​യെ​ല്ലാം നേ​രി​ട്ട്​ നോ​ക്കി​ന​ട​ത്തി യാ​ഥാ​ർ​ഥ്യ​മാ​ക്കി​യ​വ​യാ​ണ്. 89​ലെ​യും 91ലെ​യും തെ​ര​ഞ്ഞെ​ടു​പ്പു​ക​ളി​ലും കൊ​ല്ല​ത്തെ ജ​ന​ങ്ങ​ൾ എ​ന്നെ സ്​​നേ​ഹി​ക്കു​ക​യും പി​ന്തു​ണ​ക്കു​ക​യും ചെ​യ്ത​തോ​ടെ 12 വ​ർ​ഷ​ത്തോ​ളം ഈ ​നാ​ടി​നെ സേ​വി​ക്കാ​നാ​യി. അ​ക്കാ​ല​ത്ത്​ ഒ​രു പ​ത്രം ന​ട​ത്തി​യ സ​ർ​വേ​യി​ൽ ഏ​റ്റ​വും ജ​ന​പി​ന്തു​ണ​യു​ള്ള​തും മാ​തൃ​ക പ്ര​വ​ർ​ത്ത​നം ന​ട​ത്തു​ന്ന എം.​പി​യാ​യി കേ​ര​ള​ത്തി​ൽ തെ​ര​ഞ്ഞെ​ടു​ക്ക​പ്പെ​ട്ട​ത്​ ഞാ​നാ​യി​രു​ന്നു. കൊ​ല്ല​ത്തി​ന്‍റെ വ​ള​ർ​ച്ച​ക്ക്​ ഒ​രു ദീ​ർ​ഘ​വീ​ക്ഷ​ണ​മു​ണ്ടാ​യി​രു​ന്നു. പ​ദ്ധ​തി​ക​ളും ത​യാ​റാ​ക്കി​യി​രു​ന്നു. എ​ന്നാ​ൽ, ആ​ഗ്ര​ഹി​ച്ച വേ​ഗ​ത്തി​ൽ ആ ​വ​ള​ർ​ച്ച​യി​ലേ​ക്ക്​ എ​ത്തി​ക്കാ​നാ​യി​ല്ല.

1996ൽ ​നാ​ലാ​മ​തും മ​ത്സ​രി​ച്ചു. അ​തു​ പ​ക്ഷേ, എ​ന്‍റെ രാ​ഷ്ട്രീ​യ​പ​ര​മാ​യ തെ​റ്റാ​യി​രു​ന്നു. ഞാ​ൻ മാ​റി​നി​ൽ​ക്ക​ണ​മാ​യി​രു​ന്നു. മൂ​ന്നു ത​വ​ണ ക​ഴി​യു​മ്പോ​ൾ സ്വാ​ഭാ​വി​ക​മാ​യും ഒ​രു വി​രു​ദ്ധ ത​രം​ഗം ഉ​ണ്ടാ​കും. പി​​ന്നെ തെ​റ്റാ​യ ആ​രോ​പ​ണ​ങ്ങ​ൾ എ​ന്‍റെ നേ​ർ​ക്ക്​ ഉ​ണ്ടാ​യി. വ്യ​വ​സാ​യി രാ​ജ​ൻ​പി​ള്ള ജ​യി​ലി​ൽ കി​ട​ന്ന്​ മ​രി​ച്ച സാ​ഹ​ച​ര്യ​മാ​യി​രു​ന്നു. കേ​ന്ദ്ര​ത്തി​ൽ മ​ന്ത്രി​യാ​യി​ട്ടും അ​ദ്ദേ​ഹ​ത്തെ സ​ഹാ​യി​ച്ചി​ല്ല എ​ന്നാ​യി​രു​ന്നു പ്ര​ചാ​ര​ണം. അ​ന്ന്​ ഞാ​ൻ സ​ഹ​മ​ന്ത്രി​യാ​ണ്. കേ​ന്ദ്ര​മ​ന്ത്രി ആ​യി​രു​ന്ന കെ. ​ക​രു​ണാ​ക​ര​ന്​ പോ​ലും സ​ഹാ​യി​ക്കാ​നാ​യി​ല്ല. കോ​ട​തി ശി​ക്ഷി​ച്ച്​ ജ​യി​ലി​ൽ കി​ട​ക്കു​ന്ന​യാ​ളെ എ​ങ്ങ​നെ​യാ​ണ്​ സ​ഹാ​യി​ക്കാ​നാ​കു​ന്ന​ത്. ആ​ക​സ്മി​ക​മാ​യി അ​ദ്ദേ​ഹം മ​രി​ച്ചു. അ​ത്​ എ​ന്നെ തോ​ൽ​പ്പി​ക്കാ​നാ​യി പ​ല​രും ഉ​പ​യോ​ഗി​ച്ചു, പ്ര​ത്യേ​കി​ച്ച്​ കോ​ൺ​ഗ്ര​സ്​ ഐ ​വി​ഭാ​ഗ​ത്തി​ലെ ചി​ല നേ​താ​ക്ക​ൾ. അ​തി​നു പി​ന്നി​ൽ പ്ര​ധാ​ന​പ്പെ​ട്ട ചി​ല നേ​താ​ക്ക​ളും ഉ​ണ്ടാ​യി​രു​ന്നു.

എ​ന്‍റെ വ​ള​ർ​ച്ച കു​റ​ച്ചു​വേ​ഗ​ത്തി​ൽ ആ​യി​പ്പോ​യി, അ​തി​നാ​ൽ എ​ന്നെ ഒ​തു​ക്കാ​ൻ അ​വ​ർ ആ​ഗ്ര​ഹി​ച്ചി​രു​ന്നു. ഐ ​വി​ഭാ​ഗ​ത്തി​ലെ ഒ​രു വി​ഭാ​ഗം യോ​ഗം ചേ​ർ​ന്ന്​ എ​ന്നെ തോ​ൽ​പ്പി​ക്കാ​ൻ തീ​രു​മാ​നം എ​ടു​ത്തി​രു​ന്നു. ഇ​തെ​ല്ലാം മ​ന​സ്സി​ലാ​ക്കി​യ ഞാ​ൻ ആ ​ത​വ​ണ നി​ൽ​ക്ക​രു​താ​യി​രു​ന്നു. നി​ൽ​ക്കേ​ണ്ട എ​ന്ന്​ ആ​ലോ​ചി​ച്ചി​രു​ന്നു. എ​ന്നാ​ൽ, കോ​ൺ​ഗ്ര​സി​ലെ ഒ​രു മു​തി​ർ​ന്ന നേ​താ​വ്​ ത​ന്നെ ​പാ​ർ​ട്ടി നി​ർ​ദേ​ശി​ച്ചാ​ൽ നി​ൽ​ക്ക​ണം എ​ന്ന്​ നി​ർ​ബ​ന്ധി​ച്ച​തോ​ടെ​യാ​ണ്​ മ​ന​സ്സി​ല്ലാ​മ​ന​സ്സോ​ടെ, തോ​ൽ​ക്കു​മെ​ന്ന്​ ഉ​റ​പ്പി​ച്ചു ത​ന്നെ അ​ന്ന്​ നി​ന്ന​ത്. നീ​ന പി​ള്ള​യെ സ്ഥാ​നാ​ർ​ഥി​യാ​യി കൊ​ണ്ടു​വ​രു​ക​യും ചെ​യ്തു. കാ​ഷ്യൂ ബോ​ർ​ഡ്​ സ്ഥാ​പി​ക്കു​മെ​ന്ന​ പ്ര​ഖ്യാ​പ​നം പ​ല​കാ​ര​ണ​ങ്ങ​ളാ​ൽ ന​ട​പ്പാ​ക്കാ​നാ​യി​ല്ല. ആ ​വാ​ഗ്ദാ​നം നി​​റ​വേ​റ്റി​യി​ല്ല എ​ന്ന്​ ക​ശു​വ​ണ്ടി മേ​ഖ​ല​യി​ൽ പ്ര​ച​രി​പ്പി​ച്ച്​ ജ​ന​ങ്ങ​ളെ തെ​റ്റി​ദ്ധ​രി​പ്പി​ക്കു​ന്ന​തി​ൽ എ​തി​രാ​ളി​ക​ൾ വി​ജ​യി​ച്ച​തോ​ടെ​യാ​ണ്​ അ​ന്ന്​ തോ​ൽ​വി ഏ​റ്റു​വാ​ങ്ങി​യ​ത്. ആ ​ത​വ​ണ മാ​റി​നി​ന്നി​രു​ന്നെ​ങ്കി​ൽ തെ​റ്റി​ദ്ധാ​ര​ണ​ക​ൾ മാ​റ്റി പി​ന്നീ​ട്​ തി​രി​ച്ചെ​ത്താ​മാ​യി​രു​ന്നു. രാ​ഷ്ട്രീ​യ​ത്തി​ൽ എ​​പ്പോ​ൾ മു​ന്നോ​ട്ടു​പോ​ക​ണം എ​പ്പോ​ൾ പി​ൻ​വാ​ങ്ങ​ണം എ​ന്ന​ത്​ ഓ​രോ രാ​ഷ്ട്രീ​യ​ക്കാ​ര​നും തീ​രു​മാ​നി​ക്കേ​ണ്ട​താ​ണ്. അ​തി​ൽ എ​ന്‍റെ ചു​വ​ടു​തെ​റ്റി​പ്പോ​യി. ഇ​താ​ണ്​ കൊ​ല്ല​വു​മാ​യി ബ​ന്ധ​പ്പെ​ട്ട എ​ന്‍റെ ജീ​വി​ത​ത്തി​ലെ ഏ​ട്.

ആ​ത്മാ​ർ​ഥ​മാ​യ പ്ര​വ​ർ​ത്ത​നം കൊ​ല്ല​ത്തി​നു​​വേ​ണ്ടി കാ​ഴ്ച​വെ​ച്ചി​ട്ടു​ണ്ട്​ എ​ന്ന്​ പ​റ​യാ​നാ​കും. ആ​യി​ര​ക്ക​ണ​ക്കി​ന്​ പേ​ർ​ക്ക്​ എം.​പി സ്ഥാ​നം ഉ​പ​ക​രി​ച്ചി​ട്ടു​ണ്ട്. ചെ​യ്യാ​ൻ ക​ഴി​യു​ന്ന വി​ക​സ​ന​പ്ര​വ​ർ​ത്ത​ന​ങ്ങ​ൾ എ​ല്ലാം ചെ​യ്തി​ട്ടു​ണ്ട്. കൊ​ല്ല​ത്തെ​ക്കു​റി​ച്ചും അ​വി​ട​ത്തെ ആ​ളു​ക​ളെ കു​റി​ച്ചും ഇ​ന്നും ഊ​ഷ്മ​ള​മാ​യ ഓ​ർ​മ​ക​ളാ​ണു​ള്ള​ത്. ഇ​ന്നും കൊ​ല്ലം​കാ​ർ ഓ​രോ ആ​വ​ശ്യ​ങ്ങ​ളു​മാ​യി വ​രു​മ്പോ​ൾ ചെ​യ്യാ​ൻ ക​ഴി​യു​ന്ന​ത്​ ചെ​യ്തു​ന​ൽ​കു​ന്നു​ണ്ട്.