എഫ്.സി.​െഎ ഗോഡൗണിൽ തീപിടിത്തം; അപകടം ഒഴിവാക്കി ഫയർഫോഴ്സ്

കൊല്ലം: ടൗൺ അതിർത്തിയിലെ എഫ്.സി.ഐ ഗോഡൗണിൽ തീപിടിത്തം. അരിച്ചാക്കുകളുടെ മുകളിലേക്ക് പടർന്ന തീ ആളിപ്പടരാതെ സ്പ്രേ ചെയ്ത് അഗ്​നിശമന സേന നിർവീര്യമാക്കി. ബുധനാഴ്ച രാത്രി 8.30 ഓടെയാണ് സംഭവം.2900 ചാക്കുകളോളം അരി സൂക്ഷിച്ചിരുന്ന ഗോഡൗണിലാണ് തീപിടിത്തമുണ്ടായത്. പുക ഉയരുന്നതുകണ്ട് സമീപവാസികളാണ് അഗ്​നിശമന സേനയെ വിളിച്ചത്. ഒരു സെക്യൂരിറ്റി ഓഫിസർ മാത്രമാണ് ഗോഡൗണിലുണ്ടായിരുന്നത്.

കടപ്പാക്കടയിൽനിന്ന് ഗ്രേഡ് അസി. സ്​റ്റേഷൻ ഓഫിസർ പി.ടി. ദിലീപിെൻറ നേതൃത്വത്തിലെത്തിയ അഗ്​നിശമന സേന സമയോചിതമായി വെള്ളം സ്പ്രേ ചെയ്ത് ചാക്കുകളുടെ മുകൾ നിരയിൽ പിടിച്ച തീ കെടുത്തി വലിയ നാശനഷ്​ടം ഒഴിവാക്കി. തീപിടിത്തത്തിെൻറ കാരണം വ്യക്തമല്ല. ജില്ല ഫയർ ഓഫിസർ കെ. ഹരികുമാറും സ്​റ്റേഷൻ ഓഫിസർ ബൈജുവും വ്യാഴാഴ്ച സ്ഥലം സന്ദർശിച്ച് പരിശോധന നടത്തും.