ഭ​ക്ഷ്യ​സു​ര​ക്ഷപരിശോധന; 2023ൽ ന​ട​പ​ടി നേ​രി​ട്ട​ത്​ 546 സ്ഥാ​പ​ന​ങ്ങ​ൾ, ​27 ല​ക്ഷം​രൂ​പ പി​ഴ ഈ​ടാ​ക്കി

കൊ​ല്ലം: ഭ​ക്ഷ്യ​സു​ര​ക്ഷ​വി​ഭാ​ഗം 2023 ഏ​പ്രി​ൽ മു​ത​ൽ ഡി​സം​ബ​ർ വ​രെ ഭക്ഷ്യ ഉൽപാദന, വിതരണ സ്ഥാപനങ്ങളിൽ പ​രി​​ശോ​ധ​ന​ക​ൾ നടത്തി നടപടിയെടുത്തു.​ 4811 പരിശോധനകളാണ്​ജി​ല്ല​യി​ലു​ട​നീ​ളം ന​ട​ത്തി​യ​ത്. ഗു​രു​ത​ര വീ​ഴ്ച ക​ണ്ടെ​ത്തി​യ 546 സ്ഥാ​പ​ന​ങ്ങ​ൾ അ​ട​ച്ചു​പൂ​ട്ടി​ച്ചു. 515 കേ​സു​ക​ളി​ലാ​യി 27 ല​ക്ഷ​ത്തി​ല​ധി​കം രൂ​പ​യാ​ണ്​ പി​ഴ​യാ​യി ഈ​ടാ​ക്കി​യ​ത്. 76 ക്രി​മി​ന​ൽ കേ​സു​ക​ളും 122 സി​വി​ൽ കേ​സു​ക​ളും എ​ടു​ത്തു. സാ​ധാ​ര​ണ പ​രി​ശോ​ധ​ന​ക​ളും സ്​​പെ​ഷ​ൽ ഡ്രൈ​വു​ക​ളും ഉ​ൾ​പ്പെ​ടെ ന​ട​ത്തി​യി​ട്ടു​ണ്ട്.

ഭ​ക്ഷ്യ​സു​ര​ക്ഷ​യി​ലെ പ്ര​ധാ​ന വി​ല്ല​നാ​യ ഷ​വ​ർ​മ​ക​ട​ക​ളി​ൽ ക​ർ​ശ​ന പ​രി​ശോ​ധ​ന​ക​ളാ​ണ്​ ഈ ​കാ​ല​യ​ള​വി​ൽ ന​ട​ത്തി​യ​ത്. ഷ​വ​ർ​മ ഉ​ണ്ടാ​ക്കി​ വി​ൽ​പ​ന ന​ട​ത്തു​ന്ന 292 ക​ട​ക​ളി​ൽ​ പ​രി​ശോ​ധ​ന ന​ട​ത്തി പി​ഴ​വു​ക​ൾ ക​ണ്ടെ​ത്തി​യ 114 എ​ണ്ണ​ത്തി​ന്​​ നോ​ട്ടീ​സ്​ ന​ൽ​കി. അ​ഞ്ച്​ ല​ക്ഷം രൂ​പ പി​ഴ ഈ​യി​ന​ത്തി​ൽ​ ഈ​ടാ​ക്കി. മൊ​ബൈ​ൽ ഫു​ഡ്​ ​പ​രി​ശോ​ധ​ന ല​ബോ​റ​ട്ട​റി​യു​ടെ പ്ര​വ​ർ​ത്ത​ന​വും ഏ​റെ ഗു​ണ​ക​ര​മാ​യി​ട്ടു​ണ്ട്.

പ​രി​ശോ​ധ​ന​ക​ളി​ൽ മാ​ത്രം ഒ​തു​ങ്ങു​ന്നി​ല്ല ഭ​ക്ഷ്യ​സു​ര​ക്ഷാ​വി​ഭാ​ഗ​ത്തി​ന്‍റെ പ്ര​വ​ർ​ത്ത​നം. ഫു​ഡ്​ സേ​ഫ്​​റ്റി ആ​ൻ​ഡ്​ സ്റ്റാ​ൻ​ഡേ​ർ​ഡ്​​സ്​ അ​തോ​റി​റ്റി ഓ​ഫ്​ ഇ​ന്ത്യ​യു​ടെ വി​വി​ധ പ​ദ്ധ​തി​ക​ളു​ടെ ന​ട​ത്തി​പ്പ്, ഭ​ക്ഷ്യ​സ്ഥാ​പ​ന​ങ്ങ​ളു​ടെ ലൈ​സ​ൻ​സ്​-​ര​ജി​സ്​​ട്രേ​ഷ​ൻ പ​രി​ശോ​ധ​ന, അ​ന്ന​ദാ​നം ന​ട​ത്തു​ന്ന ആ​രാ​ധ​നാ​ല​യ​ങ്ങ​ൾ​ക്ക്​ ന​ൽ​കു​ന്ന ഫോ​ഗ്​ റേ​റ്റി​ങ്​ പ​രി​ശോ​ധ​ന, ഭ​ക്ഷ​ണ​സ്ഥാ​പ​ന​ങ്ങ​ളി​ലെ ജീ​വ​ന​ക്കാ​ർ​ക്ക്​ ഫോ​സ്റ്റാ​ക്​ പ​രി​ശീ​ല​നം, ഹൈ​ജീ​ൻ റേ​റ്റി​ങ്​ പ​രി​ശോ​ധ​ന എ​ന്നി​ങ്ങ​നെ പ​ല​ത​രം പ്ര​വ​ർ​ത്ത​ന​ങ്ങ​ളാ​ണ്​ ന​ട​ത്തു​ന്ന​ത്.

ക​ഴി​ഞ്ഞ​വ​ർ​ഷം ചെ​റു​ധാ​ന്യ​വ​ർ​ഷ​മാ​യി ആ​ഘോ​ഷി​ച്ച​തി​ന്‍റെ ഭാ​ഗ​മാ​യി വി​വി​ധ മേ​ള​ക​ളും സം​ഘ​ടി​പ്പി​ച്ചി​രു​ന്നു. ഈ​റ്റ്​ റൈ​റ്റ്​ ഹൈ​ജീ​ൻ റേ​റ്റി​ങ്ങി​ൽ സം​സ്ഥാ​ന​ത്ത്​ 301 സ്ഥാ​പ​ന​ങ്ങ​ളു​മാ​യി ഒ​ന്നാ​മ​താ​ണ്​ ജി​ല്ല. ‘ഈ​റ്റ്​ റൈ​റ്റ്​’ മൊ​ബൈ​ൽ ആ​പ്പി​ലൂ​ടെ ഈ ​സ്ഥാ​പ​ന​ങ്ങ​ൾ അ​റി​ഞ്ഞ്​ ഭ​ക്ഷ​ണം ക​ഴി​ക്കാ​നാ​കും. ലൈ​സ​ൻ​സ്​ ഡ്രൈ​വ്​ പ​രി​ശോ​ധ​ന​യി​ലൂ​ടെ നൂ​റു​ക​ണ​ക്കി​ന്​ സ്ഥാ​പ​ന​ങ്ങ​ളെ ലൈ​സ​ൻ​സ്​-​ര​ജി​സ്​​ട്രേ​ഷ​ൻ പ​രി​ധി​യി​ൽ കൊ​ണ്ടു​വ​രാ​നാ​യി​ട്ടു​ണ്ട്.

വ​രു​മാ​ന​പ​രി​ധി ​െവ​ച്ച്​ ലൈ​സ​ൻ​സ്​ അ​ല്ലെ​ങ്കി​ൽ ര​ജി​സ്​​ട്രേ​ഷ​ൻ ഇ​ല്ലെ​ങ്കി​ൽ 10 ല​ക്ഷം വ​രെ പി​ഴ ല​ഭി​ക്കു​മെ​ന്ന​തു​ൾ​പ്പെ​ടെ വി​വ​ര​ങ്ങ​ൾ വ്യാ​പാ​രി​ക​ളെ ബോ​ധ​വ​ത്​​ക​രി​ക്കാ​നാ​യ​താ​ണ്​ വി​ജ​യ​മാ​യ​ത്.

‘സേ​വ്​ ഫു​ഡ്, ഷെ​യ​ർ ഫു​ഡ്​’ എ​ന്ന കാ​മ്പ​യി​നി​ലൂ​ടെ ഭ​ക്ഷ​ണം ല​ഭി​ക്കാ​ത്ത​വ​ർ​ക്ക്​ ഭ​ക്ഷ​ണ​മെ​ത്തി​ക്കാ​നു​ള്ള പ​ണി​പ്പു​ര​യി​ലാ​ണ്​ ജി​ല്ല അ​ധി​കൃ​ത​ർ. ​ഭ​ക്ഷ​ണം സം​ഭാ​വ​ന ന​ൽ​കാ​ൻ ത​യാ​റാ​യി ഡോ​ണ​ർ​മാ​ർ ഇ​തി​ന​കം ര​ജി​സ്റ്റ​ർ ചെ​യ്തി​ട്ടു​ണ്ട്. വൈ​കാ​തെ പ​ദ്ധ​തി ആ​രം​ഭി​ക്കാ​നാ​കു​ന്ന ത​ര​ത്തി​ലാ​ണ്​ പ്ര​വ​ർ​ത്ത​നം മു​ന്നേ​റു​ന്ന​ത്.

ഷ​വ​ർ​മ​യി​ൽ​ നോ​ക്ക​ണം ഇ​ക്കാ​ര്യ​ങ്ങ​ൾ

ഭ​ക്ഷ്യ​സു​ര​ക്ഷ​വി​ഭാ​ഗം ഇ​പ്പോ​ഴും ഏ​റ്റ​വും കൂ​ടു​ത​ൽ മു​ന്ന​റി​യി​പ്പ്​ ന​ൽ​കു​ന്ന​ത്​ ഷ​വ​ർ​മ​യെ കു​റി​ച്ചാ​ണ്. ക​ട​ക​ളി​ൽ നി​ന്ന്​ ഷ​വ​ർ​മ വാ​ങ്ങു​മ്പോ​ൾ ഭ​ക്ഷ്യ​സു​ര​ക്ഷ​വി​ഭാ​ഗം പു​റ​ത്തി​റ​ക്കി​യ മാ​ർ​ഗ​നി​ർ​ദേ​ശ​ങ്ങ​ൾ ക​ർ​ശ​ന​മാ​യി പാ​ലി​ക്കു​ന്നു​ണ്ടോ എ​ന്ന്​ ഉ​റ​പ്പാ​ക്ക​ണം.

മാ​ർ​ഗ​നി​ർ​ദേ​ശ​ങ്ങ​ൾ ഇ​വ​

• പ്രാ​ഥ​മി​ക​ഘ​ട്ട ഉ​ൽ​പാ​ദ​ന​സ്ഥ​ലം വൃ​ത്തി​യു​ള്ള​താ​യി​രി​ക്ക​ണം. ഷ​വ​ർ​മ ഉ​ൽ​പാ​ദ​ന​ത്തി​ന് ഉ​പ​യോ​ഗി​ക്കു​ന്ന സ്റ്റാ​ൻ​ഡ്, ടേ​ബി​ൾ എ​ന്നി​വ തു​റ​ന്നു​വെ​ക്ക​രു​ത്. ഉ​ൽ​പാ​ദ​ന​സ്ഥ​ലം ജോ​ലി ചെ​യ്യാ​ൻ അ​നു​യോ​ജ്യ​മാ​യി​രി​ക്ക​ണം.
• ക്രോ​സ് ക​ണ്ടാ​മി​നേ​ഷ​ൻ ത​ട​യു​ന്ന​തി​ന് വേ​ണ്ടി ഷ​വ​ർ​മ സ്റ്റാ​ൻ​ഡി​ൽ കോ​ണി​ൽ നി​ന്നു​ള്ള ഡ്രി​പ് ശേ​ഖ​രി​ക്കാ​ൻ ട്രേ ​സ​ജ്ജീ​ക​രി​ക്ക​ണം
• ഇ​റ​ച്ചി മു​റി​ച്ചു​മാ​റ്റു​ന്ന​തി​നു​ള്ള ക​ത്തി വൃ​ത്തി​യു​ള്ള​തും അ​ണു​മു​ക്ത​വു​മാ​യി​രി​ക്ക​ണം
• ഷ​വ​ർ​മ ഉ​ൽ​പാ​ദ​ന​ത്തി​ന് ഉ​പ​യോ​ഗി​ക്കു​ന്ന ഫ്രീ​സ​റു​ക​ൾ (-18 ഡിഗ്രിസെ​ൽ​ഷ്യ​സ്), ചി​ല്ല​റു​ക​ൾ (4 ഡിഗ്രിസെ​ൽ​ഷ്യ​സ്) വൃ​ത്തി​യു​ള്ള​താ​ക​ണം. കൃ​ത്യ​മാ​യ ഊ​ഷ്മാ​വി​ൽ സൂ​ക്ഷി​ക്ക​ണം.
• പെ​ഡ​ൽ ഓ​പ​റേ​റ്റ​ഡ് വേ​സ്റ്റ് ബി​ന്നു​ക​ൾ ഉ​പ​യോ​ഗി​ക്ക​ണം. കൃ​ത്യ​മാ​യ ഇ​ട​വേ​ള​ക​ളി​ൽ മാ​ലി​ന്യം മാ​റ്റ​ണം.
• ഭ​ക്ഷ​ണം കൈ​കാ​ര്യം ചെ​യ്യു​ന്ന​വ​ർ ഹെ​യ​ർ ക്യാ​പ്, കൈ​യു​റ, വൃ​ത്തി​യു​ള്ള ഏ​പ്ര​ൺ എ​ന്നി​വ ധ​രി​ക്ക​ണം
• ഷ​വ​ർ​മ നി​ർ​മാ​ണ​ത്തി​ൽ ഏ​ർ​പ്പെ​ടു​ന്ന​വ​ർ​ക്കും കൈ​കാ​ര്യം ചെ​യ്യു​ന്ന​വ​ർ​ക്കും മെ​ഡി​ക്ക​ൽ ഫി​റ്റ്ന​സ് സ​ർ​ട്ടി​ഫി​ക്ക​റ്റ് നി​ർ​ബ​ന്ധം
• ഷ​വ​ർ​മ, മ​യോ​ണൈ​സ്, സാ​ല​ഡ് എ​ന്നി​വ നി​ർ​മി​ക്കു​ന്ന​തി​നു​ള്ള ഇ​റ​ച്ചി, മ​റ്റ്​ ഭ​ക്ഷ്യ​വ​സ്തു​ക്ക​ൾ ഭ​ക്ഷ്യ​സു​ര​ക്ഷാ ലൈ​സ​ൻ​സ്/​ര​ജി​സ്ട്രേ​ഷ​ൻ ഉ​ള്ള ക​ച്ച​വ​ട​ക്കാ​രി​ൽ നി​ന്നു​മാ​ത്രം ശേ​ഖ​രി​ക്കു​ക
• ഭ​ക്ഷ്യ​സു​ര​ക്ഷാ നി​യ​മം നി​ഷ്ക​ർ​ഷി​ക്കു​ന്ന ലേ​ബ​ൽ വി​വ​ര​ങ്ങ​ൾ ഉ​ള്ള കു​ബ്ബൂ​സ്/​ബ്രെ​ഡ് എ​ന്നി​വ മാ​ത്രം ഉ​പ​യോ​ഗി​ക്കു​ക
• ഷ​വ​ർ​മ കോ​ൺ ഉ​ണ്ടാ​ക്കി​യ ശേ​ഷം ഉ​ട​ൻ ഉ​പ​യോ​ഗി​ക്കു​ന്നി​ല്ലെ​ങ്കി​ൽ അ​ടി​യ​ന്ത​ര​മാ​യി ഫ്രീ​സ​റി​ലോ ചി​ല്ല​റി​ലോ സൂ​ക്ഷി​ക്ക​ണം.
• മ​യോ​ണൈ​സ് ഉ​ൽ​പാ​ദ​ന​ത്തി​ന് പ​ച്ച മു​ട്ട​ക്കു​പ​ക​രം പാ​സ്റ്റ​റൈ​സ് ചെ​യ്ത മു​ട്ട ഉ​പ​യോ​ഗി​ക്ക​ണം. മ​യോ​ണൈ​സ് അ​ന്ത​രീ​ക്ഷ ഊ​ഷ്മാ​വി​ൽ ര​ണ്ട്​ മ​ണി​ക്കൂ​റി​ൽ കൂ​ടു​ത​ൽ സൂ​ക്ഷി​ക്ക​രു​ത്.
• പാ​ക്ക​റ്റ് മ​യോ​ണൈ​സ് ആ​ദ്യ ഉ​പ​യോ​ഗ​ത്തി​നു​ശേ​ഷം ബാ​ക്കി​വ​രു​ന്ന ഭാ​ഗം 4 ഡി​ഗ്രി​​സെ​ൽ​ഷ്യ​സി​ൽ താ​ഴെ സൂ​ക്ഷി​ക്ക​ണം. ര​ണ്ട് ദി​വ​സ​ത്തി​ൽ കൂ​ടു​ത​ൽ ഉ​പ​യോ​ഗി​ക്ക​രു​ത്.

ന​ശി​പ്പി​ച്ച​ത്​ 185 കി​ലോ മ​ത്സ്യം

ഇ​ക്കാ​ല​യ​ള​വി​ൽ ന​ശി​പ്പി​ച്ച​ത്​ 185.8 കി​ലോ മ​ത്സ്യ​മാ​ണ്. കൂ​ടു​ത​ൽ പ​ഴ​കി​യ​തും ഫോ​ർ​മ​ലി​ൻ പോ​ലു​ള്ള രാ​സ​വ​സ്തു ക​ല​ർ​ത്തി​യ​താ​ണെ​ന്ന്​ വ്യ​ക്ത​മാ​യ​തു​മാ​ണ്​ ന​ശി​പ്പി​ച്ച​ത്. ‘ഓ​പ​റേ​ഷ​ൻ മ​ത്സ്യ’​യി​ൽ 796 പ​രി​ശോ​ധ​ന​ക​ളാ​ണ്​ ന​ട​ത്തി​യ​ത്. 16 ഇ​ട​ങ്ങ​ളി​ൽ നോ​ട്ടീ​സ്​ ന​ൽ​കി. സ്റ്റാ​റ്റ്യൂ​ട്ട​റി സാ​മ്പ്​​ൾ ഏ​ഴെ​ണ്ണം ശേ​ഖ​രി​ച്ചു. 889 സ​ർ​വ​യ​ല​ൻ​സ്​ സാ​മ്പി​ളു​ക​ളു​മെ​ടു​ത്തു.

പ​രി​ശോ​ധ​ന ക​ണ​ക്കു​ക​ൾ ഇ​ങ്ങ​നെ

• ആ​കെ പ​രി​ശോ​ധ​ന: 4811
• സ്റ്റാ​റ്റ്യൂ​ട്ട​റി സാ​മ്പ്​​ൾ എ​ടു​ത്ത​ത്​: 630
• സ​ർ​വ​യ​ല​ൻ​സ്​ സാ​മ്പ്​​ൾ എ​ടു​ത്ത​ത്​: 1794
• വീ​ഴ്ച​ക​ൾ പ​രി​ഹ​രി​ക്കാ​ൻ നോ​ട്ടീ​സ്​ ന​ൽ​കി​യ​ത്​: 553
• മെ​ച്ച​പ്പെ​ടു​ത്താ​ൻ നോ​ട്ടീ​സ്​ ന​ൽ​കി​യ​ത്​: 25
• അ​ട​ച്ചു​പൂ​ട്ടാ​ൻ നോ​ട്ടീ​സ്​ ന​ൽ​കി​യ​ത്​: 546
• പി​ഴ ഈ​ടാ​ക്കി​യ​ത്​: 27,89,500 രൂ​പ
• സി​വി​ൽ കേ​സ്​ എ​ടു​ത്ത​ത്​: 122
• ക്രി​മി​ന​ൽ കേ​സ്​ എ​ടു​ത്ത​ത്​: 76
• മൊ​ബൈ​ൽ ഫു​ഡ്​ ടെ​സ്റ്റി​ങ്​ ലാ​ബ്​ സാ​മ്പ്​​ൾ എ​ടു​ത്ത​ത്​: 1582
• ആ​ര്യ​ങ്കാ​വ്​ ചെ​ക്​​പോ​സ്റ്റി​ൽ ന​ട​ത്തി​യ പ്ര​ത്യേ​ക പ​രി​ശോ​ധ​ന​ക​ൾ: 16