സ്വർണം മുതൽ മാലിന്യക്കൂമ്പാരം വരെ പിണറായി വിറ്റുകാശാക്കുന്നു –വി.ഡി. സതീശൻ

കൊ​ല്ലം: സ്വ​ർ​ണ​ക്ക​ട​ത്ത് മു​ത​ൽ മാ​ലി​ന്യക്കൂമ്പാ​രം വ​രെ വി​റ്റ് കാ​ശാ​ക്കു​ന്ന അ​ഴി​മ​തി ഭ​ര​ണ​മാ​ണ് പി​ണ​റാ​യി വി​ജ​യ​ന്‍റെ നേ​തൃ​ത്വ​ത്തി​ൽ കേ​ര​ള​ത്തി​ൽ ന​ട​ക്കു​ന്ന​തെ​ന്ന് പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ.

ഡി.​സി.​സി​യി​ൽ ജി​ല്ല കോ​ൺ​ഗ്ര​സ്​ ക​മ്മി​റ്റി സം​ഘ​ടി​പ്പി​ച്ച നേ​തൃ​യോ​ഗം ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം. ഭാ​ര​ത് ജോ​ഡോ യാ​ത്ര​യി​ലു​ട​നീ​ളം രാ​ഹു​ൽ​ഗാ​ന്ധി​ക്ക് ല​ഭി​ച്ച ജ​ന​പി​ന്തു​ണ​യി​ൽ മോ​ദി​ക്കും, ബി.​ജെ.​പി​ക്കും ഹാ​ലി​ള​കി ഇ​രി​ക്കു​ന്ന​തി​ന്‍റെ ഫ​ല​മാ​ണ് പാ​ർ​ല​മെ​ന്‍റ് സ്​​തം​ഭി​പ്പി​ക്കു​ന്ന​തെ​ന്നും രാ​ഹു​ൽ​ഗാ​ന്ധി​യെ പ്ര​സം​ഗി​ക്കാ​ൻ അ​നു​വ​ദി​ക്കാ​ത്ത​തും.

പാ​ർ​ല​മെ​ന്‍റി​ൽ ബി.​ജെ.​പി​യും മോ​ദി​യും സ്വീ​ക​രി​ക്കു​ന്ന അ​തേ ന​യ​മാ​ണ് നി​യ​മ​സ​ഭ​യി​ൽ പി​ണ​റാ​യി​യും സ്​​പീ​ക്ക​റും അ​നു​വ​ർ​ത്തി​ക്കു​ന്ന​ത്. അ​ടി​യ​ന്ത​ര പ്ര​മേ​യ​ത്തി​ന് തു​ട​ർ​ച്ച​യാ​യി അ​നു​മ​തി നി​ഷേ​ധി​ക്കു​ന്ന​ത് ജ​നാ​ധി​പ​ത്യ വി​രു​ദ്ധ​മാ​ണെ​ന്നും ഇ​തി​നെ യു.​ഡി.​എ​ഫ് ശ​ക്ത​മാ​യി എ​തി​ർ​ക്കു​മെ​ന്നും അ​ദ്ദേ​ഹം പ​റ​ഞ്ഞു.

മു​ൻ​മ​ന്ത്രി വി.​എ​സ്. ശി​വ​കു​മാ​ർ അ​ധ്യ​ക്ഷ​ത​വ​ഹി​ച്ചു. ഡി.​സി.​സി പ്ര​സി​ഡ​ന്‍റ് പി. ​രാ​ജേ​ന്ദ്ര​പ്ര​സാ​ദ്, സി.​ആ​ർ. മ​ഹേ​ഷ് എം.​എ​ൽ.​എ, കെ.​പി.​സി.​സി ജ​ന. സെ​ക്ര​ട്ട​റി​മാ​രാ​യ എം.​എം. ന​സീ​ർ, പ​ഴ​കു​ളം മ​ധു, കെ.​സി.​രാ​ജ​ൻ, ശൂ​ര​നാ​ട് രാ​ജ​ശേ​ഖ​ര​ൻ, ബി​ന്ദു​കൃ​ഷ്ണ, ഷാ​ന​വാ​സ്​​ഖാ​ൻ, എ​സ്. വി​പി​ന​ച​ന്ദ്ര​ൻ എ​ന്നി​വ​ർ സം​സാ​രി​ച്ചു.