കടകളിൽ മോഷണം: പ്രതികൾ പിടിയിൽ

ക​ട​യ്ക്ക​ൽ: ക​ട​യ്ക്ക​ൽ പ​ട്ട​ണ​ത്തി​ലെ അ​ഞ്ച് ക​ട​ക​ളി​ൽ ക​വ​ർ​ച്ച ന​ട​ത്തി​യ ര​ണ്ടം​ഗ സം​ഘം പൊ​ലീ​സ് പി​ടി​യി​ൽ. ഇ​ര​വി​പു​രം വാ​ള​ത്തും​ഗ​ൽ സ്വ​ദേ​ശി​ക​ളാ​യ അ​ന​ന്തു ര​വി (20), സ​ജി​ൽ (29) എ​ന്നി​വ​രാ​ണ് ബാ​ല​രാ​മ​പു​രം പൊ​ലീ​സി​ന്റെ പി​ടി​യി​ലാ​യ​ത്.

ബാ​ല​രാ​മ​പു​ര​ത്ത് ക​ട​ക​ൾ കു​ത്തി​ത്തു​റ​ന്ന് ന​ട​ത്തി​യ മോ​ഷ​ണ​ത്തി​ൽ നി​രീ​ക്ഷ​ണ കാ​മ​റ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക​ളെ പി​ടി​കൂ​ടി​യ​ത്. തു​ട​ർ​ന്ന് ന​ട​ത്തി​യ ചോ​ദ്യം ചെ​യ്യ​ലി​ലാ​ണ് ക​ട​യ്ക്ക​ലി​ൽ ന​ട​ത്തി​യ മോ​ഷ​ണ​ങ്ങ​ളും തെ​ളി​ഞ്ഞ​ത്. കോ​ട​തി​യി​ൽ​നി​ന്ന്​ ക​സ്റ്റ​ഡി​യി​ൽ വാ​ങ്ങി​യ പ്ര​തി​ക​ളെ വ്യാ​ഴാ​ഴ്ച സ്ഥ​ല​ത്തെ​ത്തി​ച്ച് തെ​ളി​വെ​ടു​പ്പ് ന​ട​ത്തി.

ക​ഴി​ഞ്ഞ മാ​ർ​ച്ചി​ൽ ക​ട​യ്ക്ക​ൽ പ​ള്ളി​മു​ക്കി​ലെ ബേ​ക്ക​റി കു​ത്തി​ത്തു​റ​ന്ന് പ്ര​തി​ക​ൾ മോ​ഷ​ണം ന​ട​ത്തി​യി​രു​ന്നു. സെ​പ്റ്റം​ബ​ർ മൂ​ന്നി​നാ​ണ് ടൗ​ണി​ൽ പൊ​ലീ​സ് സ്റ്റേ​ഷ​ന് സ​മീ​പ​മു​ള്ള അ​ഞ്ച് ക​ട​ക​ൾ കു​ത്തി​ത്തു​റ​ന്ന് മോ​ഷ​ണം ന​ട​ത്തി​യ​ത്. തു​ണി​ക്ക​ട​യി​ലും ഹോ​ട്ട​ലി​ലും ര​ണ്ട് കോ​ഴി​ക്ക​ട​യി​ലും പ​ച്ച​ക്ക​റി​ക​ട​യി​ലു​മാ​ണ് മോ​ഷ​ണം ന​ട​ന്ന​ത്.

തു​ണി​ക്ക​ട​യി​ൽ നി​ന്നും 50,000 രൂ​പ​യും ഹോ​ട്ട​ലി​ൽ നി​ന്ന് 10,000 രൂ​പ​യും കോ​ഴി​ക്ക​ട​ക​ളി​ലും പ​ച്ച​ക​റി​ക​ട​ക​ളി​ലും നി​ന്ന്​ മേ​ശ​വ​ലി​പ്പി​ലു​ണ്ടാ​യി​രു​ന്ന പ​ണ​വു​മാ​ണ് ക​വ​ർ​ന്ന​ത്. സ്റ്റേ​ഷ​ന് അ​ഞ്ഞൂ​റു​മീ​റ്റ​ർ ചു​റ്റ​ള​വി​ൽ ന​ട​ന്ന മോ​ഷ​ണം പൊ​ലീ​സി​ന് വ​ലി​യ നാ​ണ​ക്കേ​ടു​ണ്ടാ​ക്കി​യി​രു​ന്നു.

തു​ട​ർ​ന്ന് അ​ന്വേ​ഷ​ണം ഊ​ര്‍ജി​ത​മാ​ക്കി​യി​രി​ക്കെ​യാ​ണ് പ്ര​തി​ക​ൾ ബാ​ല​രാ​മ​പു​രം പൊ​ലീ​സി​ന്റെ പി​ടി​യി​ലാ​യ​ത്.