ഓട്ടോയിൽ സഞ്ചരിച്ച് മരങ്ങൾ നട്ട് ഒരു കുടുംബം

കരുനാഗപ്പള്ളി: ഇടുക്കി സ്വദേശികളായ സുനിലും ഭാര്യയും വർഷങ്ങളായി കുട്ടികളുമായി ഓട്ടോയിൽ നാടുനീളെ കറങ്ങിനടന്ന് മരം നടുകയാണ്.

കരുനാഗപ്പള്ളിയിൽ എത്തിയ കുടുംബം രാജ്യത്തെ ധീര ജവാന്മാരുടെ സ്മരണാർഥം കാവൽമരം എന്ന മുദ്രാവാക്യമുയർത്തി മരം വിതരണം ചെയ്തു. ലെഫ്റ്റനന്‍റ് കേണൽ പി. വിശ്വനാഥന്‍റെ വീട്ടിൽ നിന്നുമാണ് പദ്ധതി തുടങ്ങിയത്. പ്ലാവിൻ തൈ നൽകി ഉദ്ഘാടനം ചെയ്തു. സംവിധായകൻ അനിൽ വി. നാഗേന്ദ്രനും മരം നൽകി.

ഇടുക്കി തോട്ടം തൊഴിലാളിയായ സുനിലിന് പ്രകൃതിയോടുള്ള സ്നേഹമാണ് ഇത്തരമൊരു പദ്ധതി തുടങ്ങിയത്. പി.ടി. തോമസ് എം.എൽ.എയുടെ പേരിൽ കേരളത്തിൽ 71 മരങ്ങൾ വിതരണം ചെയ്തിരുന്നു.