വാട്ടർ അതോറിറ്റിക്ക്​ മൗനം; തകർന്നുവീഴാനൊരുങ്ങി പണിക്കർകടവ് ഇരുമ്പുപാലം

ക​രു​നാ​ഗ​പ്പ​ള്ളി: ദേ​ശീ​യ ജ​ല​പാ​ത​യാ​യ ടി.​എ​സ് ക​നാ​ലി​നു​കു​റു​കെ പ​ണി​ക്ക​ർ​ക​ട​വ് പാ​ല​ത്തി​ന് സ​മാ​ന്ത​ര​മാ​യി നി​ര്‍മി​ച്ച ഇ​രു​മ്പു​പാ​ലം ത​ക​ര്‍ച്ച​യു​ടെ വ​ക്കി​ല്‍. സൂ​നാ​മി ദു​ര​ന്ത​ത്തെ​തു​ട​ര്‍ന്ന് ന​ട​പ്പാ​ക്കി​യ ഓ​ച്ചി​റ കു​ടി​വെ​ള്ള​പ​ദ്ധ​തി​യു​ടെ ഭാ​ഗ​മാ​യി ആ​ല​പ്പാ​ട് പ​ഞ്ചാ​യ​ത്തി​ലേ​ക്ക് ശു​ദ്ധ​ജ​ലം എ​ത്തി​ക്കു​ന്ന​തി​ന്​ സ്ഥാ​പി​ച്ച ഇ​രു​മ്പ് കേ​ഡ​ർ പാ​ല​ത്തി​ന്റെ ഇ​രു​മ്പ്​ ഗ്രി​ല്ലു​ക​ള്‍ തു​രു​മ്പി​ച്ചും തൂ​ണു​ക​ള്‍ ദ്ര​വി​ച്ചും ഏ​തു​സ​മ​യ​ത്തും ക​നാ​ലി​ലേ​ക്ക് പ​തി​ക്കാം.

2017ല്‍ ​ച​വ​റ കെ.​എം.​എം.​എ​ല്ലി​നു​സ​മീ​പം കോ​വി​ൽ​തോ​ട്ട​ത്ത്​ ടി.​എ​സ് ക​നാ​ലി​നു കു​റു​കെ​യു​ണ്ടാ​യി​രു​ന്ന ഉ​രു​ക്ക് ന​ട​പ്പാ​ലം ത​ക​ർ​ന്ന്​​ മൂ​ന്നു​പേ​ർ മ​രി​ക്കു​ക​യും ഇ​രു​പ​തി​ലേ​റെ​പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​രു​ന്നു. ഒ​രു​മാ​സം മു​മ്പാ​ണ് കൂ​റ്റ​ന്‍ പൈ​പ്പി​നൊ​പ്പം ഇ​രു​മ്പു​പാ​ല​വും ത​ക​ര്‍ന്നു​വീ​ണ​ത്. വ​ന്‍ അ​പ​ക​ടം ഒ​ഴി​വാ​യെ​ങ്കി​ലും അ​ഞ്ചു​ല​ക്ഷ​ത്തോ​ളം ആ​ളു​ക​ളു​ടെ കു​ടി​വെ​ള്ളം 15 ദി​വ​സ​ത്തോ​ളം മു​ട​ങ്ങി. കു​ടി​വെ​ള്ളം എ​ടു​ക്കാ​ന്‍ വ​ള്ള​ത്തി​ല്‍ പോ​യ ഒ​രു വീ​ട്ട​മ്മ മ​ര​ണ​പ്പെ​ടു​ക​യും ചെ​യ്തു.

വി​നോ​ദ​സ​ഞ്ചാ​രി​ക​ളും മ​ത്സ്യ​ബ​ന്ധ​ന ബോ​ട്ടു​ക​ളും യാ​ന​ങ്ങ​ളും സ​ര്‍വി​സ് ന​ട​ത്തു​ന്ന ഇ​വി​ടെ അ​പ​ക​ട​സാ​ധ്യ​ത തു​ട​രു​ക​യാ​ണ്. മീ​ന്‍പി​ടി​ത്ത​വ​ള്ള​ങ്ങ​ള്‍ മി​ക്ക​തും പാ​ല​ത്തി​ന​ടി​യി​ലൂ​ടെ​യാ​ണ് സ​ഞ്ച​രി​ക്കു​ന്ന​ത്. ജീ​വ​ൻ പ​ണ​യം​വെ​ച്ചാ​ണ്​​ നി​ത്യ​വും ഇ​തു​വ​ഴി ക​ട​ന്നു​പോ​കു​ന്ന​തെ​ന്ന് മ​ത്സ്യ​ത്തൊ​ഴി​ലാ​ളി​ക​ള്‍ പ​റ​യു​ന്നു. പൈ​പ്പ് ലൈ​ൻ ത​ക​രാ​റാ​യ​തു​കാ​ര​ണം ആ​ല​പ്പാ​ട് പ്ര​ദേ​ശ​ത്തേ​ക്കു​ള്ള കു​ടി​വെ​ള്ള​പൈ​പ്പു​ക​ളി​ൽ മ​ർ​ദം കു​റ​വാ​ണ്. തു​രു​മ്പി​ച്ച ഭാ​ഗ​ത്തു​കൂ​ടി വ​ൻ​തോ​തി​ൽ ജ​ലം പാ​ഴാ​യി​ക്കൊ​ണ്ടി​രി​ക്കു​ന്നു.

പാ​ല​ത്തി​ന്റെ പു​ന​ര്‍നി​ര്‍മാ​ണം ആ​വ​ശ്യ​പ്പെ​ട്ട്​ ജ​ന​പ്ര​ധി​നി​ധി​ക​ളും സ​ന്ന​ദ്ധ​സം​ഘ​ട​ന​ക​ളും ഒ​ട്ടേ​റെ നാ​ളാ​യി പ​രാ​തി​ക​ള്‍ സ​മ​ര്‍പ്പി​ച്ചെ​ങ്കി​ലും ജ​ല അ​തോ​റി​റ്റി വ​കു​പ്പ് ന​ട​പ​ടി​ക​ള്‍ സ്വീ​ക​രി​ച്ചി​ട്ടി​ല്ല. സ്ഥ​ലം എം.​എ​ല്‍.​എ സി.​ആ​ര്‍. മ​ഹേ​ഷ് പ​രാ​തി ന​ല്‍കി​യ​തി​നെ തു​ട​ര്‍ന്ന് ചീ​ഫ് എ​ൻ​ജി​നീ​യ​ര്‍ സ്ഥ​ലം സ​ന്ദ​ര്‍ശി​ച്ചെ​ങ്കി​ലും പ​രി​ഹാ​ര​മാ​യി​ല്ല.

അ​പ​ക​ടാ​വ​സ്ഥ​യി​ലാ​യ ഇ​രു​മ്പ് കേ​ഡ​ർ​പാ​ലം പൊ​ളി​ച്ചു​നീ​ക്കി അ​പ​ക​ടം ഒ​ഴി​വാ​ക്കാ​ൻ ന​ട​പ​ടി വേ​ണ​മെ​ന്ന് പ്ര​സി​ഡ​ൻ​റ് മു​ന​മ്പ​ത്ത് ഷി​ഹാ​ബി​ന്റെ അ​ധ്യ​ക്ഷ​ത​യി​ല്‍ ചേ​ര്‍ന്ന ക​രു​നാ​ഗ​പ്പ​ള്ളി താ​ലൂ​ക്ക് പൗ​ര​സ​മി​തി യോ​ഗം ആ​വ​ശ്യ​പ്പെ​ട്ടു.