കൊല്ലം സിറ്റി ​റോഡ്​ വികസന പദ്ധതി: നടപടികൾ വേഗത്തിലാക്കും

കൊ​ല്ലം: സി​റ്റി റോ​ഡ്​ വി​ക​സ​ന പ​ദ്ധ​തി​ക​ൾ വേ​ഗ​ത്തി​ലാ​ക്കാ​​നൊ​രു​ങ്ങി കോ​ർ​പ​റേ​ഷ​ൻ. ഭൂ​മി ഏ​റ്റെ​ടു​ക്ക​ലി​ന​ട​ക്കം ആ​വ​ശ്യ​മാ​യ കൂ​ടു​ത​ൽ തു​ക അ​നു​വ​ദി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ ധ​ന, പൊ​തു​മാ​രാ​മ​ത്ത്​ വ​കു​പ്പ്​ മ​ന്ത്രി​മാ​ർ​ക്ക്​ ക​ത്ത്​ ന​ൽ​കി. മേ​വ​റം മു​ത​ൽ കാ​വ​നാ​ട്​ വ​രെ​യു​ള്ള പ​ഴ​യ ദേ​ശീ​യ​പാ​ത, ചെ​മ്മാ​ൻ​മു​ക്ക്​-​അ​യ​ത്തി​ൽ, താ​ലൂ​ക്ക്​ ഓ​ഫി​സ്​ ജ​ങ്​​ഷ​ൻ-​ജി​ല്ല ആ​ശു​പ​ത്രി-​​ല​ക്ഷ്മി​ന​ട, ഹൈ​സ്കൂ​ൾ ജ​ങ്​​ഷ​ൻ-​ക​ട​വൂ​ർ ബൈ​പാ​സ്, കോ​ള​ജ്​ ജ​ങ്​​ഷ​ൻ-​തു​മ്പ​റ-​അ​മൃ​ത​കു​ളം എ​ന്നി​വ​യാ​ണ്​ സി​റ്റി റോ​ഡ്​ പ​ദ്ധ​തി​യി​ൽ ഉ​ൾ​പ്പെ​ടു​ത്തി വി​ക​സി​പ്പി​ക്കു​ക. ആ​ദ്യ​ഘ​ട്ട​ത്തി​ൽ 365​ കോ​ടി രൂ​പ ഇ​തി​നാ​യി സ​ർ​ക്കാ​ർ അ​നു​വ​ദി​ച്ചി​രു​ന്നു.

എ​ന്നാ​ൽ, സ്ഥ​ലം ഏ​​റ്റെ​ടു​ക്ക​ൽ അ​ട​ക്കം വി​വി​ധ ചെ​ല​വു​ക​ൾ​ക്ക്​ 688 കോ​ടി​യി​ല​ധി​കം രൂ​പ വേ​ണ്ടി​വ​രും. ഇ​ത്ര​യും ഭീ​മ​മാ​യ തു​ക ക​ണ്ടെ​ത്താ​ൻ കോ​ർ​പ​റേ​ഷ​ന്​ സാ​ധി​ക്കാ​ത്ത സാ​ഹ​ച​ര്യ​ത്തി​ൽ കൂ​ടു​ത​ൽ തു​ക സ​ർ​ക്കാ​റി​ൽ​നി​ന്ന്​ അ​നു​വ​ദി​പ്പി​ക്കാ​നാ​ണ്​ നീ​ക്കം.

ജ​ന​സാ​ന്ദ്ര​ത​യേ​റി​യ ന​ഗ​ര​മേ​ഖ​ല​യി​ൽ റോ​ഡ്​ വി​ക​സി​പ്പി​ക്കു​മ്പോ​ൾ ആ​വ​ശ്യ​മാ​യി​വ​രു​ന്ന കു​ടി​യൊ​ഴി​പ്പി​ക്ക​ൽ, ന​ഷ്ട​പ​രി​ഹാ​ര വി​ത​ര​ണം എ​ന്നി​വ​യ​ട​ക്കം പ​ദ്ധ​തി​ക്ക്​ ക​ട​മ്പ​ക​ൾ ഏ​റെ​യാ​ണ്. എ​ങ്കി​ലും സ​ർ​ക്കാ​ർ കൂ​ടു​ത​ൽ തു​ക അ​നു​വ​ദി​ച്ചാ​ൽ പ​ദ്ധ​തി സ​മ​യ​ബ​ന്ധി​ത​മാ​യി പൂ​ർ​ത്തി​യ​ക്കാ​നാ​വു​മെ​ന്നാ​ണ്​ കോ​ർ​പ​റേ​ഷ​ൻ പ്ര​തീ​ക്ഷ.

കൂ​ടു​ത​ൽ തു​ക അ​നു​വ​ദി​ക്ക​ണ​മെ​ന്ന ആ​വ​ശ്യ​ത്തോ​ട്​ മ​ന്ത്രി​മാ​രാ​യ കെ.​എ​ൻ. ബാ​ല​ഗോ​പാ​ലും മു​ഹ​മ്മ​ദ്​ റി​യാ​സും അ​നൂ​കു​ല സ​മീ​പ​ന​മാ​ണ്​ സ്വീ​ക​രി​ച്ചി​ട്ടു​ള്ള​തെ​ന്ന്​ മേ​യ​ർ പ്ര​സ​ന്ന ഏ​ണ​സ്റ്റ്​ ബു​ധ​നാ​ഴ്​​ച ചേ​ർ​ന്ന കൗ​ൺ​സി​ൽ യോ​ഗ​ത്തി​ൽ വ്യ​ക്ത​മാ​ക്കി​യി​ട്ടു​ണ്ട്. ദേ​ശീ​യ​പാ​ത​ക്ക്​ ഭൂ​മി ​ഏ​റ്റെ​ടു​ത്ത മാ​തൃ​ക​യി​ൽ മെ​ച്ച​പ്പെ​ട്ട ന​ഷ്ട​പ​രി​ഹാ​ര പാ​ക്കേ​ജ്​ ആ​ണ്​ കോ​ർ​പ​റേ​ഷ​ൻ ആ​ഗ്ര​ഹി​ക്കു​ന്ന​ത്.

സ​ർ​ക്കാ​ർ തു​ക അ​നു​വ​ദി​ച്ചാ​ൽ പ്രാ​രം​ഭ ന​ട​പ​ടി​ക​ൾ തു​ട​ങ്ങാ​നാ​ണ്​ ആ​ലോ​ച​ന. മേ​വ​റം-​ചി​ന്ന​ക്ക​ട-​കാ​വ​നാ​ട്​ പാ​ത 21 മീ​റ്റ​ർ വീ​തി​യി​ലും താ​ലൂ​ക്ക്​ ഓ​ഫി​സ്​ ജ​ങ്​​ഷ​ൻ-​ല​ക്ഷ്മി​ന​ട റോ​ഡ്​ 11 മീ​റ്റ​ർ വീ​തി​യി​ലും ചെ​മ്മാ​ൻ​മു​ക്ക്​-​അ​യ​ത്തി​ൽ റോ​ഡ്​ 13 മീ​റ്റ​ർ വീ​തി​യി​ലും വി​ക​സി​പ്പി​ക്കാ​നാ​ണ്​ പ​ദ്ധ​തി ത​യാ​റാ​ക്കി​യി​ട്ടു​ള്ള​ത്.

റോ​ഡു​ക​ളു​ടെ വീ​തി​ക്കു​റ​വാ​ണ്​ ജി​ല്ല ആ​സ്ഥാ​നം നേ​രി​ടു​ന്ന പ്ര​ധാ​ന പ്ര​ശ്ന​ങ്ങ​ളി​ലൊ​ന്ന്. വീ​തി​കൂ​ടി​യ കൂ​ടു​ത​ൽ റോ​ഡു​ക​ൾ, ഓ​ട​ക​ൾ, ന​ട​പ്പാ​ത​ക​ൾ എ​ന്നി​വ ഒ​രു​ക്കു​ന്ന​തോ​ടെ ന​ഗ​ര​ത്തി​ന്​ പു​തി​യ മു​ഖം ന​ൽ​കാ​നാ​വു​മെ​ന്നാ​ണ്​ അ​ധി​കൃ​ത​രു​ടെ പ്ര​തീ​ക്ഷ.