രാത്രി ഡോക്ടർമാരുടെ സേവനമില്ല; താലൂക്ക്​ വികസന സമിതിയിൽ വിമർശം

കൊ​ട്ടാ​ര​ക്ക​ര: ന​ഗ​ര​ത്തി​ലെ ആ​ശു​പ​ത്രി​ക​ളി​ൽ രാ​ത്രി​യി​ൽ ഡോ​ക്ട​ർ​മാ​രു​ടെ സേ​വ​നം ല​ഭ്യ​മ​ല്ലെ​ന്ന് താ​ലൂ​ക്ക് വി​ക​സ​ന സ​മി​തി യോ​ഗ​ത്തി​ൽ വി​മ​ർ​ശം. വി​ഷ​യ​ത്തി​ൽ അ​ടി​യ​ന്തി​ര അ​ന്വേ​ഷ​ണം വേ​ണ​മെ​ന്ന്​ ആ​വ​ശ്യ​മു​യ​ർ​ന്നു. താ​ലൂ​ക്ക് ആ​ശു​പ​ത്രി​യി​ൽ രാ​ത്രി​യി​ൽ ചി​കി​ത്സ തേ​ടി​യെ​ത്തു​ന്ന​വ​രെ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് അ​യ​ക്കു​ന്നെ​ന്ന പ​രാ​തി വ്യാ​പ​ക​മാ​ണ്.

താ​ലൂ​ക്ക് ആ​ശു​പ​ത്രി​യി​ൽ അ​ക്ര​മി​യു​ടെ കു​ത്തേ​റ്റു​മ​രി​ച്ച ഡോ. ​വ​ന്ദ​ന​ദാ​സി​നും വി​ദ​ഗ്ധ ചി​കി​ത്സ കൊ​ട്ടാ​ര​ക്ക​ര​യി​ൽ ല​ഭി​ക്കാ​ത്ത സാ​ഹ​ച​ര്യ​മു ണ്ടാ​യി. 24 മ​ണി​ക്കൂ​റും വി​ദ​ഗ്ധ ചി​കി​ത്സ വാ​ഗ്ദാ​നം ചെ​യ്യു​ന്ന ​കൊ​ട്ടാ​ര​ക്ക​ര മേ​ഖ​ല​യി​ലെ സ്വ​കാ​ര്യ ആ​ശു​പ​ത്രി​ക​ളി​ലും ഡോ​ക്ട​ർ​മാ​രി​ല്ലാ​ത്ത അ​വ​സ്​​ഥ​യാ​ണെ​ന്ന് അം​ഗ​ങ്ങ​ൾ ചൂ​ണ്ടി​ക്കാ​ട്ടി.

കു​ന്നി​ടി​ക്ക​ലും മ​ണ്ണു ക​ട​ത്തും താ​ലൂ​ക്കി​ൽ വ്യാ​പ​ക​മാ​ണെ​ന്നും പ​രാ​തി ഉ​യ​ർ​ന്നു. ല​ഹ​രി​വി​ൽ​പ​ന ത​ട​യാ​ൻ പ​രി​ശോ​ധ​ന ക​ർ​ശ​ന​മാ​ക്കി​യ​താ​യി എ​ക്സൈ​സ്​ ഉ​ദ്യോ​ഗ​സ്​​ഥ​ർ അ​റി​യി​ച്ചു. 45 അ​ബ്കാ​രി കേ​സു​ക​ളും 10 രാ​സ​ല​ഹ​രി കേ​സു​ക​ളും പി​ടി​കൂ​ടി​യി​ട്ടു​ണ്ട്. ഭ​ക്ഷ്യ​സു​ര​ക്ഷാ വി​ഭാ​ഗ​ത്തി​ന്‍റെ പ​രി​ശോ​ധ​ന കാ​ര്യ​ക്ഷ​മ​മ​ല്ലെ​ന്ന് യോ​ഗ​ത്തി​ൽ ​വി​മ​ർ​ശം ഉ​ണ്ടാ​യി.

താ​ലൂ​ക്കി​ൽ ഭൂ​മി​യി​ല്ലാ​ത്ത എ​ല്ലാ​വ​ർ​ക്കും പ​ട്ട​യം ന​ൽ​കു​മെ​ന്ന് ത​ഹ​സി​ൽ​ദാ​ർ അ​റി​യി​ച്ചു. കൊ​ട്ടാ​ര​ക്ക​ര റെ​യി​ൽ​വേ സ്റ്റേ​ഷ​ൻ ജ​ങ്ഷ​നി​ലെ പൊ​തു ശൗ​ചാ​ല​യം പ്ര​വ​ർ​ത്ത​ന​ക്ഷ​മ​മാ​ക്ക​ണ​ണെ​മ​ന്നും ആ​വ​ശ്യ​മു​യ​ർ​ന്നു. വെ​ട്ടി​ക്ക​വ​ല ബ്ലോ​ക്ക് പ്ര​സി​ഡ​ന്‍റ്​ കെ. ​ഹ​ർ​ഷ​കു​മാ​ർ അ​ധ്യ​ക്ഷ്യ​ത വ​ഹി​ച്ചു.