നാ​ട​കീ​യം നെ​ടു​വ​ത്തൂ​ർ: ബി.​ജെ.​പി ത​ന്ത്രം പൊ​ളി​ഞ്ഞു; യു.ഡി.എഫുമായി കൈകോർത്ത് ഭരണംപിടിച്ച് എൽ.ഡി.എഫ്

കൊ​ട്ടാ​ര​ക്ക​ര: നെ​ടു​വ​ത്തൂ​ർ പ​ഞ്ചാ​യ​ത്തി​ലെ നാ​ട​കീ​യ രം​ഗ​ത്തി​നൊ​ടു​വി​ൽ യു.​ഡി.​എ​ഫ്​​ അം​ഗ​ങ്ങ​ളു​ടെ പി​ന്തു​ണ​യോ​ടെ എ​ൽ.​ഡി.​എ​ഫ് ഭ​ര​ണം​പി​ടി​ച്ചു. അ​വി​ശ്വാ​സ പ്ര​മേ​യ​ത്തി​ലൂ​ടെ നി​ല​വി​ലു​ണ്ടാ​യി​രു​ന്ന പ്ര​സി​ഡ​ന്‍റി​നെ പു​റ​ത്താ​ക്കി​യ ബി.​ജെ.​പി​ക്ക്​ ഇ​തോ​ടെ അ​ധി​കാ​രം പി​ടി​ക്കാ​ൻ ക​ഴി​ഞ്ഞി​ല്ല. നെ​ടു​വ​ത്തൂ​ർ പ​ഞ്ചാ​യ​ത്ത് പ്ര​സി​ഡ​ന്‍റ്​ സ്ഥാ​ന​ത്തേ​ക്കാ​ണ് ക​ഴി​ഞ്ഞ ദി​വ​സം രാ​വി​ലെ തെ​ര​ഞ്ഞെ​ടു​പ്പ് ന​ട​ന്ന​ത്.

ഇ​തി​ൽ പാ​ർ​ട്ടി ന​ട​പ​ടി നേ​രി​ടു​ന്ന യു.​ഡി.​എ​ഫ്​ അം​ഗ​ങ്ങ​ൾ ഉ​ൾ​പ്പെ​ടെ എ​ൽ.​ഡി.​എ​ഫി​നൊ​പ്പം നി​ന്ന​തോ​ടെ​യാ​ണ്​ ബി.​​ജെ.​പി​യു​ടെ മോ​ഹം പൊ​ലി​ഞ്ഞ​ത്. പാ​ർ​ട്ടി ന​ട​പ​ടി നേ​രി​ടു​ന്ന കോ​ൺ​ഗ്ര​സ്​ അം​ഗം വി.​കെ. ജ്യോ​തി​യെ​യാ​ണ്​ എ​ൽ.​ഡി.​എ​ഫ് പി​ന്തു​ണ​യോ​ടെ നെ​ടു​വ​ത്തൂ​ർ പ​ഞ്ചാ​യ​ത്ത് പ്ര​സി​ഡ​ന്‍റാ​യി തെ​ര​ഞ്ഞെ​ടു​ത്ത​ത്.

പാ​ർ​ട്ടി വി​പ്പ്​ ല​ഭി​ച്ച കോ​ൺ​ഗ്ര​സ്​ അം​ഗ​ങ്ങ​ൾ പ​ങ്കെ​ടു​ത്തി​ല്ല. ​ നെ​ടു​വ​ത്തൂ​ർ പ​ഞ്ചാ​യ​ത്തി​ൽ 18 വാ​ർ​ഡു​ക​ളാ​ണ് ഉ​ള്ള​ത്. ഏ​ഴ്​ സീ​റ്റു​ക​ളു​ള്ള ബി.​ജെ.​പി​യാ​ണ് ഏ​റ്റ​വും വ​ലി​യ ക​ക്ഷി. യു.​ഡി.​എ​ഫ് ആ​റ്​ സീ​റ്റ് (കോ​ൺ​ഗ്ര​സ്​ -അ​ഞ്ച്, കേ​ര​ള കോ​ൺ​ഗ്ര​സ്​ ജേ​ക്ക​ബ് -ഒ​ന്ന്), എ​ൽ.​ഡി.​എ​ഫ് നാ​ല്​ (സി.​പി.​എം- ര​ണ്ട്, സി.​പി.​ഐ - ര​ണ്ട്​ ), യു.​ഡി.​എ​ഫ് വി​മ​ത -ഒ​ന്ന് എ​ന്നി​ങ്ങ​നെ​യാ​ണ് ക​ക്ഷി നി​ല.

​നേ​ര​ത്തേ വി​മ​ത​യാ​യ ആ​ർ. സ​ത്യ​ഭാ​മ​യെ പ്ര​സി​ഡ​ന്‍റാ​ക്കി​യാ​ണ് ന​റു​ക്കെ​ടു​പ്പി​ലൂ​ടെ യു.​ഡി.​എ​ഫ് ഏ​ഴ്​ സീ​റ്റു​മാ​യി മു​മ്പ് അ​ധി​കാ​ര​ത്തി​ൽ വ​ന്ന​ത്. എ​ന്നാ​ൽ, അ​ഴി​മ​തി ആ​രോ​പ​ണ​ത്തി​ൽ കോ​ൺ​ഗ്ര​സ്​ നേ​താ​ക്ക​ൾ ത​ന്നെ സ​ത്യ​ഭാ​മ​ക്കെ​തി​രെ രം​ഗ​ത്ത് വ​ന്നു. ഇ​തോ​ടെ പ്ര​തി​പ​ക്ഷ​മാ​യ ബി.​ജെ.​പി അ​വി​ശ്വാ​സ പ്ര​മേ​യം കൊ​ണ്ടു​വ​ന്നു.

ഈ ​അ​വി​ശ്വാ​സ പ്ര​മേ​യ​ത്തി​ൽ യു.​ഡി.​എ​ഫി​ലെ നാ​ലു​പേ​ർ ബി.​ജെ.​പി അം​ഗ​ങ്ങ​ൾ​ക്ക് പി​ന്തു​ണ ന​ൽ​കി​യ​തോ​ടെ പ്ര​സി​ഡ​ന്‍റ്​ പു​റ​ത്താ​യി. പി​ന്നാ​ലെ ബി.​ജെ.​പി​യെ പി​ന്തു​ണ​ച്ച​തി​ന്​ ഡി.​സി.​സി പ്ര​സി​ഡ​ന്‍റ്​ പി. ​രാ​ജേ​ന്ദ്ര​പ്ര​സാ​ദി​ന്‍റെ നേ​തൃ​ത്വ​ത്തി​ൽ കോ​ൺ​ഗ്ര​സി​ലെ മൂ​ന്നു​പേ​ർ​ക്കെ​തി​രെ അ​ച്ച​ട​ക്ക ന​ട​പ​ടി എ​ടു​ത്തു.

ഇ​തി​ന്‍റെ ഭാ​ഗ​മാ​യി പാ​ർ​ട്ടി പ​രി​പാ​ടി​ക​ളി​ൽ താ​ൽ​ക്കാ​ലി​ക​മാ​യി പ​ങ്കെ​ടു​ക്കാ​ൻ പാ​ടി​ല്ലെ​ന്ന നി​ർ​ദേ​ശം ഇ​വ​ർ​ക്ക് ന​ൽ​കി​യി​രു​ന്നു. കേ​ര​ള കോ​ൺ​ഗ്ര​സ്​ (ജേ​ക്ക​ബ്) പ്ര​തി​നി​ധി ആ​ർ. രാ​ജ​ശേ​ഖ​ര​ൻ പി​ള്ള​യും അ​വി​ശ്വാ​സ​ത്തെ പി​ന്തു​ണ​ച്ചി​രു​ന്നു. ക​ഴി​ഞ്ഞ ദി​വ​സ​ത്തെ പ്ര​സി​ഡ​ന്‍റ്​ സ്​​ഥാ​ന​ത്തേ​ക്കു​ള്ള തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സി​ലെ ര​ണ്ട് മെ​ംബ​ർ​മാ​ർ​ക്ക് പാ​ർ​ട്ടി വി​പ്പ് ന​ൽ​കി​യി​രു​ന്നു.

ഇ​തി​നാ​ൽ ഇ​വ​ർ ര​ണ്ടുപേ​രും പ​ങ്കെ​ടു​ത്തി​ല്ല. പാ​ർ​ട്ടി ന​ട​പ​ടി നേ​രി​ടു​ന്ന മൂ​ന്ന് അം​ഗ​ങ്ങ​ൾ​ക്ക് ഡി.​സി.​സി പ്ര​സി​ഡ​ന്‍റ്​ വി​പ്പ് ന​ൽ​കി​യി​ല്ല. പ്ര​സി​ഡ​ന്‍റ്​ തെ​ര​ഞ്ഞെ​ടു​പ്പി​ൽ മു​ൻ പ​ഞ്ചാ​യ​ത്ത് പ്ര​സി​ഡ​ന്‍റ്​ ആ​ർ. സ​ത്യ​ഭാ​മ വോ​ട്ട് അ​സാ​ധു​വാ​ക്കി. ബി.​ജെ.​പി​ക്ക്​ ഏ​ഴ്​ വോ​ട്ട്​ ല​ഭി​ച്ച​പ്പോ​ൾ, പാ​ർ​ട്ടി ന​ട​പ​ടി നേ​രി​ടു​ന്ന കോ​ൺ​ഗ്ര​സ്​ മെം​ബ​ർ​മാ​രാ​യ വി.​കെ. ജ്യോ​തി, ജ​ല​ജ സു​രേ​ഷ്, സൂ​സ​മ്മ, കേ​ര​ള കോ​ൺ​ഗ്ര​സ്​ ജേ​ക്ക​ബി​ന്‍റെ ആ​ർ. രാ​ജേ​ശേ​ഖ​ര​ൻ പി​ള്ള ഉ​ൾ​പ്പെ​ടെ ഒ​പ്പം നി​ന്ന​പ്പോ​ൾ എ​ൽ.​ഡി.​എ​ഫ്​ മ​റു​ഭാ​ഗ​ത്ത്​ എ​ട്ട്​ വോ​ട്ട് നേ​ടി വി.​കെ. ജ്യോ​തി​യെ പ്ര​സി​ഡ​ന്‍റാ​ക്കി അ​ധി​കാ​ര​ത്തി​ലേ​റി.

ഇ​തോ​ടെ അ​വി​ശ്വാ​സ പ്ര​മേയം കൊ​ണ്ടു​വ​ന്ന് ഭ​ര​ണം പി​ടി​ക്കാ​മെ​ന്ന ബി.​ജെ.​പി​യു​ടെ തീ​രു​മാ​നം ന​ട​ക്കാ​തെ​യാ​യി. എ​ൽ.​ഡി.​എ​ഫി​നെ പി​ന്തു​ണ​ച്ച കോ​ൺ​ഗ്ര​സ്​ മെ​ംബ​റും കേ​ര​ള കോ​ൺ​ഗ്ര​സ്​ ജേ​ക്ക​ബ് വി​ഭാ​ഗ​വും ഇ​ട​തു​പ​ക്ഷ​ത്തേ​ക്ക് പോ​കു​മെ​ന്ന അ​ഭ്യൂ​ഹ​വു​മു​ണ്ട്.

കോൺഗ്രസ്​ അംഗങ്ങൾ സി.പി.എമ്മുമായി ചേർന്ന് പ്രവർത്തിക്കും

കൊ​ട്ടാ​ര​ക്ക​ര: എ​ൽ.​ഡി.​എ​ഫി​നൊ​പ്പം ചേ​ർ​ന്ന്​ നെ​ടു​വ​ത്തൂ​ർ പ​ഞ്ചാ​യ​ത്ത് പ്ര​സി​ഡ​ന്‍റാ​യി തെ​ര​ഞ്ഞെ​ടു​ക്ക​പ്പെ​ട്ട കോ​ൺ​ഗ്ര​സ്​ അം​ഗം വി.​കെ. ജ്യോ​തി​യും മ​റ്റൊ​രു കോ​ൺ​ഗ്ര​സ്​ അം​ഗ​മാ​യ സൂ​സ​മ്മ​യും സി.​പി.​എ​മ്മു​മാ​യി സ​ഹ​ക​രി​ച്ച് പ്ര​വ​ർ​ത്തി​ക്കാ​മെ​ന്ന് എ​ഴു​തി ന​ൽ​കി.

ക​ഴി​ഞ്ഞ​ദി​വ​സം രാ​വി​ലെ 10.30വ​രെ നെ​ടു​വ​ത്തൂ​ർ പ​ഞ്ചാ​യ​ത്ത് പ്ര​സി​ഡ​ന്‍റ്​ സ്ഥാ​ന​ത്തേ​ക്കു​ള്ള തെ​ര​ഞ്ഞെ​ടു​പ്പി​ൽ ബി.​ജെ.​പി ഭ​രി​ക്കു​മെ​ന്ന നി​ല​യി​ലാ​യി​രു​ന്നു. അ​വ​സാ​ന മി​നി​റ്റു​ക​ളി​ലാ​ണ് യു.​ഡി.​എ​ഫി​ലെ മൂ​ന്ന് അം​ഗ​ങ്ങ​ൾ എ​ൽ.​ഡി.​എ​ഫി​നെ പി​ന്തു​ണ​ക്കാ​മെ​ന്ന നി​ല​യി​ലെ​ത്തി​യ​ത്.