ബാലകൃഷ്ണപിള്ള സ്​മാരകത്തിന് സർക്കാർ​ സഹായം നൽകണം– കേരള കോൺഗ്രസ്‌ (ബി)

കൊട്ടാരക്കര: ആർ. ബാലകൃഷ്ണപിള്ളയുടെ പൂർണകായ പ്രതിമയും സാംസ്‌കാരിക നിലയവും കൊട്ടാരക്കരയിൽ സ്ഥാപിക്കാൻ സർക്കാർ സഹായം നൽകണമെന്ന് കേരള കോൺഗ്രസ്‌ (ബി). ഇൗ ആവശ്യം മന്ത്രി കെ.എൻ. ബാലഗോപാലി​നോട്​ ഉന്നയിച്ചു. മന്ത്രിയായശേഷം ആദ്യമായി കേരള കോൺഗ്രസ്‌ (ബി) ഓഫിസിലെത്തിയപ്പോൾ ജില്ല പ്രസിഡൻറ്​ എ. ഷാജു ആണ് പാർട്ടിയുടെ ആവശ്യം അറിയിച്ചത്.

അനുഭാവപൂർണം പരിഗണിക്കാമെന്ന്​ മന്ത്രി ഉറപ്പ് നൽകി. കൊട്ടാരക്കരയിലെ എൽ.ഡി.എഫ് നേതാക്കളോടൊപ്പമാണ് മന്ത്രി എത്തിയത്. കേരള കോൺ​​ഗ്രസ്‌ (ബി) നേതാക്കളായ കെ. ശങ്കരൻകുട്ടി, ജേക്കബ് വർഗീസ് വടക്കടത്ത്, നീലേശ്വരം ഗോപാലകൃഷ്​ണൻ, പെരുംകുളം സുരേഷ്, കൃഷ്ണൻകുട്ടി നായർ, വല്ലം രതീഷ്, ജോയിക്കുട്ടി എന്നിവർ പങ്കെടുത്തു. മുൻ എം.എൽ.എ പി. അയിഷാപോറ്റി, ജോർജ് മാത്യു, ഇന്ദുശേഖരൻ നായർ, മന്മഥൻ നായർ, സി. മുകേഷ്, എസ്. ആർ. രമേശ് എന്നിവർ മന്ത്രിയോടൊപ്പമുണ്ടായിരുന്നു.