വെള്ളക്കെട്ടിൽ കാണാതായ ഗൃഹനാഥൻെറ മൃതദേഹം കണ്ടെടുത്തു

കൊട്ടാരക്കര: പുത്തൂർ ചെറുപോയ്കയിൽ വെള്ളക്കെട്ടിൽ കാണാതായ ഗൃഹനാഥൻെറ മൃതദേഹം കണ്ടെത്തി. ചെറുപൊയ്ക കുഴിവിള വീട്ടിൽ ബേബി (56) ആണ് മരിച്ചത്. മീൻപിടിക്കാൻ പോകവേ വെള്ളക്കെട്ടിൽ വീഴുകയായിരുന്നുവെന്നാണ് നിഗമനം.

മീൻ പിടിക്കാനായി വള്ളം നിർത്തിയിട്ട സ്ഥലത്തുള്ള ഇലക്ട്രിക് ലൈനിൽ നിന്ന് ഷോക്കേറ്റതാകാം മരണ കാരണമെന്നാണ് പ്രാഥമിക നിഗമനം. ഫയർ ഫോഴ്‌സും സ്‌കൂബാ ടീമും നടത്തിയ തെരച്ചിലിലാണ് മൃതശരീരം കണ്ടെത്തിയത്. മൃതദേഹം കൊട്ടാരക്കര താലൂക്ക് ആശുപത്രിയിലേക്ക് മാറ്റി. ഭാര്യ: ലത. മക്കൾ: ലീബ, ലിബ. മരുമക്കൾ. ബിജുലാൽ, അനി.