അപകടമൊഴിയാതെ പുത്തൂർ റോഡ്

കൊ​ട്ടാ​ര​ക്ക​ര: കൊ​ട്ടാ​ര​ക്ക​ര-​പു​ത്തൂ​ർ റോ​ഡി​ൽ അ​പ​ക​ട​ക്കു​ഴി​ക​ൾ ഭീ​ഷ​ണി​യാ​കു​ന്നു. ഇ​ട​വി​ട്ട മ​ഴ​യു​ള്ള​തി​നാ​ൽ കു​ഴി​ക​ളി​ൽ വെ​ള്ളം കെ​ട്ടി​നി​ന്ന് അ​പ​ക​ട​ങ്ങ​ളും പ​തി​വാ​കു​ന്നു. മു​സ്​​ലിം സ്​​ട്രീ​റ്റ് പാ​ലം​മു​ത​ൽ പു​ത്തൂ​ർ മ​ണ്ഡ​പ​ത്തി​ന് കി​ഴ​ക്കു​ഭാ​ഗം​വ​രെ റോ​ഡി​ന്‍റെ മി​ക്ക​യി​ട​ത്തും കു​ഴി​ക​ൾ രൂ​പ​പ്പെ​ട്ടി​ട്ട് മാ​സ​ങ്ങ​ളാ​യി.

ഓ​ണ​ത്തി​ന് മു​ന്നോ​ടി​യാ​യി ചി​ല​യി​ട​ങ്ങ​ളി​ൽ കു​ഴി​യ​ട​ക്ക​ൽ ന​ട​ത്തി​യെ​ങ്കി​ലും അ​തെ​ല്ലാം ഇ​ള​കി​പ്പോ​യി. പു​ത്തൂ​ർ ഭാ​ഗ​ത്തേ​ക്കു​ള്ള വ​ള​വ് തി​രി​യു​മ്പോ​ൾ ചെ​റു​വാ​ഹ​ന​ങ്ങ​ൾ കു​ഴി​യി​ൽ വീ​ണ് മ​റി​യു​ന്നു.

കി​ഫ്ബി​യി​ൽ ഉ​ൾ​പ്പെ​ടു​ത്തി ശാ​സ്താം​കോ​ട്ട മു​ത​ൽ കൊ​ട്ടാ​ര​ക്ക​ര - നീ​ലേ​ശ്വ​രം - കോ​ട​തി മു​ച്ച​യം റോ​ഡി​ന്‍റെ നി​ർ​മാ​ണം ആ​രം​ഭി​ച്ചി​ട്ട് വ​ർ​ഷ​ങ്ങ​ളാ​യി. 20.80 കോ​ടി രൂ​പ​യാ​ണ് ഇ​തി​നാ​യി അ​നു​വ​ദി​ച്ച​ത്.

ക​ഴി​ഞ്ഞ സ​ർ​ക്കാ​റി​ന്‍റെ കാ​ല​ത്താ​യി​രു​ന്നു റോ​ഡ് നി​ർ​മാ​ണ​ത്തി​ന്‍റെ തു​ട​ക്കം. അ​ന്നേ വി​വാ​ദ​വു​മാ​യി​രു​ന്നു. എ​ക്സി.​എ​ൻ​ജി​നീ​യ​റ​ട​ക്കം നാ​ല് പ്ര​ധാ​ന ഉ​ദ്യോ​ഗ​സ്ഥ​രെ സ​സ്പെ​ൻ​ഡ് ചെ​യ്യു​ക​യാ​യി​രു​ന്നു. വ​ർ​ഷ​ങ്ങ​ൾ പി​ന്നി​ട്ടി​ട്ടും റോ​ഡി​ന്‍റെ നി​ർ​മാ​ണ ജോ​ലി​ക​ൾ പൂ​ർ​ത്തി​യാ​ക്കാ​ൻ ക​ഴി​ഞ്ഞി​ട്ടി​ല്ല. ടാ​റി​ങ് ന​ട​ത്തി​യ ഭാ​ഗം വീ​ണ്ടും പൊ​ട്ടി​പ്പൊ​ളി​യു​ന്ന സ്ഥി​തി​യു​മാ​യി.

പൊ​തു​മ​രാ​മ​ത്ത് വ​കു​പ്പി​ന്‍റെ കീ​ഴി​ലു​ള്ള റോ​ഡാ​ണെ​ങ്കി​ലും ന​ഗ​ര​സ​ഭ മു​ൻ​കൈ​യെ​ടു​ത്ത് ഇ​വി​ടെ കു​ഴി​യ​ട​ക്കാ​നെ​ങ്കി​ലും ത​യാ​റാ​ക​ണ​മെ​ന്നാ​ണ് യാ​ത്ര​ക്കാ​രു​ടെ ആ​വ​ശ്യം. പാ​ല​ത്തി​ന്‍റെ 200 മീ​റ്റ​ർ അ​ക​ലെ​യാ​യി ബേ​ക്ക​റി​ക്ക് സ​മീ​പ​ത്ത് പ​ല​യി​ട​ത്തും ചെ​റു​തും വ​ലു​തു​മാ​യ കു​ഴി​ക​ൾ രൂ​പ​പ്പെ​ട്ടു. പ​ത്ത​ടി ക​ലു​ങ്കി​ന്‍റെ ഭാ​ഗ​ത്തെ കു​ഴി​ക​ൾ മ​ണ്ണി​ട്ട് നി​ക​ത്തി​യി​ട്ടു​ണ്ട്. ഇ​ത്​ അ​ടു​ത്ത മ​ഴ​യ​ത്ത് ഇ​ള​കി​പ്പോ​കും.

പു​ത്തൂ​ർ ചു​ങ്ക​ത്ത​റ​ക്ക്​ പെ​ട്രോ​ൾ പ​മ്പി​നും ഇ​ട​യി​ൽ നാ​ല് കു​ഴി​ക​ൾ തീ​ർ​ത്തും അ​പ​ക​ട​ക്കെ​ണി​യാ​ണ്. രാ​ത്രി​കാ​ല​ങ്ങ​ളി​ൽ ഇ​വി​ടെ ഇ​രു​ച​ക്ര വാ​ഹ​ന​ങ്ങ​ൾ അ​പ​ക​ട​ത്തി​ൽ​പെ​ടു​ന്നു​ണ്ട്. അ​പ​ക​ട​ങ്ങ​ളെ​തു​ട​ർ​ന്ന് ഇ​വി​ടെ മ​ണ്ണി​ട്ട് കു​ഴി​യ​ട​യ്​​ക്കാ​ൻ ശ്ര​മം ന​ട​ന്നെ​ങ്കി​ലും അ​തും ഇ​ള​കി​പ്പോ​യി. ഇ​വി​ടെ ഓ​ട​ക്ക് മൂ​ടി​യും സ്ഥാ​പി​ച്ചി​ട്ടി​ല്ല.