സ്കൂട്ടറിൽ എത്തിയവർ യുവതിയുടെ സ്വർണമാല കവർന്നു
text_fieldsകൊട്ടാരക്കര: വയക്കൽ സ്വദേശിനിയായ പിന്നാക്ക വികസന കോർപറേഷൻ ജീവനക്കാരിയുടെ രണ്ട് പവൻ മാല സ്കൂട്ടറിൽ എത്തിയവർ കവർന്നു. പിന്നാക്ക വികസന കോർപറേഷന്റെ കൊല്ലത്തെ ഓഫിസിൽ ജോലിക്ക് ശേഷം വീട്ടിലേക്കു പോകവേ കഴിഞ്ഞ ദിവസം വൈകീട്ട് 6.40 ഓടെ വയക്കൽ ഗീതു ഭവനിൽ നീതുവിന്റെ മാലയാണ് അപഹരിച്ചത്.
വയക്കൽ-ഉമ്മന്നൂർ റോഡിൽ റേഷൻകട ഭാഗത്ത് എതിർദിശയിൽ വന്ന സ്കൂട്ടറിൽ പിന്നിലിരുന്ന ആൾ യുവതിയുടെ കഴുത്തിൽ പിടിച്ച് രണ്ട് പവൻ വരുന്ന മാല പൊട്ടിച്ചു കടക്കുകയായിരുന്നു. മഴമൂലം ഈ ഭാഗത്ത് വൈദ്യുതി ഇല്ലായിരുന്നു. സ്കൂട്ടറിൽ വന്നവർ ഹെൽമെറ്റ് ധരിച്ച് തൂവാല കൊണ്ട് മുഖം മൂടിയിരുന്നതായാണ് യുവതി മൊഴിനൽകിയത്. കൊട്ടാരക്കര പൊലീസിൽ പരാതി നൽകി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.