റോഡ് വികസനം:പൈപ്പ് പൊട്ടൽ പതിവ്

കൊട്ടിയം: ദേശീയപാത വികസന ഭാഗമായി റോഡിന്റെ വശങ്ങൾ കുത്തിപ്പൊളിക്കുന്നത് കുടിവെള്ള പൈപ്പുകൾ പൊട്ടുന്നതിനും പ്രദേശവാസികളുടെ കുടിവെള്ളം മുടങ്ങുന്നതിനും കാരണമാകുന്നു. ഉമയനല്ലൂർ ഭാഗത്താണ് നിരവധിയിടങ്ങളിൽ പൈപ്പുകൾ പൊട്ടിയത്. വാട്ടർ അതോറിറ്റി അധികൃതരുടെ സാന്നിധ്യമില്ലാതെയാണ് മണ്ണുമാന്തിയന്ത്രം ഉപയോഗിച്ച്‌ പുതിയ റോഡ് നിർമാണത്തിനായി ഏറ്റെടുത്ത സ്ഥലങ്ങൾ കുത്തിപ്പൊളിക്കുന്നത്.