ഉത്സവകാലമെത്തി; തമിഴ് നാടോടി സംഘങ്ങളുടെ മോഷണകാലവും

കൊ​ട്ടി​യം: ഉ​ത്സ​വ സീ​സ​ൺ ആ​യ​തോ​ടെ തി​ര​ക്കു​ള്ള സ്ഥ​ല​ങ്ങ​ളി​ൽ​നി​ന്ന്​ മാ​ല​മോ​ഷ​ണം ല​ക്ഷ്യ​മി​ട്ട്​ ത​മി​ഴ്​ നാ​ടോ​ടി​സം​ഘ​ങ്ങ​ൾ എ​ത്തി​യ​താ​യി വി​വ​രം. ഇ​വ​രെ തി​രി​ച്ച​റി​യു​ന്ന​തി​നാ​യി ഇ​ത്ത​രം കേ​സു​ക​ളി​ൽ​പെ​ട്ട​വ​രു​ടെ ചി​ത്ര​ങ്ങ​ൾ ഉ​ത്സ​വ​സ്ഥ​ല​ങ്ങ​ളി​ലും മ​റ്റും പ്ര​ദ​ർ​ശി​പ്പി​ച്ചി​ട്ടു​ണ്ടെ​ങ്കി​ലും മാ​ല​മോ​ഷ​ണ​ത്തി​ന് കു​റ​വി​ല്ല.

ക​ഴി​ഞ്ഞ​ദി​വ​സം ഉ​ത്സ​വ​സ്ഥ​ല​ത്ത് അ​ന്ന​ദാ​ന​ത്തി​നി​ടെ വ​യോ​ധി​ക​യു​ടെ മാ​ല ത​മി​ഴ്​ നാ​ടോ​ടി​സം​ഘം ക​വ​ർ​ന്നി​രു​ന്നു. ചാ​ത്ത​ന്നൂ​ർ താ​ഴം കു​ള​ങ്ങ​ര മേ​ലൂ​ട്ട് ക്ഷേ​ത്ര​ത്തി​ലെ ഉ​ത്സ​വ​ത്തി​നി​ട​യി​ലാ​ണ് ത​മി​ഴ് സം​സാ​രി​ക്കു​ന്ന സ്ത്രീ​ക​ൾ ചേ​ർ​ന്ന് അ​ഞ്ച്​ പ​വ​ന്‍റെ സ്വ​ർ​ണ മാ​ല മോ​ഷ്ടി​ച്ച​ത്. തി​ര​ക്കി​നി​ട​യി​ലാ​ണ് മോ​ഷ​ണം. മൂ​ന്ന് സ്ത്രീ​ക​ൾ സം​ഘ​ത്തി​ൽ ഉ​ള്ള​താ​യി സി.​സി.​ടി.​വി ദൃ​ശ്യ​ങ്ങ​ളി​ൽ​ വ്യ​ക്ത​മാ​കു​ന്നു​ണ്ട്.

ക്ഷേ​ത്ര​ക​മ്മി​റ്റി ഭാ​ര​വാ​ഹി​ക​ൾ ചാ​ത്ത​ന്നൂ​ർ പൊ​ലീ​സി​ൽ പ​രാ​തി ന​ൽ​കി​യി​ട്ടു​ണ്ട്. ക​ഴി​ഞ്ഞ​ദി​വ​സ​മാ​ണ് ക​ട​യി​ൽ സാ​ധ​നം വാ​ങ്ങാ​നെ​ത്തി​യ യു​വാ​ക്ക​ൾ ക​ട​യു​ട​മ​യാ​യ സ്ത്രീ​യു​ടെ സ്വ​ർ​ണ​മാ​ല പൊ​ട്ടി​ച്ച്​ ക​ട​ന്ന​ത്. ഒ​ന്ന​ര​പ്പ​വ​നോ​ളം വ​രു​ന്ന മാ​ല​യാ​ണ് ന​ഷ്ട​മാ​യ​ത്. ഊ​റാം​വി​ള ജ​ങ്​​ഷ​നി​ൽ​നി​ന്ന്​ മാ​ർ​ത്തോ​മ്മ പ​ള്ളി​യി​ലേ​ക്കു​പോ​കു​ന്ന പാ​ത​യ​രി​കി​ലെ ക​ട​യു​ട​മ​യു​ടെ മാ​ല​യാ​ണ് മോ​ഷ്‌​ടി​ച്ച​ത്. രാ​ത്രി 8.45 ഓ​ടെ​യാ​ണ് സം​ഭ​വം.

ബൈ​ക്കി​ലെ​ത്തി​യ യു​വാ​ക്ക​ൾ ക​ട​യി​ൽ​നി​ന്ന്​ വാ​ങ്ങി​യ തൈ​ര്​ ഇ​ടു​ന്ന​തി​ന്​ ക​വ​ർ ആ​വ​ശ്യ​പ്പെ​ട്ടു. ക​വ​ർ എ​ടു​ക്കു​ന്ന​തി​നാ​യി തി​രി​യു​ന്ന​തി​നി​ടെ യു​വ​തി​യു​ടെ മാ​ല പൊ​ട്ടി​ച്ച​ശേ​ഷം ഇ​വ​രെ ത​ള്ളി താ​ഴെ​യി​ട്ട്​ ബൈ​ക്കി​ൽ ക​ട​ന്നു​ക​ള​യു​ക​യാ​യി​രു​ന്നു.മോ​ഷ​ണ​ത്തി​ന് മു​മ്പ്​ മോ​ഷ്‌​ടാ​ക്ക​ൾ മേ​ലേ​വി​ള​യി​ലെ ഒ​രു​ക​ട​യി​ലും ചാ​ത്ത​ന്നൂ​രി​ലും മ​റ്റ് ചി​ല ഇ​ട​ങ്ങ​ളി​ലും ക​റ​ങ്ങി​ന​ട​ക്കു​ന്ന സി.​സി.​ടി.​വി ദൃ​ശ്യ​ങ്ങ​ൾ പൊ​ലീ​സി​ന് ല​ഭി​ച്ചി​ട്ടു​ണ്ട്. ചാ​ത്ത​ന്നൂ​ർ പൊ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു.