കൈയകലെ അപകടം; നടുക്കം മാറാതെ അഹമ്മദ് നിഹാൽ

കൊ​ട്ടി​യം: പാ​ളം മു​റി​ച്ചു​ക​ട​ക്കാ​ൻ ശ്ര​മി​ക്കു​ന്ന​തി​നി​ടെ ട്രെ​യി​ൻ ത​ട്ടി മ​രി​ച്ച ദേ​വ​ന​ന്ദ അ​വ​സാ​ന​മാ​യി പ​റ​ഞ്ഞ വാ​ക്കു​ക​ൾ പ്ല​സ് ടു ​വി​ദ്യാ​ർ​ഥി​യാ​യ അ​ഹ​മ്മ​ദ് നി​ഹാ​ലി​ന്‍റെ മ​ന​സ്സി​ൽ​നി​ന്ന്​ മാ​യു​ന്നി​ല്ല. പാ​ള​ത്തി​ൽ അ​ക​പ്പെ​ട്ട ശ്രേ​യ​യെ ര​ക്ഷ​പ്പെ​ടു​ത്തി​യ​പ്പോ​ൾ കൈ ​ഉ​യ​ർ​ത്തി ‘എ​ന്നെ​യും കൂ​ടി ഒ​ന്നു ര​ക്ഷ​പ്പെ​ടു​ത്തു​മോ ചേ​ട്ടാ’ എ​ന്ന്​ ദേ​വ​ന​ന്ദ പ​റ​ഞ്ഞ വാ​ക്കു​ക​ളാ​ണ് നി​ഹാ​ലി​ന്‍റെ മ​ന​സ്സി​ൽ നോ​വാ​കു​ന്ന​ത്. തു​ട​ർ​ന്ന്​ കൈ ​പി​ടി​ച്ച് നി​ഹാ​ൽ പ്ലാ​റ്റ്​​ഫോ​മി​ലേ​ക്ക് വ​ലി​ച്ചു​ക​യ​റ്റു​ന്ന​തി​നി​ടെ​യാ​ണ് പാ​ഞ്ഞെ​ത്തി​യ ട്രെ​യി​ൻ ദേ​വ​ന​ന്ദ​യു​ടെ ജീ​വ​നെ​ടു​ത്ത​ത്.

നി​ഹാ​ലും സു​ഹൃ​ത്തു​ക്ക​ളാ​യ സെ​യ്ദ​ലി, ഇ​ർ​ഫാ​ൻ, ഷാ​ലു, സെ​യ്ദ് എ​ന്നി​വ​ർ സ്കൂ​ൾ വി​ട്ട് വീ​ടു​ക​ളി​ലേ​ക്ക് പോ​കു​ന്ന​തി​നാ​യി പാ​ളം​മു​റി​ച്ചു​ക​ട​ന്ന്​ ര​ണ്ടാം ന​മ്പ​ർ പ്ലാ​റ്റ്ഫോ​മി​ലേ​ക്ക്​ ക​യ​റി​യ​തി​നു​തൊ​ട്ടു​പി​ന്നി​ലാ​യാ​ണ്​ ദേ​വ​ന​ന്ദ​യും ശ്രേ​യ​യും പാ​ള​ത്തി​ൽ എ​ത്തി​യ​ത്.

പെ​ട്ടെ​ന്ന്​ ട്രെ​യി​ൻ വ​രു​ന്നു, മാ​റി​ക്കോ എ​ന്ന് ആ​രൊ​ക്കെ​യോ വി​ളി​ച്ചു​പ​റ​യു​ന്ന​തു കേ​ട്ട്​ പ്ലാ​റ്റ്​​ഫോ​മി​ൽ​നി​ന്ന കു​ട്ടി​ക​ൾ തി​രി​ഞ്ഞു​നോ​ക്കി​യ​പ്പോ​ൾ കൊ​ല്ലം ഭാ​ഗ​ത്തു​നി​ന്ന്​ ട്രെ​യി​ൻ വ​രു​ന്ന​താ​ണ്​ ക​ണ്ട​ത്. തു​ട​ർ​ന്ന്​ ട്രാ​ക്കി​ൽ​നി​ന്ന്​ ​പ്ലാ​റ്റ്​​ഫോ​മി​ലേ​ക്ക്​ ക​യ​റാ​നു​ള്ള ശ്ര​മ​ത്തി​ലാ​യി​രു​ന്നു ശ്രേ​യ​യും ദേ​വ​ന​ന്ദ​യും. കാ​ലി​ന്‍റെ ലി​ഗ്​​മെ​ന്‍റി​ന് പ​രി​ക്കു​ണ്ടാ​യി​ട്ടും നി​ഹാ​ൽ ധൈ​ര്യം സം​ഭ​രി​ച്ച് പാ​ള​ത്തി​ൽ ഭ​യ​ത്തോ​ടെ നി​ൽ​ക്കു​ക​യാ​യി​രു​ന്ന പെ​ൺ​കു​ട്ടി​ക​ളെ ര​ക്ഷ​പ്പെ​ടു​ത്തു​വാ​ൻ ത​യാ​റാ​കു​ക​യാ​യി​രു​ന്നു. ശ്രേ​യ​യെ പാ​ള​ത്തി​ൽ​നി​ന്ന്​ വ​ലി​ച്ചു​ക​യ​റ്റി ര​ക്ഷ​പെ​ടു​ത്തി.

ദേ​വ​ന​ന്ദ​യെ വ​ലി​ച്ചു​ക​യ​റ്റാ​നാ​യി​രു​ന്നു അ​ടു​ത്ത​ശ്ര​മം. എ​ന്നാ​ൽ, ബാ​ഗി​ന്‍റെ വ​ലു​പ്പം മൂ​ലം ദേ​വ​ന​ന്ദ​യെ ഉ​യ​ർ​ത്തി​ക്ക​യ​റ്റാ​ൻ നി​ഹാ​ലി​ന്​ സാ​ധി​ച്ചി​ല്ല. അ​പ്പോ​ഴേ​ക്കും പാ​ഞ്ഞെ​ത്തി​യ ട്രെ​യി​ൻ കു​ട്ടി​യു​ടെ ജീ​വ​നെ​ടു​ത്തു. കൈ​വി​ര​ൽ​തു​മ്പി​ൽ​നി​ന്ന്​ ദേ​വ​ന​ന്ദ​യെ മ​ര​ണം ത​ട്ടി​യെ​ടു​ത്ത​ത്​ കാ​ണേ​ണ്ടി​വ​ന്ന​തി​ന്‍റെ ഞെ​ട്ട​ലി​ലാ​ണ്​ നി​ഹാ​ലും ഒ​പ്പ​മു​ണ്ടാ​യി​രു​ന്ന​വ​രും.