ആൾതാമസമില്ലാത്ത വീട്ടിൽ തോക്ക് കണ്ടെത്തി

കു​ള​ത്തൂ​പ്പു​ഴ: ആ​ൾ താ​മ​സ​മി​ല്ലാ​ത്ത വീ​ട്ടി​ൽ ഒ​ളി​പ്പി​ച്ച നി​ല​യി​ൽ നാ​ട​ൻ തോ​ക്ക് ക​ണ്ടെ​ത്തി. ചോ​ഴി​യ​ക്കോ​ട് അ​രി​പ്പ, നാ​ട്ടു​ക​ല്ല് എ​ണ്ണ​പ്പ​ന തോ​ട്ട​ത്തി​ന് സ​മീ​പം ജ​സ്‌​ന മ​ൻ​സി​ലി​ൽ ജ​ലാ​ലു​ദ്ദീ​ന്‍റെ ഉ​ട​മ​സ്ഥ​ത​യി​ലു​ള്ള ആ​ൾ​താ​മ​സ​മി​ല്ലാ​ത്ത വീ​ട്ടി​ൽ നി​ന്നാ​ണ് തോ​ക്ക് ക​ണ്ടെ​ത്തി​യ​ത്. ത​ക​ര ഷീ​റ്റ് കൊ​ണ്ട് നി​ർ​മ്മി​ച്ച വീ​ട് ഏ​റെ കാ​ല​മാ​യി അ​ട​ഞ്ഞു കി​ട​ക്കു​ക​യാ​യി​രു​ന്നു. ക​ഴി​ഞ്ഞ ദി​വ​സം പു​ര​യി​ട​ത്തി​ലെ തേ​ങ്ങ ശേ​ഖ​രി​ക്കാ​ൻ ജോ​ലി​ക്കാ​ര​നു​മാ​യി എ​ത്തി​യ വീ​ട്ടു​ട​മ രാ​ത്രി വീ​ട്ടി​ൽ ത​ങ്ങു​ക​യും ഉ​റ​ങ്ങാ​നാ​യി കി​ട​ക്ക ശ​രി​യാ​ക്ക​വേ മെ​ത്ത​യു​ടെ അ​ടി​യി​ൽ, തോ​ക്ക്

ക​ണ്ടെ​ത്തു​ക​യു​മാ​യി​രു​ന്നു. ജ​ലാ​ലു​ദ്ദീ​ൻ ഉ​ട​ൻ ത​ന്നെ അ​രി​പ്പ ക്യാ​മ്പി​ങ് സ്റ്റേ​ഷ​ൻ വ​ന​പാ​ല​ക​രെ അ​റി​യി​ച്ചു. തു​ട​ർ​ന്ന് ഏ​ഴം​കു​ളം വ​നം ഡെ​പ്യൂ​ട്ടി റേ​ഞ്ച് ഫോ​റ​സ്റ്റ് ഓ​ഫീ​സ​ർ​മാ​രാ​യ അ​നി​ൽ കു​മാ​ർ, നൗ​ഷാ​ദ്, ബീ​റ്റ് ഫോ​റ​സ്റ്റ​ർ ജി​ഷ ജി. ​നാ​യ​ർ, വാ​ച്ച​ർ​മാ​രാ​യ അ​നൂ​പ് ഭാ​സ്ക​ർ, ബാ​ഹു​ലേ​യ​ൻ നാ​യ​ർ എ​ന്നി​വ​ര​ട​ങ്ങു​ന്ന വ​ന​പാ​ല​ക സം​ഘം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി പ്ര​വ​ർ​ത്ത​ന​ക്ഷ​മ​മാ​യ തോ​ക്ക് ആ​ണെ​ന്ന്​ സ്ഥി​രീ​ക​രി​ച്ചു. തു​ട​ർ​ന്ന് വ​ന​പാ​ല​ക​ർ വി​വ​രം ന​ൽ​കി​യ​തി​െ​ന്‍റ അ​ടി​സ്ഥാ​ന​ത്തി​ൽ, ചി​ത​റ പൊ​ലീ​സ് സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. തോ​ക്ക് സ്റ്റേ​ഷ​നി​ലേ​ക്ക് മാ​റ്റു​ക​യും ചെ​യ്തു. പ്ര​ദേ​ശ​ത്തെ എ​ണ്ണ​പ്പ​ന തോ​ട്ടം കേ​ന്ദ്രീ​ക​രി​ച്ച് രാ​ത്രി മൃ​ഗ​വേ​ട്ട ത​കൃ​തി​യാ​ണെ​ന്നും ഇ​ത്ത​ര​ക്കാ​ർ ആ​രോ ആ​ൾ​താ​മ​സ​മി​ല്ലാ​ത്ത വീ​ട്ടി​ൽ തോ​ക്ക് ഒ​ളി​പ്പി​ച്ച​താ​വാ​മെ​ന്നു​മാ​ണ് പൊ​ലീ​സ് നി​ഗ​മ​നം. സം​ഭ​വ​ത്തി​ൽ കേ​സെ​ടു​ത്ത ചി​ത​റ പൊ​ലീ​സ് അ​ന്വേ​ഷ​ണം ആ​രം​ഭി​ച്ചു.