സഞ്ചാരികള്‍ക്ക് പ്രിയങ്കരമായി കുളത്തൂപ്പുഴ വനം മ്യൂസിയം

കു​ള​ത്തൂ​പ്പു​ഴ: ഭൂ​പ്ര​കൃ​തി​യും ത​നി​മ​യും നി​ല​നി​ര്‍ത്തി ആ​ധു​നി​ക​രീ​തി​യി​ൽ വ​നം വ​കു​പ്പ് നി​ർ​മി​ച്ച വ​നം മ്യൂ​സി​യം സ​ഞ്ചാ​രി​ക​ള്‍ക്ക് പ്രി​യ​ങ്ക​ര​മാ​കു​ന്നു. തി​ര​ക്ക് വ​ർ​ധി​ച്ച​തോ​ടെ മ്യൂ​സി​യം പ്ര​വ​ര്‍ത്ത​നം തു​ട​ങ്ങി കു​റ​ഞ്ഞ​സ​മ​യം​കൊ​ണ്ട് വ​നം വ​കു​പ്പി​ന് മി​ക​ച്ച വ​രു​മാ​നം കൈ​വ​രി​ക്കാ​ന്‍ ക​ഴി​ഞ്ഞി​ട്ടു​ണ്ട്. കു​ള​ത്തൂ​പ്പു​ഴ സ്കൂ​ള്‍ ജ​ങ്ഷ​നോ​ട് ചേ​ര്‍ന്ന് അ​ന്ത​ര്‍സം​സ്ഥാ​ന പാ​ത​യോ​ര​ത്ത് വ​നം റേ​ഞ്ച്​ ഓ​ഫി​സ് പ​ഴ​യ മ​ന്ദി​ര​ത്തി​നു സ​മീ​പ​ത്തും ചു​റ്റു​മു​ള്ള കു​ട്ടി​വ​ന​വും ക​ല്ല​ട​യാ​റി​ന്‍റെ തീ​ര​ങ്ങ​ളി​ലു​മാ​യാ​ണ് വ​ന മ്യൂ​സി​യം പ്ര​വ​ര്‍ത്തി​ക്കു​ന്ന​ത്. ഇ​വി​ടെ​യു​ള്ള മ​ര​ങ്ങ​ളൊ​ന്നും മു​റി​ച്ച് നീ​ക്കാ​തെ​യും കൂ​ടു​ത​ല്‍ വെ​ച്ച് പി​ടി​പ്പി​ച്ച​തും വ​ഴി പ്ര​കൃ​തി​ഭം​ഗി​യും പ​ച്ച​പ്പും പ്ര​ശാ​ന്ത​ത നി​റ​ഞ്ഞ അ​ന്ത​രീ​ക്ഷ​വു​മാ​ണ് ആ​ക​ർ​ഷ​കം. മ്യൂ​സി​യം സം​രം​ഭം വി​ജ​യ​ത്തി​ലെ​ത്തി​ക്കാ​ന്‍ ക​ഴി​ഞ്ഞ​തോ​ടെ ര​ണ്ടാം​ഘ​ട്ട വി​ക​സ​ന പ്ര​വ​ര്‍ത്ത​ന​ങ്ങ​ള്‍ക്കാ​യു​ള്ള ഒ​രു​ക്ക​ത്തി​ലാ​ണ് വ​നം വ​കു​പ്പ്. വ​നം​വ​കു​പ്പി​ന്‍റെ എ​ല്ലാ മ്യൂ​സി​യ​ങ്ങ​ളു​ടേ​യും ഒ​രു ശൃം​ഖ​ല ഒ​രു​ക്കി രാ​ജ്യാ​ന്ത​ര ത​ല​ത്തി​ല്‍ നാ​ചു​റ​ൽ ഹി​സ്റ്റ​റി മ്യൂ​സി​യ​ങ്ങ​ളു​മാ​യി നെ​റ്റ്​​വ​ർ​ക്ക് മു​ഖേ​ന ബ​ന്ധി​പ്പി​ക്കാ​നും അ​ടു​ത്ത ഘ​ട്ട​ത്തി​ല്‍ ല​ക്ഷ്യ​മി​ടു​ന്നു​ണ്ട്.

വി​ഷ​യ​ത്തി​ൽ സെ​മി​നാ​റു​ക​ളും സിം​പോ​സി​യ​ങ്ങ​ളും ഒ​രു​ക്കു​ന്ന​തി​നാ​യി ആ​ധു​നി​ക സൗ​ക​ര്യ​ങ്ങ​ളോ​ടു കൂ​ടി​യ എ​ക്സി​ബി​ഷ​ൻ ഹാ​ൾ, ഓ​ഡി​യോ വി​ഷ്വ​ൽ റൂ​മും അ​നു​ബ​ന്ധ സൗ​ക​ര്യ​ങ്ങ​ളും ഒ​രു​ക്കി​യി​ട്ടു​ള്ള​തി​ന് പു​റ​മെ ഗെ​സ്റ്റ്ഹൗ​സ് സൗ​ക​ര്യ​വും ഇ​വി​ടെ​യു​ണ്ട്. കൂ​ടു​ത​ല്‍ ആ​ഭ്യ​ന്ത​ര - വി​ദേ​ശ സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന​തി​നാ​യി വ​നം മ്യൂ​സി​യ​ത്തോ​ട് ചേ​ര്‍ന്ന് ഒ​ഴു​കു​ന്ന കു​ള​ത്തൂ​പ്പു​ഴ​യാ​റി​ന്‍റെ ക​ര​യി​ലാ​യി സ്നാ​ന​ഘ​ട്ട​വും ഇ​രി​പ്പി​ട​ങ്ങ​ളും പൂ​ന്തോ​ട്ട​ങ്ങ​ളു​മൊ​രു​ക്കും. വ​നാ​ന്ത​രീ​ക്ഷ​ത്തി​ലു​ള്ള കു​ട്ടി​ക​ളു​ടെ പാ​ര്‍ക്കും റെ​സ്റ്റ് ഏ​രി​യ​യും ഏ​റെ​പ്പേ​രു​ടെ മ​നം ക​വ​രു​ന്ന​തു​മാ​ണ്. രേ​ഖാ ചി​ത്ര​ങ്ങ​ള്‍, പെ​യി​ന്‍റി​ങ്ങു​ക​ള്‍, വ്യ​ത്യ​സ്ത​ങ്ങ​ളാ​യ ഫോ​ട്ടോ ശേ​ഖ​ര​ങ്ങ​ൾ, ശി​ൽ​പ​ങ്ങ​ൾ, പു​രാ​വ​സ്തു​ശേ​ഖ​ര​ങ്ങ​ൾ തു​ട​ങ്ങി കൗ​തു​ക​മു​ണ​ർ​ത്തു​ന്ന ഒ​ട്ടേ​റെ സാ​ധ്യ​ത​ക​ളാ​ണ് ഇ​വി​ടെ ഉ​ള്ള​ത്. ഇ​തി​നോ​ട് ചേ​ർ​ന്ന് ഫോ​റ​സ്റ്റ് ഇ​ൻ​ഫ​ർ​മേ​ഷ​ൻ സെൻറും ഇ​ക്കോ​ഷോ​പ്പും പ്ര​വ​ര്‍ത്തി​ക്കു​ന്നു​ണ്ട്. തി​ങ്ക​ളാ​ഴ്ച​യൊ​ഴി​കെ മ​റ്റെ​ല്ലാ ദി​ന​ങ്ങ​ളി​ലും തു​റ​ന്ന് പ്ര​വ​ര്‍ത്തി​ക്കും. മ്യൂ​സി​യ​ത്തി​നു​ള്ളി​ല്‍ പ്ര​വേ​ശി​ച്ചാ​ല്‍ ആ​ധു​നി​ക സാ​ങ്കേ​തി​ക​വി​ദ്യ​യു​ടെ സ​ഹാ​യ​ത്തോ​ടെ സം​വി​ധാ​നം ചെ​യ്തി​ട്ടു​ള്ള നി​ര​വ​ധി​യാ​യ കാ​ഴ്ച​ക​ളും അ​നു​ഭ​വ​ങ്ങ​ളും ആ​വോ​ളം ആ​സ്വ​ദി​ച്ച് മ​ട​ങ്ങാ​മെ​ന്ന​തും സ​ഞ്ചാ​രി​ക​ള്‍ക്ക് ഏ​റെ പ്രി​യ​മാ​കു​ന്നു​ണ്ട്.

വ​നം വ​കു​പ്പ് നി​ശ്ച​യി​ച്ചി​ട്ടു​ള്ള കു​റ​ഞ്ഞ നി​ര​ക്കി​ലെ തു​ക കെ​ട്ടി​വെ​ച്ചാ​ല്‍ വ​നം മ്യൂ​സി​യ​ത്തി​ലെ കോ​ണ്‍ഫ​റ​ന്‍സ് ഹാ​ള്‍ പൊ​തു​ജ​ന​ങ്ങ​ള്‍ക്ക് വി​വാ​ഹ സ​ല്‍ക്കാ​ര​ത്തി​നും, പി​റ​ന്നാ​ല്‍ ആ​ഘോ​ഷ​ങ്ങ​ള്‍ക്കും, മ​റ്റ് പൊ​തു ച​ട​ങ്ങു​ക​ള്‍ക്കും വി​ട്ടു​കി​ട്ടു​ക​യും ചെ​യ്യും. ഇ​തി​ന​കം​ത​ന്നെ പു​തു​വ​ത്സ​രാ​ഘോ​ഷ​വും വി​ദ്യാ​ര്‍ഥി കൂ​ട്ടാ​യ്മ​ക​ളു​ടെ പ​രി​പാ​ടി​ക​ളും തു​ട​ങ്ങി നി​ര​വ​ധി സ്വ​കാ​ര്യ ച​ട​ങ്ങു​ക​ള്‍ക്ക് വേ​ദി​യാ​വു​ക​യും ചെ​യ്തു.