കുളത്തൂപ്പുഴ ടൗണില്‍ സാമൂഹികവിരുദ്ധരുടെ ശല്യം ഏറുന്നു

കു​ള​ത്തൂ​പ്പു​ഴ: ടൗ​ണ്‍ പ്ര​ദേ​ശ​ത്ത് ദി​നം​പ്ര​തി സാ​മൂ​ഹി​ക​വി​രു​ദ്ധ​രു​ടെ ശ​ല്യം ഏ​റി​യി​ട്ടും പൊ​ലീ​സ് ന​ട​പ​ടി സ്വീ​ക​രി​ക്കു​ന്നി​ല്ലെ​ന്ന്​ ആ​ക്ഷേ​പ​മു​യ​രു​ന്നു. ക​ഴി​ഞ്ഞ​ദി​വ​സം രാ​ത്രി​യി​ല്‍ കു​ള​ത്തൂ​പ്പു​ഴ ടൗ​ണി​ലെ വി​വി​ധ വ്യാ​പാ​ര ശാ​ല​ക​ള്‍ക്ക്​ മു​ന്നി​ലു​ണ്ടാ​യി​രു​ന്ന ചെ​ടി​ച്ച​ട്ടി​ക​ളും ചെ​ടി​ക​ളും റോ​ഡി​ലേ​ക്ക് വ​ലി​ച്ചെ​റി​ഞ്ഞ്​ ന​ശി​പ്പി​ക്കു​ക​യും ബേ​ക്ക​റി​ക്ക്​ മു​ന്നി​ലെ ചി​ല്ലു​കൂ​ട് അ​ടി​ച്ചു​ത​ക​ര്‍ക്കു​ക​യും ചെ​യ്തു.

രാ​ത്രി​കാ​ല​ങ്ങ​ളി​ല്‍ മ​റ്റ്​ സ്ഥ​ല​ങ്ങ​ളി​ല്‍നി​ന്ന്​ അ​ല​ഞ്ഞു തി​രി​ഞ്ഞെ​ത്തു​ന്ന​വ​രും വീ​ടു​വി​ട്ടി​റ​ങ്ങി​യ​വ​രു​മാ​യി നി​ര​വ​ധി​പേ​രാ​ണ് കു​ള​ത്തൂ​പ്പു​ഴ ടൗ​ണി​ലെ വ്യാ​പാ​ര സ്ഥാ​പ​ന​ങ്ങ​ള്‍ക്ക്​ മു​ന്നി​ല്‍ അ​ന്തി​യു​റ​ങ്ങു​ന്ന​ത്. എ​ന്നാ​ല്‍ ക​ഴി​ഞ്ഞ​രാ​ത്രി​യി​ല്‍ സ്ഥ​ല​ത്തെ​ത്തി​യ ഒ​രു യു​വാ​വാ​ണ് ഇ​ത്ത​ര​ത്തി​ല്‍ പൊ​ലീ​സ് സ്റ്റേ​ഷ​ന്​ സ​മീ​പ​ത്തെ യു.​പി സ്കൂ​ള്‍ ക​വ​ല മു​ത​ല്‍ സെ​ന്‍ട്ര​ല്‍ ജ​ങ്ഷ​ന്‍ വ​രെ​യു​ള്ള ഭാ​ഗ​ത്തെ വി​വി​ധ വ്യാ​പാ​ര ശാ​ല​ക​ള്‍ക്ക് മു​ന്നി​ല്‍ വെ​ച്ചി​രു​ന്ന ചെ​ടി​ക​ള്‍ ചെ​ടി​ച്ച​ട്ടി​യ​ട​ക്കം പൊ​തു​നി​ര​ത്തി​ലേ​ക്ക് വ​ലി​ച്ചെ​റി​ഞ്ഞ​തെ​ന്ന്​ നി​രീ​ക്ഷ​ണ കാ​മ​റ ദൃ​ശ്യ​ങ്ങ​ളി​ല്‍നി​ന്ന്​ വ്യ​ക്ത​മാ​യി​ട്ടു​ണ്ട്.

പു​ല​ര്‍ച്ചെ ന​ട​ക്കാ​ന്‍ പോ​കു​ന്ന​വ​രും ദൂ​രെ​സ്ഥ​ല​ങ്ങ​ളി​ല്‍ ജോ​ലി​ക്കാ​യും മ​റ്റും ഇ​രു​ച​ക്ര​വാ​ഹ​ന​ത്തി​ലും മ​റ്റും ക​ട​ന്നു​പോ​കു​ന്ന​വ​രും പാ​ത​യോ​ര​ത്ത് ചെ​ടി​ച്ച​ട്ടി അ​ട​ക്കം ചെ​ടി​ക​ളും മ​റ്റും കി​ട​ക്കു​ന്ന​ത് ശ്ര​ദ്ധ​യി​ല്‍പെ​ടാ​തെ അ​പ​ക​ട​ത്തി​ല്‍പെ​ടാ​നു​ള്ള സാ​ധ്യ​ത ഏ​റെ​യാ​ണെ​ന്ന് നാ​ട്ടു​കാ​ര്‍ പ​റ​യു​ന്നു. ടൗ​ണി​ലും പ​രി​സ​ര പ്ര​ദേ​ശ​ങ്ങ​ളി​ലും പൊ​ലീ​സ് നി​രീ​ക്ഷ​ണം ശ​ക്ത​മാ​ക്ക​ണ​മെ​ന്നും സാ​മൂ​ഹി​ക​വി​രു​ദ്ധ​രെ ക​ണ്ടെ​ത്തി ന​ട​പ​ടി സ്വീ​ക​രി​ക്ക​ണ​മെ​ന്നും വ്യാ​പാ​രി​ക​ള്‍ ആ​വ​ശ്യ​പ്പെ​ട്ടു.