കനത്ത മഴയില്‍ വീടി​െൻറ മേല്‍ക്കൂര തകര്‍ന്നുവീണു; വിദ്യാര്‍ഥിക്ക് പരിക്കേറ്റു

കുളത്തൂപ്പുഴ: കഴിഞ്ഞ ദിവസത്തെ കനത്ത മഴയില്‍ നിര്‍ധന കുടുംബത്തി​െൻറ വീടി​െൻറ മേല്‍ക്കൂര തകര്‍ന്ന്​ ഭിത്തിയടക്കം ഇടിഞ്ഞുവീണു.

നെടുവന്നൂര്‍ക്കടവ് പൂമ്പാറ ബ്ലോക്ക് നമ്പര്‍ 47ല്‍ ഭാസ്കരന്‍ - ലക്ഷ്മി ദമ്പതികളുടെ വീടി​െൻറ മേല്‍ക്കൂരയാണ് കഴിഞ്ഞ രാത്രി തകര്‍ന്നുവീണത്. സംഭവസമയം മുറിക്കുള്ളിലെ കട്ടിലില്‍ കിടന്നുറങ്ങുകയായിരുന്ന ഇവരുടെ കൊച്ചുമകന്‍ പ്ലസ് വണ്‍ വിദ്യാര്‍ഥിയായ അനന്തുവിന്​ (16) മുകളിലേക്ക് തകര്‍ന്ന മേല്‍ക്കൂരയും ഓടുകളും വീഴുകയായിരുന്നു.

ഓടിയെത്തിയ വീട്ടുകാരും നാട്ടുകാരും ചേര്‍ന്ന് ഓടുകളും മറ്റും നീക്കിയാണ് അനന്തുവിനെ പുറത്തെടുത്തത്. കാലിനും തലക്കും പരിക്കേറ്റ അനന്തുവിനെ ഉടന്‍തന്നെ പുനലൂര്‍ താലൂക്കാശുപത്രിയിലെത്തിച്ചു.

മണ്‍കട്ടകൊണ്ട് നിർമിച്ച വീടി​െൻറ രണ്ടുമുറികള്‍ പൂര്‍ണമായും തകരുകയും ബാക്കിഭാഗം തകര്‍ച്ച ഭീഷണിയിലുമാണ്.

നാട്ടുകാര്‍ അറിയിച്ചതിനെതുടര്‍ന്ന് റവന്യൂ ഉദ്യോഗസ്ഥര്‍ സ്ഥലത്തെത്തി നാശനഷ്​ടം വിലയിരുത്തി. തകര്‍ച്ച ഭീഷണി നേരിടുന്ന വീട്ടില്‍ കുടുംബം തുടര്‍ന്നു താമസിക്കുന്നത് അപകടത്തിനിടയാക്കുമെന്ന്​ കണ്ടതോടെ സുരക്ഷിതമായി താമസസൗകര്യം ഒരുക്കണമെന്ന് നാട്ടുകാര്‍ ആവശ്യപ്പെട്ടു.