കുണ്ടറയില്‍ സ്വകാര്യ ബസുകളുടെ തോന്നുംപടി വിഹാരം

കു​ണ്ട​റ: സ്വ​കാ​ര്യ ബ​സു​ക​ൾ യാ​തൊ​രു നി​യ​മ​വും പാ​ലി​ക്കാ​തെ ട്രാ​ഫി​ക് ത​ട​സ്സ​ങ്ങ​ളും കാ​ല്‍ന​ട യാ​ത്ര​ക്കാ​ര്‍ക്കു​പോ​ലും ബു​ദ്ധി​മു​ട്ട്​ ഉ​ണ്ടാ​ക്കി​യി​ട്ടും യാ​തൊ​രു ന​ട​പ​ടി​യും സ്വീ​ക​രി​ക്കാ​തെ പൊ​ലീ​സും ഗ​താ​ഗ​ത​വ​കു​പ്പ് അ​ധി​കൃ​ത​രും. കൊ​ട്ടി​യ​ത്തു​നി​ന്ന് കു​ണ്ട​റ​യി​ലേ​ക്ക് എ​ത്തു​ന്ന ബ​സു​ക​ള്‍ പാ​ത​യോ​ര​ത്ത് യു-​ടേ​ണ്‍ എ​ടു​ക്കു​ന്ന​ത് സ്ഥി​രം സം​ഭ​വ​മാ​ണ്.

ച​വ​റ ഭാ​ഗ​ത്തു​നി​ന്നും​ മേ​വ​റം ഭാ​ഗ​ത്തു​നി​ന്നും സ​ർ​വി​സ് ന​ട​ത്തു​ന്ന സ്വ​കാ​ര്യ ബ​സു​ക​ൾ സൃ​ഷ്ടി​ക്കു​ന്ന ബു​ദ്ധി​മു​ട്ടും ചി​ല്ല​റ​യ​ല്ല. ഇ​വ​ര്‍ സ്വ​കാ​ര്യ ബ​സ് സ്റ്റാ​ൻ​ഡി​ലേ​ക്ക് പോ​കാ​തെ തി​ര​ക്കേ​റി​യ ഇ​ള​മ്പ​ള്ളൂ​ര്‍ ക്ഷേ​ത്ര ജ​ങ്ഷ​നി​ല്‍ പ​ല​പ്പോ​ഴും നി​ര​നി​ര​യാ​യി കി​ട​ക്കു​ക​യാ​ണ്. ഇ​ള​മ്പ​ള്ളൂ​ര്‍ ഗ​വ. യു.​പി സ്‌​കൂ​ളി​ന് മു​ന്നി​ല്‍ ചി​ല സ്വ​കാ​ര്യ​ബ​സു​ക​ള്‍ സ്ഥി​ര​മാ​യി പ​ര്‍ക്ക് ചെ​യ്യു​ക​യാ​ണ്. 800ല​ധി​കം കു​ട്ടി​ക​ളും നൂ​റി​ല​ധി​കം അ​ധ്യാ​പ​ക​രും സ്ഥി​ര​മാ​യി എ​ത്തു​ന്ന സ്‌​കൂ​ളാ​ണി​ത്. അ​ഞ്ചാ​ലും​മൂ​ട് ഭാ​ഗ​ത്തേ​ക്ക് പോ​കു​ന്ന​തി​നു​ള്ള ബ​സ് തി​രി​യു​ന്ന റെ​യി​ല്‍വേ ഗേ​റ്റും ഇ​ള​മ്പ​ള്ളൂ​രി​ലാ​ണ്.

ര​ണ്ടാ​യി​ര​ത്തി​ല​ധി​കം കു​ട്ടി​ക​ള്‍ പ​ഠി​ക്കു​ന്ന ഹ​യ​ര്‍ സെ​ക്ക​ൻ​ഡ​റി സ്‌​കൂ​ളി​ന് മു​ന്നി​ലും ബ​സു​ക​ൾ സ്ഥി​ര​മാ​യി പാ​ര്‍ക്ക് ചെ​യ്യു​ക​യാ​ണ്. ഗ​വ. യു.​പി സ്‌​കൂ​ളി​നോ​ട് ചേ​ര്‍ന്നു​ള്ള വീ​തി​കു​റ​ഞ്ഞ റോ​ഡി​ലൂ​ടെ സ്വ​കാ​ര്യ ബ​സു​ക​ള്‍ ക​യ​റ്റി​ക്കൊ​ണ്ട് പോ​കു​ന്ന​തും അ​പ​ക​ട​ത്തി​ന് കാ​ര​ണ​മാ​യി​ട്ടു​ണ്ട്. സ്വ​കാ​ര്യ ബ​സ് സ്റ്റാ​ൻ​ഡി​ലേ​ക്ക് ബ​സു​ക​ള്‍ പോ​കാ​തെ ക്ഷേ​ത്ര​ത്തി​നും പ​ഞ്ചാ​യ​ത്തോ​ഫി​സി​നും മ​ധ്യേ​യു​ള്ള ഇ​ട​റോ​ഡി​ല്‍ തി​രി​ക്കു​ന്ന​ത് മി​ക്ക​പ്പോ​ഴും അ​പ​ക​ട​ങ്ങ​ള്‍ വ​രു​ത്തി​വെ​ച്ചി​ട്ടു​ണ്ട്. ക്ഷേ​ത്ര​മ​തി​ലി​നോ​ട് ചേ​ര്‍ന്ന് ബ​സ് പാ​ര്‍ക്ക് ചെ​യ്യു​ന്ന​തും ഇ​തു​വ​ഴി​യു​ള്ള ഗ​താ​ഗ​ത ത​ട​സ്സ​ത്തി​ന് കാ​ര​ണ​മാ​ണ്. എ​ല്ലാ ബ​സു​ക​ളും ബ​സ് സ്റ്റാ​ൻ​ഡി​ല്‍ എ​ത്തു​ക​യും ബ​സു​ക​ൾ അ​തി​ന്റെ സ​മ​യ​ത്ത് മാ​ത്രം ബ​സ് സ്റ്റോ​പ്പി​ല്‍ എ​ത്തു​ക​യും ചെ​യ്യു​ന്ന​വി​ധ​ത്തി​ല്‍ ക്ര​മീ​ക​ര​ണം ന​ട​ത്തി​യാ​ല്‍ ഗ​താ​ഗ​ത​ക്കു​രു​ക്കി​നും ജീ​വ​ന​ക്കാ​ര്‍ ത​മ്മി​ലു​ള്ള ത​ര്‍ക്ക​ത്തി​നും അ​ടി​പി​ടി​ക്കും പ​രി​ഹാ​ര​മാ​കും.