ജനറൽ കോച്ചുകൾ കുറവ്​; ട്രെയിനുകളിൽ അനിയന്ത്രിത തിരക്ക്

കൊ​ല്ലം: ക്രി​സ്മ​സ്​ അ​വ​ധി​ക്കു​ശേ​ഷം ട്രെ​യി​നു​ക​ളി​ൽ കാ​ലു​കു​ത്താ​നി​ട​മി​ല്ലാ​തെ തി​ര​ക്ക്. യാ​ത്ര​ക്കാ​ർ​ക്കാ​യി തീ​വ​ണ്ടി​ക​ളി​ൽ അ​ധി​ക​മാ​യി സെ​ക്ക​ൻ​ഡ് ക്ലാ​സ് സ്ലീ​പ്പ​ർ കോ​ച്ചു​ക​ളോ ജ​ന​റ​ൽ കോ​ച്ചു​ക​ളോ വ​ർ​ധി​പ്പി​ക്കാ​ത്ത​താ​ണ്​ ഞെ​ങ്ങി​ഞെ​രു​ങ്ങി​യു​ള്ള ദു​രി​ത​യാ​ത്ര​ക്ക്​ കാ​ര​ണം. ജി​ല്ല​യി​ലെ പ്ര​​ധാ​ന സ്​​റ്റേ​ഷ​നു​ക​ളാ​യ കൊ​ല്ലം ജ​ങ്​​ഷ​ൻ, ശാ​സ്താം​കോ​ട്ട, ക​രു​നാ​ഗ​പ്പ​ള്ളി എ​ന്നി​വി​ട​ങ്ങ​ളി​ൽ​നി​ന്ന്​ നി​ര​വ​ധി യാ​ത്ര​ക്കാ​രാ​ണ്​ അ​വ​ധി​ക്കു​ശേ​ഷ​മു​ള്ള യാ​ത്ര​ക്ക്​ ട്രെ​യി​നു​ക​ളെ ആ​ശ്ര​യി​ക്കു​ന്ന​ത്. അ​ന്ത​ർ​സം​സ്ഥാ​ന യാ​ത്ര​ക്കാ​രാ​ണ്​ ഏ​റെ​യും ദു​രി​ത​ത്തി​ലാ​യ​ത്.

ദി​വ​സ​ങ്ങ​ൾ​ക്കു​മു​മ്പു​ത​ന്നെ ഒ​ട്ടു​മി​ക്ക ട്രെ​യി​നു​ക​ളി​ലെ​യും റി​സ​ർ​വേ​ഷ​ൻ ബു​ക്കി​ങ്​ നി​റ​ഞ്ഞി​രു​ന്നു. വേ​െ​റ വ​ഴി​യി​ല്ലാ​ത്ത​തി​നാ​ൽ​ ജ​ന​റ​ൽ കോ​ച്ചു​ക​ളി​ൽ കു​ത്തി​നി​റ​ഞ്ഞാ​ണ്​ യാ​ത്ര. തി​ര​ക്കു​മൂ​ലം ജ​ന​റ​ൽ കോ​ച്ചു​ക​ളി​ൽ വാ​ക്കു​ത​ർ​ക്ക​വും പ​തി​വാ​യി. ട്രെ​യി​നു​ക​ളി​ൽ നേ​ര​ത്തേ​യു​ള്ള​തു​പോ​ലെ ജ​ന​റ​ൽ കോ​ച്ചു​ക​ൾ ഇ​ല്ലാ​ത്ത​താ​ണ് സ്ഥി​രം-​സാ​ധാ​ര​ണ യാ​ത്ര​ക്കാ​രു​ടെ ദു​രി​തം വ​ർ​ധി​പ്പി​ക്കു​ന്ന​ത്. ദീ​ർ​ഘ​ദൂ​ര ട്രെ​യി​നു​ക​ളി​ൽ ഇ​നി​യും ജ​ന​റ​ൽ കോ​ച്ചു​ക​ൾ പു​നഃ​സ്ഥാ​പി​ച്ചി​ട്ടി​ല്ല. ശ​ബ​രി​മ​ല​ഭ​ക്ത​രു​ടെ തി​ര​ക്കു​കൂ​ടി​യാ​യ​തോ​ടെ ഇ​വി​ടെ നി​ന്ന് ഇ​ത​ര​സം​സ്ഥാ​ന​ങ്ങ​ളി​ലേ​ക്കു​മു​ള്ള ട്രെ​യി​ൻ യാ​ത്ര​ക്കാ​രു​ടെ എ​ണ്ണം ഗ​ണ്യ​മാ​യി വ​ർ​ധി​ച്ചു.

ദി​നേ​ന​യു​ള്ള അ​ന്ത​ർ​സം​സ്ഥാ​ന​ സ​ർ​വി​സു​ക​ളാ​യ പു​ണെ എ​ക്സ്​​പ്ര​സ്, കേ​ര​ള എ​ക്സ്​​പ്ര​സ്, കെ.​എ​സ്.​ആ​ർ ബം​ഗ​ളൂ​രു എ​ക്സ്​​പ്ര​സ്, ചെ​ന്നൈ സെ​ൻ​ട്ര​ൽ മെ​യി​ൽ, മ​ലാ​ബാ​ർ എ​ക്സ്​​പ്ര​സ്, മം​ഗ​ലാ​പു​രം എ​ക്സ്​​പ്ര​സ് എ​ന്നി​വ കൊ​ല്ലം സ്​​റ്റേ​ഷ​നി​ൽ എ​ത്തു​ന്ന​തു​ത​ന്നെ ജ​ന​റ​ൽ കോ​ച്ചു​ക​ളി​ൽ ​ആ​ളു​ക​ളെ ​കു​ത്തി​നി​റ​ച്ചാ​ണ്. സാ​ധാ​ര​ണ​ക്കാ​ർ സ്ഥി​ര​മാ​യി ആ​ശ്ര​യി​ക്കു​ന്ന വ​ഞ്ചി​നാ​ട്, വേ​ണാ​ട്, മെ​മു​സ​ർ​വി​സു​ക​ളി​ൽ അ​ഭൂ​ത​പൂ​ർ​വ​മാ​യ തി​ര​ക്കാ​ണ്​ വ്യാ​ഴാ​ഴ്ച മു​ത​ൽ.

നി​ര​വ​ധി യാ​ത്ര​ക്കാ​രും വ​രു​മാ​ന​വു​മു​ള്ള മേ​ഖ​ല എ​ന്ന നി​ല​യി​ൽ കേ​ര​ള​ത്തി​ന് റെ​യി​ൽ​വേ രം​ഗ​ത്ത് കൂ​ടു​ത​ൽ സൗ​ക​ര്യ​ങ്ങ​ളും പ​രി​ഗ​ണ​ന​യും ഉ​ണ്ടാ​വ​ണ​മെ​ന്ന ആ​വ​ശ്യ​ത്തി​ന് വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ടെ​ങ്കി​ലും അ​വ​യൊ​ന്നും അ​ധി​കൃ​ത​ർ ചെ​വി​ക്കൊ​ള്ളു​ന്നി​ല്ല എ​ന്ന പ​രാ​തി​യും ഉ​യ​രു​ന്നു​ണ്ട്. ക​ഴി​ഞ്ഞ സെ​പ്റ്റം​ബ​റി​ൽ പ്ര​ധാ​ന​പ്പെ​ട്ട അ​ര ഡ​സ​നോ​ളം ട്രെ​യി​നു​ക​ളി​ലെ കോ​ച്ചു​ക​ളു​ടെ എ​ണ്ണം കു​റ​ച്ച ന​ട​പ​ടി​യും യാ​ത്ര​ക്കാ​ർ​ക്ക്​ ഉ​ത്സ​വ​സീ​സ​ണു​ക​ളി​ൽ തി​രി​ച്ച​ടി​യാ​കു​ന്നു​ണ്ട്.