ഭൂപതിവ് ഭേദഗതി നിയമം കിഴക്കൻ മേഖലക്ക്​ ആശ്വാസം

കൊ​ല്ലം: സം​സ്ഥാ​ന സ​ർ​ക്കാ​ർ അ​വ​ത​രി​പ്പി​ച്ച ഭൂ​പ​തി​വ് ഭേ​ദ​ഗ​തി നി​യ​മം ജി​ല്ല​യു​ടെ കി​ഴ​ക്ക​ൻ മേ​ഖ​ല​യി​ൽ നി​ര​വ​ധി കു​ടും​ബ​ങ്ങ​ൾ​ക്ക്​ ആ​ശ്വാ​സ​മാ​കു​മെ​ന്ന്​ വി​ല​യി​രു​ത്ത​ൽ. പ​ട്ട​യ​ഭൂ​മി​യി​ലെ നി​ർ​മാ​ണ​ങ്ങ​ൾ​ക്കും അ​നു​ബ​ന്ധ പ്ര​വ​ർ​ത്ത​ന​ങ്ങ​ൾ​ക്കും അം​ഗീ​കാ​രം ന​ൽ​കു​ന്ന​താ​ണ്​ ഭേ​ദ​ഗ​തി. 1964ലെ ​ഭൂ​പ​തി​വ് നി​യ​മം അ​നു​സ​രി​ച്ച് കൃ​ഷി​ക്കും വീ​ടു​നി​ർ​മാ​ണ​ത്തി​നും ന​ൽ​കി​യ ഭൂ​മി​യി​ൽ മ​റ്റ് നി​ർ​മാ​ണ​ങ്ങ​ൾ പാ​ടി​ല്ലെ​ന്നാ​യി​രു​ന്നു ച​ട്ടം.

ഭേ​ദ​ഗ​തി​യോ​ടെ ജീ​വി​തോ​പാ​ധി​ക്കാ​യി ന​ട​ത്തി​യ ചെ​റു​നി​ർ​മാ​ണ​ങ്ങ​ളും കാ​ർ​ഷി​കാ​വ​ശ്യ​ത്തി​നാ​യി അ​നു​വ​ദി​ച്ച ഭൂ​മി​യു​ടെ വ​ക മാ​റ്റി​യു​ള്ള ഉ​പ​യോ​ഗ​വും ക്ര​മ​വ​ത്ക​രി​ക്കാ​നാ​കും എ​ന്ന​താ​ണ്​ ഗു​ണ​മാ​കു​ന്ന​ത്. ജി​ല്ല​യി​​ൽ കൊ​ട്ടാ​ര​ക്ക​ര, പു​ന​ലൂ​ർ, പ​ത്ത​നാ​പു​രം താ​ലൂ​ക്കു​ക​ളി​ൽ നി​ര​വ​ധി കു​ടും​ബ​ങ്ങ​ളു​ടെ കൈ​വ​ശ​മു​ള്ള പ​ട്ട​യ​ങ്ങ​ളി​ൽ ഇ​തോ​ടെ ക്ര​മ​വ​ത്​​ക​ര​ണം സാ​ധ്യ​മാ​കും.

ക​ഴി​ഞ്ഞ മൂ​ന്ന്​ വ​ർ​ഷ​ത്തിനിടയി​ൽ ജി​ല്ല​യി​ൽ സ​ർ​ക്കാ​ർ വി​ത​ര​ണം​ ചെ​യ്ത​ത്​ 1643 പ​ട്ട​യ​ങ്ങ​ളാ​ണ്. ​പ്ര​ധാ​ന​മാ​യും വി​ത​ര​ണം ന​ട​ന്ന കൊ​ട്ടാ​ര​ക്ക​ര, പു​ന​ലൂ​ർ, പ​ത്ത​നാ​പു​രം കൂ​ടാ​തെ കൊ​ല്ലം, ക​രു​നാ​ഗ​പ്പ​ള്ളി, കു​ന്ന​ത്തൂ​ർ താ​ലൂ​ക്കു​ക​ളി​ലു​ള്ള കു​ടും​ബ​ങ്ങ​ൾ​ക്കും പ​തി​റ്റാ​ണ്ടു​ക​ളാ​യി കൈ​വ​ശം​വെ​ച്ച ഭൂ​മി​ക്ക്​ ഈ ​കാ​ല​യ​ള​വി​ൽ ഉ​ട​മ​സ്ഥാ​വ​കാ​ശ​ത്തി​ന്‍റെ രേ​ഖ സ്വ​ന്ത​മാ​യി.

എ​ൽ.​എ 1964, എ​ൽ.​എ 1995, എ​ൽ.​ടി, മി​ച്ച​ഭൂ​മി, ദേ​വ​സ്വം വി​ഭാ​ഗ​ങ്ങ​ളി​ലാ​യാ​ണ് പ​ട്ട​യ​ങ്ങ​ൾ അ​നു​വ​ദി​ച്ച​ത്. കൊ​ല്ലം താ​ലൂ​ക്കി​ൽ വാ​തി​ൽ​പ്പ​ടി സം​വി​ധാ​ന​ത്തി​ലൂ​ടെ മ​ത്സ്യ​ത്തൊ​ഴി​ലാ​ളി മേ​ഖ​ല​യി​ൽ ഉ​ൾ​പ്പെ​ടെ പ​ട്ട​യ​ങ്ങ​ൾ വി​ത​ര​ണം ചെ​യ്ത​ത്​ റ​വ​ന്യൂ വ​കു​പ്പി​ന്​ നേ​ട്ട​മാ​യി​രു​ന്നു. 2021 മു​ത​ൽ പു​ന​ലൂ​ർ താ​ലൂ​ക്കി​ൽ 764 പ​ട്ട​യ​ങ്ങ​ളാ​ണ്​ വി​ത​ര​ണം ചെ​യ്ത​ത്. കൊ​ട്ടാ​ര​ക്ക​ര- 297, കൊ​ല്ലം -267, പ​ത്ത​നാ​പു​രം -229, കു​ന്ന​ത്തൂ​ർ -45, ക​രു​നാ​ഗ​ള്ള​പ്പ​ള്ളി -33 എ​ന്നി​ങ്ങ​നെ​യാ​ണ്​ ഈ ​കാ​ല​യ​ള​വി​ൽ മ​റ്റ്​ താ​ലൂ​ക്കു​ക​ളി​ൽ വി​ത​ര​ണം ചെ​യ്ത പ​ട്ട​യ​ങ്ങ​ൾ.