നാര്‍ക്കോട്ടിക് ഡ്രൈവ്​: എം.ഡി.എം.എയുമായി യുവാക്കൾ പിടിയില്‍

കൊ​ല്ലം: ക്രി​സ്മ​സ്-​പു​തു​വ​ത്സ​രാ​ഘോ​ഷ​ങ്ങ​ള്‍ക്ക് മു​ന്നോ​ടി​യാ​യി പൊ​ലീ​സ് ന​ട​ത്തി​വ​രു​ന്ന നാ​ര്‍ക്കോ​ട്ടി​ക് ഡ്രൈ​വി​നി​ടെ ബം​ഗ​ളൂ​രു​വി​ല്‍നി​ന്ന്​ ക​ട​ത്തി​ക്കൊ​ണ്ടു​വ​ന്ന എം.​ഡി.​എം.​എ​യു​മാ​യി യു​വാ​ക്ക​ള്‍ പി​ടി​യി​ലാ​യി. കേ​ര​ള​പു​രം മാ​മൂ​ട് അ​ന​സ് മ​ന്‍സി​ലി​ല്‍ ആ​ഷി​ക് (22), കൊ​റ്റ​ങ്ക​ര വേ​ല​ങ്കോ​ണം പു​ത്ത​ന്‍കു​ള​ങ്ങ​ര ജ​സീ​ലാ മ​ന്‍സി​ലി​ല്‍ അ​ന്‍വ​ര്‍ഷാ(20) എ​ന്നി​വ​രെ​യാ​ണ് കൊ​ല്ലം ഈ​സ്റ്റ് പൊ​ലീ​സ് പി​ടി​കൂ​ടി​യ​ത്.

ജി​ല്ല പൊ​ലീ​സ് മേ​ധാ​വി ചൈ​ത്ര തെ​രേ​സ ജോ​ണി​ന് ല​ഭി​ച്ച ര​ഹ​സ്യ​വി​വ​ര​ത്തെ തു​ട​ര്‍ന്ന് ക​ര്‍ബ​ല ജ​ങ്​​ഷ​നി​ല്‍ എ​ത്തി​യ പൊ​ലീ​സ് സം​ഘ​ത്തെ ക​ണ്ട് റെ​യി​ല്‍വേ ന​ട​പ്പാ​ല​ത്തി​ന് താ​ഴ​ത്തെ പ​ടി​യി​ല്‍ ആ​ഷി​ക്കും അ​ന്‍വ​ര്‍ഷാ​യും പ​രു​ങ്ങി​നി​ല്‍ക്കു​ക​യാ​യി​രു​ന്നു. തു​ട​ര്‍ന്ന് ന​ട​ത്തി​യ പ​രി​ശോ​ധ​ന​യി​ല്‍ ആ​ഷി​ക്കി​ല്‍ നി​ന്നും 45 ഗ്രാം ​എം.​ഡി.​എം.​എ ക​ണ്ടെ​ത്തു​ക​യാ​യി​രു​ന്നു.

പ്ര​തി​ക​ള്‍ ബം​ഗ​ളൂ​രു​വി​ല്‍നി​ന്ന്​ എം.​ഡി.​എം.​എ​യു​മാ​യി ടൂ​റി​സ്റ്റ് ബ​സി​ല്‍ ആ​ല​പ്പു​ഴ​യി​ല്‍ വ​രു​ക​യും ശേ​ഷം ട്രെ​യി​നി​ൽ കൊ​ല്ലം റെ​യി​ല്‍വേ സ്റ്റേ​ഷ​നി​ല്‍ എ​ത്തു​ക​യു​മാ​യി​രു​ന്നു​വെ​ന്ന്​​ പൊ​ലീ​സ്​ പ​റ​യു​ന്നു. മ​യ​ക്കു​മ​രു​ന്ന് വി​റ്റു​കി​ട്ടു​ന്ന പ​ണം കൊണ്ട്​ പ്ര​തി​ക​ള്‍ ആ​ര്‍ഭാ​ട​ജീ​വി​തം ന​യി​ക്കു​ക​യാ​യി​രു​ന്നു.

കൊ​ല്ലം എ.​സി.​പി ഷെ​രീ​ഫി​ന്‍റെ നേ​തൃ​ത്വ​ത്തി​ല്‍ കൊ​ല്ലം ഈ​സ്റ്റ് പൊ​ലീ​സ് സ്റ്റേ​ഷ​ന്‍ ഇ​ന്‍സ്പെ​ക്ട​ര്‍ അ​നി​ല്‍കു​മാ​ര്‍, എ​സ്.​ഐ​മാ​രാ​യ ഷ​ബ്ന, സ​വി​രാ​ജ്, എ.​എ​സ്.​ഐ സ​തീ​ഷ് കു​മാ​ര്‍, സി.​പി.​ഒ​മാ​രാ​യ സു​നേ​ഷ്, ദീ​പ​ക്, ലി​നേ​ഷ്, ഡാ​ന്‍സാ​ഫ് ടീ​മി​ലെ എ​സ്.​ഐ രാ​ജേ​ഷ്, ബൈ​ജു ജെ​റോം, ഹ​രി​ലാ​ല്‍, എ​സ്.​സി.​പി.​ഒ​മാ​രാ​യ സു​നി​ല്‍, സ​ജു, സീ​നു, മ​നു, ശ്രീ​ജു, സാ​ജ്, ജോ​ജി​ല്‍ എ​ന്നി​വ​ര്‍ ചേ​ര്‍ന്നാ​ണ് പ്ര​തി​ക​ളെ പി​ടി​കൂ​ടി​യ​ത്.