മാല മോഷണം; യുവാവ് പിടിയിൽ
text_fieldsഷഫീക്ക്
കൊല്ലം: മാലമോഷണക്കേസിൽ യുവാവ് പൊലീസ് പിടിയിലായി. ഓച്ചിറ മഠത്തിൽ കാരായ്മ കൊച്ചുവീട്ടിൽ പടിഞ്ഞാറ്റതിൽ ഷഫീക്കാണ്(20) കൊല്ലം ഈസ്റ്റ് പൊലീസിന്റെ പിടിയിലായത്. കഴിഞ്ഞ ശനിയാഴ്ച പാർവ്വതി മില്ലിന് മുന്നിൽനിന്ന് ചിന്നക്കടയിലേക്ക് നടന്നുവരുകയായിരുന്ന യുവതിയുടെ സ്വർണമാലയും ലോക്കറ്റും എതിരെ നടന്നുവന്ന് പൊട്ടിച്ചെടുത്ത് രക്ഷപ്പെടുകയായിരുന്നു.
യുവതിയുടെ പരാതിയിൽ കൊല്ലം ഈസ്റ്റ് പൊലീസ് കേസ് രജിസ്റ്റർ ചെയ്യുകയും സി.സി.ടി.വി പരിശോധിച്ച് പ്രതിയെക്കുറിച്ച് തെളിവ് ശേഖരിച്ച് നടത്തിയ അന്വേഷണത്തിൽ ഷഫീക്ക് പിടിയിലാവുകയായിരുന്നു. കൊല്ലം ഈസ്റ്റ് പൊലീസ് ഇൻസ്പെക്ടർ അനിൽകുമാറിന്റെ നേതൃത്വത്തിൽ കൺട്രോൾറൂം പൊലീസുമടങ്ങിയ സംഘമാണ് പ്രതിയെ പിടികൂടിയത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.