നവകേരള പദ്ധതി; റോസ്​മലയിൽനിന്നും കുടുംബങ്ങൾ ഒഴിഞ്ഞുതുടങ്ങി

പു​ന​ലൂ​ർ: ശെ​ന്തു​രു​ണി വ​ന്യ​ജീ​വി സ​ങ്കേ​ത​ത്തി​ൽ​പ്പെ​ടു​ന്ന റോ​സ്​​മ​ല​യി​ൽ നി​ന്നും കു​ടും​ബ​ങ്ങ​ൾ സ്വ​യം ഒ​ഴി​ഞ്ഞു തു​ട​ങ്ങി. റീ​ബി​ൽ​ഡ് കേ​ര​ള ഡെ​വ​ല​പ്‌​മെ​ന്റ് പ്രോ​ഗ്രാ​മി​ന് (ആ​ർ.​കെ.​ഡി.​പി) കീ​ഴി​ൽ സ​ർ​ക്കാ​ർ പ്ര​ഖ്യാ​പി​ച്ച ആ​നു​കൂ​ല്യം കൈ​പ്പ​റ്റി​യാ​ണ് റോ​സ്​​മ​ല​യി​ലെ കു​ടും​ബ​ങ്ങ​ൾ വീ​ടും വ​സ്തു​വും ഒ​ഴി​ഞ്ഞു മ​റ്റു നാ​ടു​ക​ളി​ൽ താ​മ​സ​മാ​ക്കു​ന്ന​ത്.

കു​ള​ത്തൂ​പ്പു​ഴ പ​ഞ്ചാ​യ​ത്തി​ലെ ഒ​രു വാ​ർ​ഡാ​യ റോ​സ്​​മ​ല പൂ​ർ​ണ​മാ​യും വ​ന​ത്താ​ൽ ചു​റ്റ​പ്പെ​ട്ട​താ​ണ്. മു​മ്പ് ഭൂ​വു​ട​മ​ക​ളി​ൽ​നി​ന്നും സ​ർ​ക്കാ​ർ മി​ച്ച​ഭൂ​മി പി​ടി​ച്ചെ​ടു​ത്ത് ഭൂ​ര​ഹി​ത​ർ​ക്ക് ന​ൽ​കി​യ​തോ​ടെ​യാ​ണ് ഇ​വി​ടെ കൂ​ടു​ത​ൽ കു​ടും​ബ​ങ്ങ​ൾ താ​മ​സ​മാ​യ​ത്. ഇ​വ​രു​ടേ​ത്​ ഉ​ൾ​പ്പെ​ടെ എ​ല്ലാ സ്വ​കാ​ര്യ ഭൂ​മി​യും ന​ഷ്ട​പ​രി​ഹാ​രം ന​ൽ​കി ഒ​ഴി​പ്പി​ച്ച് വ​ന​മാ​ക്കാ​നാ​ണ് പ​ദ്ധ​തി.

ആ​ദി​വാ​സി കു​ടും​ബ​ങ്ങ​ളെ പ​ദ്ധ​തി​യി​ൽ​നി​ന്നും ഒ​ഴി​വാ​ക്കി​യി​ട്ടു​ണ്ട്. ആ​ദ്യ​ഘ​ട്ട​ത്തി​ൽ ഇ​വി​ടു​ള്ള 41 കു​ടും​ബ​ങ്ങ​ളെ ഒ​ഴി​പ്പി​ക്ക​ൽ പ​ദ്ധ​തി​യി​ൽ സ​ർ​ക്ക​ർ പ​രി​ഗ​ണി​ച്ചു. ഒ​രോ കു​ടും​ബ​ത്തി​നും 15 ല​ക്ഷം രൂ​പ​യാ​ണ് ന​ഷ്ട​പ​രി​ഹാ​രം സ​ർ​ക്കാ​ർ ന​ൽ​കു​ന്ന​ത്. ഇ​തി​നാ​യി 3.60 കോ​ടി രൂ​പ അ​നു​വ​ദി​ച്ചു. ര​ണ്ട്​ ഘ​ട്ട​ങ്ങ​ളി​ലാ​യി ന​ൽ​കു​ന്ന തു​ക​യി​ൽ ഏ​ഴ​ര ല​ക്ഷം രൂ​പ വീ​തം ആ​ദ്യ ഗ​ഡു അ​ർ​ഹ​രാ​യ​വ​രു​ടെ ബാ​ങ്ക് അ​ക്കൗ​ണ്ടു​ക​ളി​ലേ​ക്ക് വ​ന്നി​രു​ന്നു. തു​ക കൈ​പ്പ​റ്റി​യ​വ​ർ അ​വ​രു​ടെ വീ​ടും മ​റ്റു നി​ർ​മി​തി​ക​ളും ക​ഴി​ഞ്ഞ ദി​വ​സം മു​ത​ൽ ഒ​ഴി​ഞ്ഞു. ആ​റ് കു​ടും​ബ​ങ്ങ​ൾ ഇ​തി​ന​കം ഒ​ഴി​ഞ്ഞു. വീ​ടു​ക​ളി​ൽ​നി​ന്നും എ​ടു​ത്തു​മാ​റ്റാ​വു​ന്ന വാ​തി​ൽ, ജ​ന​ൽ എ​ന്നി​വ പൊ​ളി​ച്ചെ​ടു​ത്തു. ഇ​നി ശേ​ഷി​ക്കു​ന്ന ഭൂ​മി വ​ന​ത്തി​ന്‍റെ ഭാ​ഗ​മാ​കും.റോ​സ്​​മ​ല​യി​ൽ ഇ​നി​യും 30 കു​ടും​ബ​ങ്ങ​ൾ ആ​നു​കൂ​ല്യ​ത്തി​ന് പ​രി​ഗ​ണ​ന​യി​ലു​ണ്ട്. ഇ​വ​രു​ടെ ന​ഷ്ട​പ​രി​ഹാ​ര തു​ക​യും ഉ​ട​ൻ ല​ഭ്യ​മാ​ക്കും.

ഭൂ​രി​ഭാ​ഗം കു​ടും​ബ​ങ്ങ​ളും ഒ​ഴി​യു​ന്ന​തോ​ടെ കൂ​ടു​ത​ൽ വ​നം രൂ​പ​പ്പെ​ടും. ഇ​തേ​ാ​ടെ വ​ന്യ​ജീ​വി​ക​ളു​ടെ ശ​ല്യം കാ​ര​ണം ശേ​ഷി​ക്കു​ന്ന​വ​ർ​ക്ക് ഇ​വി​ടെ ജീ​വി​ക്കാ​ൻ ക​ഴി​യാ​ത്ത സാ​ഹ​ച​ര്യം വ​രും. ഇ​തോ​ടെ ഇ​വ​രും സ്വ​യം ഒ​ഴി​ഞ്ഞു പോ​കാ​ൻ സ​ന്ന​ദ്ധ​മാ​കു​മെ​ന്നാ​ണ് അ​ധി​കൃ​ത​ർ ക​ണ​ക്കു​കൂ​ട്ടു​ന്ന​ത്.

കു​ള​ത്തൂ​പ്പു​ഴ പ​ഞ്ചാ​യ​ത്തി​ലെ ക​ട്ടി​പ്പാ​റ, ക​ല്ലാ​ർ വ​ന​മേ​ഖ​ല​ക​ളി​ൽ ആ​ദ്യം ഈ ​പ​ദ്ധ​തി ന​ട​പ്പാ​ക്കി കു​ടും​ബ​ങ്ങ​ളെ ഒ​ഴി​പ്പി​ച്ചി​രു​ന്നു. ഇ​പ്പോ​ൾ തെ​ന്മ​ല പ​ഞ്ചാ​യ​ത്തി​ലെ ചെ​റു​ക​ട​വി​ലു​ള്ള കു​ടും​ബ​ങ്ങ​ളേ​യും ഇ​ത്ത​ര​ത്തി​ൽ ഒ​ഴി​പ്പി​ക്കാ​ൻ വ​നം അ​ധി​കൃ​ത​ർ ന​ട​പ​ടി തു​ട​ങ്ങി. ഇ​തി​നെ​തി​രെ ജ​ന​ങ്ങ​ളു​ടെ ഭാ​ഗ​ത്തു​നി​ന്നും ശ​ക്ത​മാ​യ എ​തി​ർ​പ്പ് ഉ​യ​ർ​ന്നി​ട്ടു​ണ്ട്.