ധർണ

കൊല്ലം: കണ്ടിൻജൻറ് പെൻഷൻകാരുടെ പെൻഷൻ പരിഷ്കരിക്കുന്നതിൽ കാലതാമസം വരുന്നതിൽ പ്രതിഷേധിച്ച് കൊല്ലം മുനിസിപ്പൽ കോർപറേഷൻ തൊഴിലാളി യൂനിയൻ സി.ഐ.ടി.യുവിൻെറ നേതൃത്വത്തിൽ നടത്തിയ പ്രതിഷേധ സംസ്ഥാന പ്രസിഡൻറ് എൻ.എസ്​. ഷൈൻ ഉദ്ഘാടനം ചെയ്തു. ജോയൻറ് സെക്രട്ടറി ടി.എൻ. ത്യാഗരാജൻ അധ്യക്ഷതവഹിച്ചു. ജില്ല സെക്രട്ടറി എം. സുബ്രഹ്മണ്യൻ, മുരുകൻ, സജീവ്, രാജീവ്കുമാർ, ആൻറണി ഫിലിപ്പ് എന്നിവർ സംസാരിച്ചു. കേരഗ്രാമം പദ്ധതി; ഉദ്ഘാടനം ഇന്ന് അഞ്ചാലുംമൂട്: തൃക്കരുവ കൃഷിഭവനില്‍ നടപ്പാക്കുന്ന കേരഗ്രാമം പദ്ധതിയുടെ ഉദ്ഘാടനം വെള്ളിയാഴ്ച നടക്കും. വൈകീട്ട്​ 4.30ന് കാഞ്ഞാവെളി പ്രതിഭ ആര്‍ട്സ് ആന്‍ഡ് സ്‌പോര്‍ട്‌സ് ക്ലബില്‍ മന്ത്രി പി. പ്രസാദ് നിര്‍വഹിക്കും. എം. മുകേഷ് എം.എല്‍.എ അധ്യക്ഷതവഹിക്കും. എന്‍.കെ. പ്രേമചന്ദ്രന്‍ എം.പി മുഖ്യപ്രഭാഷണം നടത്തും. ജില്ല പഞ്ചായത്ത് പ്രസിഡൻറ് സാം കെ.ഡാനിയല്‍ കേരകര്‍ഷകനെ ആദരിക്കും. മാര്‍ച്ചും ധര്‍ണയും സംഘടിപ്പിച്ചു കൊല്ലം: 200 ദിവസം ജോലി നല്‍കണമെന്നാവശ്യപ്പെട്ട് എന്‍.ആര്‍.ഇ.ജി വര്‍ക്കേഴ്‌സ് യൂനിയന്‍ പോസ്‌റ്റോഫിസിലേക്ക് പ്രതിഷേധ മാര്‍ച്ചും ധര്‍ണയും സംഘടിപ്പിച്ചു. ചിന്നക്കട ഹെഡ് പോസ്‌റ്റോഫിസിന്​ മുന്നില്‍ നടന്ന പ്രതിഷേധ മാര്‍ച്ചും ധര്‍ണയും മഹിളാ അസോസിയേഷന്‍ സംസ്ഥാന പ്രസിഡൻറ്​ സൂസന്‍കോടി ഉദ്ഘാടനം ചെയ്തു. സിറ്റി കമ്മിറ്റി പ്രസിഡൻറ്​ സിന്ധു അജിത്​ അധ്യക്ഷതവഹിച്ചു. സിറ്റി കമ്മിറ്റി സെക്രട്ടറി ജി. ബാലകൃഷ്ണന്‍ നായര്‍, യൂനിയന്‍ സംസ്ഥാന കമ്മിറ്റി അംഗം ജി. രാധാകൃഷ്ണന്‍, ആര്‍. പ്രസന്നകുമാര്‍, കെ.സുന്ദരേശന്‍ എന്നിവര്‍ പങ്കെടുത്തു.