ഇനി കുറഞ്ഞ നിരക്കിൽ എ.സി ബസിൽ പോകാം​; കെ.എസ്.ആര്‍.ടി.സി ജനത സര്‍വിസ് ഇന്ന്​ മുതൽ

കൊ​ല്ലം: സാ​ധാ​ര​ണ​ക്കാ​ര്‍ക്ക് കു​റ​ഞ്ഞ ചെ​ല​വി​ല്‍ എ.​സി ബ​സി​ല്‍ യാ​ത്ര ഒ​രു​ക്കി കെ.​എ​സ്.​ആ​ർ​ടി സി​യു​ടെ ‘ജ​ന​ത സ​ര്‍വി​സ്’ കൊ​ല്ല​ത്ത്. തി​ങ്ക​ളാ​ഴ്ച രാ​വി​ലെ ഏ​ഴി​ന് കൊ​ല്ലം കെ.​എ​സ്.​ആ​ര്‍.​ടി.​സി സ്റ്റാ​ൻ​ഡി​ൽ മേ​യ​ര്‍ പ്ര​സ​ന്ന ഏ​ണ​സ്റ്റ് ഫ്ലാ​ഗ് ഓ​ഫ് ചെ​യ്യു​ന്ന​തോ​ടെ സ​ർ​വി​സി​ന്​ തു​ട​ക്ക​മാ​കും.

പ​രീ​ക്ഷ​ണം എ​ന്ന നി​ല​യി​ൽ കൊ​ല്ലം, കൊ​ട്ടാ​ര​ക്ക​ര എ​ന്നി​വി​ട​ങ്ങി​ല്‍നി​ന്നും തി​രു​വ​ന​ന്ത​പു​ര​ത്തേ​ക്കാ​ണ്​ ആ​ദ്യ​ഘ​ട്ട സ​ർ​വി​സ്. പ്ര​ധാ​ന​മാ​യും ജി​ല്ല​യി​ലെ ഓ​ഫി​സു​ക​ളി​ല്‍ ജീ​വ​ന​ക്കാ​ര്‍ക്ക് എ​ത്തി​ച്ചേ​രു​ന്ന വി​ധ​ത്തി​ലാ​ണ് സ​ര്‍വി​സു​ക​ളു​ടെ സ​മ​യ​ക്ര​മം. കെ.​എ​സ്.​ആ​ര്‍.​ടി.​സി​യു​ടെ ലോ ​ഫ്ലോ​ര്‍ എ.​സി ബ​സു​ക​ളാ​ണ് ജ​ന​ത സ​ര്‍വി​സി​നാ​യി ഉ​പ​യോ​ഗ​പ്പെ​ടു​ത്തു​ക.

20 രൂ​പ മു​ത​ലാ​ണ് മി​നി​മം ടി​ക്ക​റ്റ്. ഫാ​സ്റ്റി​നെ​ക്കാ​ള്‍ അ​ൽ​പം കൂ​ടി​യ നി​ര​ക്കും സൂ​പ്പ​ര്‍ ഫാ​സ്റ്റി​നെ​ക്കാ​ള്‍ കു​റ​ഞ്ഞ നി​ര​ക്കു​മാ​ണ്. അ​ധി​ക കി​ലോ​മീ​റ്റ​റി​ന് 108 പൈ​സ എ​ന്ന നോ​ണ്‍ എ.​സി സൂ​പ്പ​ര്‍ ഫാ​സ്റ്റ് നി​ര​ക്കാ​ണ് ഈ​ടാ​ക്കു​ക. ഫാ​സ്റ്റ് പാ​സ​ഞ്ച​റി​ന്‍റെ എ​ല്ലാ സ്റ്റോ​പ്പി​ലും ജ​ന​ത സ​ര്‍വി​സ് നി​ര്‍ത്തും.

ജ​ന​ത എ.​സി സ​ര്‍വി​സു​ക​ള്‍ വി​ജ​യ​ക​ര​മെ​ങ്കി​ല്‍ എ​ല്ലാ ജി​ല്ല​ക​ളെ​യും പ​ര​സ്പ​രം ബ​ന്ധി​പ്പി​ച്ച് പു​തി​യ സ​ര്‍വി​സു​ക​ള്‍ ആ​രം​ഭി​ക്കും. ഭാ​വി​യി​ല്‍ പ​രി​സ​ര മ​ലി​നീ​ക​ര​ണം കു​റ​ക്കു​ന്ന​തി​ന്റെ ഭാ​ഗ​മാ​യി ജ​ന​ത സ​ര്‍വി​സു​ക​ള്‍ ഇ​ല​ക്ട്രി​ക് ബ​സു​ക​ളി​ലേ​ക്ക് മാ​റു​ന്ന കാ​ര്യ​വും പ​രി​ഗ​ണ​ന​യി​ലാ​ണ്.

ഓ​രോ ഡി​പ്പോ​ക​ളെ​യും ഹ​ബു​ക​ളാ​യും പ്ര​ധാ​ന ബ​സ് സ്റ്റേ​ഷ​നു​ക​ളെ റീ​ജ​ന​ല്‍ ഹ​ബു​ക​ളാ​യും ക്ര​മീ​ക​രി​ക്കും. ഹ​ബ് ആ​ൻ​ഡ്​ സ്‌​പോ​ക്ക് മാ​തൃ​ക​യി​ല്‍ ശാ​സ്ത്രീ​യ​മാ​യി പു​നഃ​ക്ര​മീ​ക​രി​ച്ച് സ​ര്‍വി​സു​ക​ള്‍ ന​ട​ത്തും. മി​നി ഫീ​ഡ​ര്‍ സ​ര്‍വി​സു​ക​ള്‍ യാ​ത്ര​ക്കാ​രെ ബ​സ് റൂ​ട്ടു​ക​ളി​ല്‍ എ​ത്തി​ക്കും. ഹ​ബു​മാ​യി ബ​ന്ധി​പ്പി​ക്കു​ന്ന ഓ​ര്‍ഡി​ന​റി ബ​സു​ക​ള്‍ കൃ​ത്യ​മാ​യ ഇ​ട​വേ​ള​ക​ളി​ല്‍ യാ​ത്ര​ക്കാ​ര്‍ക്ക് യാ​ത്രാ സൗ​ക​ര്യം ഒ​രു​ക്കും.

റീ​ജ​ന​ല്‍ ഹ​ബു​ക​ളെ പ​ര​സ്പ​രം ബ​ന്ധി​പ്പി​ച്ച് ഒ​രു ജി​ല്ല​യി​ല്‍നി​ന്നും തൊ​ട്ട​ടു​ത്ത ജി​ല്ല​യി​ലേ​ക്ക് ഡി ​ടു ഡി ​സ​ര്‍വി​സു​ക​ള്‍ ന​ട​ത്തും. തെ​ക്ക്, വ​ട​ക്ക്, സെ​ന്‍ട്ര​ല്‍ ഹ​ബ് ഇ​വ​യെ ബ​ന്ധി​പ്പി​ച്ച് ഹ​ബ് ലി​മി​റ്റ​ഡ് സ്റ്റോ​പ് സൂ​പ്പ​ര്‍ക്ലാ​സ് സ​ര്‍വി​സു​ക​ളും ന​ട​ത്തും.

ജ​ന​ത സ​ർ​വി​സ്​ ഇ​ങ്ങ​നെ

കൊ​ല്ലം, കൊ​ട്ടാ​ര​ക്ക​ര യൂ​നി​റ്റു​ക​ളി​ല്‍നി​ന്നും രാ​വി​ലെ 7.15ന് ​ആ​രം​ഭി​ച്ച് 9.30ന് ​തി​രു​വ​ന​ന്ത​പു​ര​ത്ത് എ​ത്തി​ച്ചേ​രും. തു​ട​ര്‍ന്ന് 10ന്​ ​അ​വി​ടെ​നി​ന്ന്​ തി​രി​ക്കു​ന്ന ബ​സു​ക​ള്‍ 12ന്​ ​കൊ​ല്ല​ത്തും കൊ​ട്ടാ​ര​ക്ക​ര​യി​ലും എ​ത്തി​ച്ചേ​രും. തു​ട​ര്‍ന്ന് ഉ​ച്ച​ക്ക് 2.20ന് ​പു​റ​പ്പെ​ട്ട് 4.30ന് ​തി​രു​വ​ന​ന്ത​പു​ര​ത്ത് എ​ത്തി അ​ഞ്ചി​ന്​ ത​മ്പാ​നൂ​ര്‍, വ​ഴു​ത​ക്കാ​ട്, സ്റ്റാ​ച്യു, പ​ട്ടം (മെ​ഡി​ക്ക​ല്‍ കോ​ള​ജ് - കൊ​ല്ലം ബ​സ്), കേ​ശ​വ​ദാ​സ​പു​രം എ​ന്നീ സ്ഥ​ല​ങ്ങ​ളി​ലെ ഓ​ഫി​സു​ക​ളെ ബ​ന്ധി​പ്പി​ച്ച് തി​രി​കെ രാ​ത്രി 7.15ന് ​സ​ര്‍വി​സ് അ​വ​സാ​നി​പ്പി​ക്കും.