പത്തു വയസ്സുകാരിയെ പീഡിപ്പിച്ച വയോധികൻ അറസ്റ്റിൽ

ഓച്ചിറ (കൊല്ലം): പത്തു വയസ്സുകാരിയെ ലൈംഗികമായി പീഡിപ്പിച്ച വയോധികനെ ഓച്ചിറ പൊലീസ് അറസ്റ്റു ചെയ്തു. ഓച്ചിറ മേമന സ്വദേശി കൃഷ്ണൻകുട്ടി (67) ആണ് അറസ്റ്റിലായത്.

കുട്ടിയുടെ മാതാവ് ജീവിച്ചിരിപ്പില്ല. പിതാവ് ജോലിക്കുപോകുന്ന സമയം നോക്കി വീട്ടിലെത്തിയാണ് പീഡനം നടത്തിയിരുന്നതെന്ന് പൊലീസ് പറഞ്ഞു.

ഇൻസ്പെക്ടർ പി. വിനോദ്, എസ്.ഐ നിയാസ്, എ.എസ്.ഐ വേണു, ധനീഷ്, രഞ്ജിത്ത് എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്. പ്രതിയെ കരുനാഗപ്പള്ളി കോടതിയിൽ ഹാജരാക്കി റിമാൻഡ് ചെയ്തു.