ല​ഹ​രി പാ​നീ​യം ന​ല്‍കി ക​വ​ര്‍ച്ച; യുവതിയും ഭർത്താവും ക​സ്​​റ്റ​ഡി​യി​ല്‍

ഓ​ച്ചി​റ: സ​മൂ​ഹ മാ​ധ്യ​മ​ത്തി​ലെ പ​ര​സ്യ​ത്തി​ലൂ​ടെ ബ​ന്ധ​പ്പെ​ട്ട യു​വ​തി​യു​ടെ ക്ഷ​ണം സ്വീ​ക​രി​ച്ച്​ ഓ​ച്ചി​റ​യി​ലെ ലോ​ഡ്ജി​ലെ​ത്തി​യ യു​വാ​വി​ന് ല​ഹ​രി പാ​നീ​യം ന​ല്‍കി ക​വ​ര്‍ച്ച ന​ട​ത്തി​യ കേ​സി​ലെ പ്ര​തി​ക​ളെ ഓ​ച്ചി​റ പൊ​ലീ​സ് ക​സ്​​റ്റ​ഡി​യി​ല്‍ വാ​ങ്ങി.

പ​ന്ത​ളം കു​ള​ന​ട വ​രം​മ്പാ​ല മാ​വി​ള​തെ​ക്ക​തി​ല്‍ ര​തീ​ഷ്നാ​യ​ര്‍ (36), ഭാ​ര്യ രാ​ഗി (31) എ​ന്നി​വ​രെ​യാ​ണ് ക​സ്​​റ്റ​ഡി​യി​ല്‍ വാ​ങ്ങി​യ​ത്. യു​വാ​വി​െൻറ മൂ​ന്നു​പ​വ​ന്‍ വ​രു​ന്ന മാ​ല​യും ഐ​ഫോ​ണും 400 രൂ​പ​യു​മാ​ണ് ഇ​വ​ര്‍ ക​വ​ര്‍ന്ന​ത്. ക​ഴി​ഞ്ഞ ഫെ​ബ്രു​വ​രി 19നാ​ണ് കേ​സി​നാ​സ്പ​ദ​മാ​യ സം​ഭ​വം. മാ​വേ​ലി​ക്ക​ര താ​ന്നി​യ്ക്ക​ല്‍ സ്വ​ദേ​ശി​യാ​യ 31കാ​ര​നാ​ണ് ത​ട്ടി​പ്പി​നി​ര​യാ​യ​ത്.

ക​ഴി​ഞ്ഞ 21ന് ​ചെ​ങ്ങ​ന്നൂ​ര്‍ പൊ​ലീ​സ് ഇ​രു​വ​രേ​യും പ​ള​നി​യി​ല്‍ നി​ന്നും അ​റ​സ്​​റ്റ്​ ചെ​യ്ത്​ റി​മാ​ന്‍ഡ് ചെ​യ്തി​രു​ന്നു. കൂ​ടു​ത​ല്‍ തെ​ളി​വെ​ടു​പ്പി​നാ​യി പ്ര​തി​ക​ളെ മൂ​ന്നു​ദി​വ​സ​ത്തേ​ക്കാ​ണ് ഓ​ച്ചി​റ പൊ​ലീ​സി​ന് കൈ​മാ​റി​യ​ത്.

ക​ഴി​ഞ്ഞ ഡി​സം​ബ​റി​ല്‍ കു​വൈ​ത്തി​ല്‍നി​ന്നും നാ​ട്ടി​ലെ​ത്തി​യ യു​വാ​വ് ന​വ​മാ​ധ്യ​മ​ത്തി​ല്‍വ​ന്ന പ​ര​സ്യം വ​ഴി​യാ​ണ് ഇ​വ​രെ ബ​ന്ധ​പ്പെ​ട്ട​ത്. തി​രി​കെ വി​ദേ​ശ​ത്തേ​ക്ക് പോ​കാ​ന്‍ 60,000 രൂ​പ​ക്ക്​ ക്വാ​റ​ൻ​റീ​ന്‍ സൗ​ക​ര്യ​ത്തോ​ടെ ടി​ക്ക​റ്റ് ത​ര​പ്പെ​ടു​ത്തി​ത്ത​രാ​മെ​ന്ന് വാ​ഗ്ദാ​ന​വും ന​ല്‍കി​യി​രു​ന്നു. ഇ​വ​രു​ടെ നി​ര്‍ദേ​ശ​പ്ര​കാ​രം ഫെ​ബ്രു​വ​രി 19ന് ​രാ​വി​ലെ 11ഓ​ടെ ഓ​ച്ചി​റ​യി​ലെ രാ​ജ​ധാ​നി ലോ​ഡ്ജി​ലെ​ത്തി​യ യു​വാ​വി​ന് യു​വ​തി ല​ഹ​രി ക​ല​ര്‍ത്തി പാ​നീ​യം ന​ല്‍കി​യെ​ന്നും തു​ട​ര്‍ന്ന് അ​ബോ​ധാ​വ​സ്ഥ​യി​ലാ​യ​തോ​ടെ ക​വ​ര്‍ച്ച ന​ട​ത്തി​യെ​ന്നു​മാ​ണ് കേ​സ്.