മേമനയിൽ രണ്ടു വീടുകളിൽ മോഷണം
text_fieldsrepresentational image
ഓച്ചിറ: മേമന നാലാം വാർഡിൽ രണ്ടു വീടുകളിൽ മോഷണം. മേമന മലമേൽ കുറ്റിയിൽ സോമവല്ലിയമ്മയുടെ വീടിന്റെ മുൻവശത്തെ കതക് തകർത്ത് അകത്ത് കയറി അലമാരകളും മുറിയുടെ കതകുകളും തകർത്തു. പതിനായിരത്തോളം രൂപ നഷ്ടപ്പെട്ടിണ്ട്.
മേമന പറങ്കാം മുട്ടിൽ ജൂബൈരിയത്തിന്റെ വീടിന്റെ മുൻവശത്തെ കതക് തകർത്ത് അകത്ത് കയറി അലമാരകളെല്ലാം കുത്തി പൊളിച്ച് ഒരു ജോഡി കമ്മലും അയ്യായിരം രൂപയും മോഷ്ടിച്ചു. അലമാരയിൽ ഇരുന്ന സാധനങ്ങൾ എല്ലാം മുറിയിൽ വാരിവലിച്ചെറിഞ്ഞ നിലയിലാണ്.
രണ്ടു വീടുകളിലും താമസക്കാർ ബന്ധു വീടുകളിലായിരുന്നു. ഈ തക്കം നോക്കിയായിരുന്നു കവർച്ച. വീട്ടുകാർ എത്തിയപ്പോൾ ആണ് മോഷണവിവരം അറിയുന്നത്. ഓച്ചിറ പോലീസ് കേസടുത്ത് അന്വേഷണം തുടങ്ങി.പരിസരത്തെ സി.സി.ടി.വികൾ പൊലീസ് പരിശോധിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.