ഓപൺ യൂനിവേഴ്സിറ്റിക്കായി സ്ഥലമേറ്റെടുക്കൽ; വസ്തുമൂല്യനിർണയത്തിൽ ഗുരുതര വീഴ്ച

കൊ​ല്ലം: ശ്രീ​നാ​രാ​യ​ണ​ഗു​രു ഓ​പ​ൺ യൂ​നി​വേ​ഴ്സി​റ്റി​യു​ടെ ആ​സ്ഥാ​നം നി​ർ​മി​ക്കു​ന്ന​തി​ന്​ സ്ഥ​ലം ഏ​റ്റെ​ടു​ക്കാ​ൻ ക​ണ്ടെ​ത്തി​യ വ​സ്​​തു​വി​ന്‍റെ മൂ​ല്യം നി​ർ​ണ​യി​ക്കു​ന്ന​തി​ൽ ഗു​രു​ത​ര വീ​ഴ്ച. ഇ​തോ​ടെ ന​ഗ​ര​ത്തി​ൽ ക​ണ്ടെ​ത്തി​യ വ​സ്തു കൈ​വി​ട്ടു​പോ​കു​മെ​ന്ന സ്ഥി​തി​യാ​ണ്. മൂ​ല്യ​നി​ർ​ണ​യ​ത്തി​ൽ ബോ​ധ​പൂ​ർ​വം വീ​ഴ്ച​വ​രു​ത്തി​യെ​ന്ന്​ ആ​രോ​പി​ച്ച്​ വി​ല്ലേ​ജ്​ ഓ​ഫി​സ​ർ​ക്കെ​തി​രെ സ​ർ​വ​ക​ലാ​ശാ​ല സി​ൻ​ഡി​ക്കേ​റ്റ്​ ത​ന്നെ രം​ഗ​ത്തെ​ത്തി.

ആ​സ്ഥാ​ന മ​ന്ദി​രം നി​ർ​മി​ക്കാ​ൻ കൊ​ല്ലം മു​ണ്ട​യ്ക്ക​ൽ വി​ല്ലേ​ജി​ൽ ക​ണ്ടെ​ത്തി​യ സ്ഥ​ലം മൂ​ല്യ​നി​ർ​ണ​യം ന​ട​ത്തി​യ വി​ല്ലേ​ജ് ഓ​ഫി​സ​ർ​ക്കെ​തി​രെ ന​ട​പ​ടി ആ​വ​ശ്യ​പ്പെ​ട്ട് സ​ർ​ക്കാ​റി​ന്​ നി​വേ​ദ​നം ന​ൽ​കാ​ൻ സി​ൻ​ഡി​ക്കേ​റ്റ് തീ​രു​മാ​നി​ച്ചു. സ്ഥ​ലം കൈ​വി​ട്ടു​പോ​കാ​തി​രി​ക്കാ​ൻ പു​ന​ർ​മൂ​ല്യ​നി​ർ​ണ​യം ന​ട​ത്തി വേ​ഗ​ത്തി​ൽ ഭൂ​മി ഏ​റ്റെ​ടു​ക്ക​ൽ തീ​ർ​പ്പാ​ക്കാ​നും സ​ർ​ക്കാ​റി​നോ​ട് ആ​വ​ശ്യ​പ്പെ​ടും.

മു​ണ്ട​യ്ക്ക​ലി​ലെ സ്വ​കാ​ര്യ​വ്യ​ക്തി​യു​ടെ എ​ട്ട്​ ഏ​ക്ക​ർ 13 സെ​ന്റ് വ​സ്തു​വാ​ണ്​ സ​ർ​വ​ക​ലാ​ശാ​ല ആ​സ്ഥാ​നം നി​ർ​മി​ക്കാ​ൻ അ​നു​യോ​ജ്യ​മാ​ണെ​ന്ന് ക​ണ്ടെ​ത്തി മൂ​ല്യം നി​ർ​ണ​യി​ക്കാ​ൻ റ​വ​ന്യൂ​വ​കു​പ്പി​ലേ​ക്ക്​ ശി​പാ​ർ​ശ ചെ​യ്ത​ത്. കൊ​ല്ലം ന​ഗ​ര​ത്തി​ൽ ഒ​രു സെ​ന്റ് വ​സ്തു​വി​ന് ഏ​ഴ്​ മു​ത​ൽ 10 ല​ക്ഷം രൂ​പ വ​രെ നി​ല​വി​ൽ വി​ല​യു​ണ്ട്.

എ​ന്നാ​ൽ, സ​ർ​വ​ക​ലാ​ശാ​ല ക​ണ്ടെ​ത്തി​യ സ്ഥ​ലം സെ​ന്റി​ന് വെ​റും 2.25 ല​ക്ഷം രൂ​പ മാ​ത്രം വി​ല​യാ​ണ്​ മു​ണ്ട​യ്ക്ക​ൽ വി​ല്ലേ​ജ്​ ഓ​ഫി​സ​ർ നി​ശ്ച​യി​ച്ച് ന​ൽ​കി​യ​ത്. മു​ഴു​വ​ൻ വ​സ്തു​വി​നും കൂ​ടി മൊ​ത്ത​വി​ല​യാ​യി ഏ​ക​ദേ​ശം 17 കോ​ടി രൂ​പ മാ​ത്ര​മാ​ണ് നി​ർ​ണ​യി​ച്ച​ത്. ഇ​തോ​ടെ ഈ ​വി​ല​യി​ൽ ഭൂ​മി വി​ട്ടു​ന​ൽ​കാ​ൻ സാ​ധ്യ​മ​ല്ലെ​ന്ന് ഭൂ​വു​ട​മ അ​റി​യി​ച്ചു. 2019ൽ ​ഇ​തേ വ​സ്തു കൊ​ല്ലം കോ​ർ​പ​റേ​ഷ​ൻ ഏ​റ്റെ​ടു​ക്കു​ന്ന​ത് സം​ബ​ന്ധി​ച്ച് കൊ​ല്ലം ത​ഹ​സി​ൽ​ദാ​ർ 27.77 കോ​ടി വി​ല നി​ർ​ണ​യി​ച്ച്​ ഇ​ത​നു​സ​രി​ച്ചു​ള്ള ലാ​ൻ​ഡ് വാ​ല്യൂ സ​ർ​ട്ടി​ഫി​ക്ക​റ്റ് ന​ൽ​കു​ക​യും ചെ​യ്തി​രു​ന്നു.

2019ൽ ​സെ​ന്റി​ന് 3.5 ല​ക്ഷം രൂ​പ​യോ​ളം നി​ശ്ച​യി​ച്ചി​രു​ന്നു. ഈ ​രേ​ഖ​ക​ൾ ഉ​ട​മ ഹാ​ജ​രാ​ക്കി.

സ​ർ​വ​ക​ലാ​ശാ​ല​ക്കു​വേ​ണ്ടി മൂ​ല്യം നി​ർ​ണ​യി​ച്ച വി​ല്ലേ​ജ്​ ഓ​ഫി​സ​ർ നി​ക്ഷി​പ്​​ത താ​ൽ​പ​ര്യ​ത്തോ​ടെ വി​ല കു​റ​ച്ചു​കാ​ട്ടി ഭൂ​മി ഏ​റ്റെ​ടു​ക്ക​ലി​നെ ത​ട​സ്സ​പ്പെ​ടു​ത്തി​യെ​ന്നാ​ണ്​ സി​ൻ​ഡി​ക്കേ​റ്റ്​ ആ​രോ​പ​ണം. സ​ർ​വ​ക​ലാ​ശാ​ല​ക്ക്​ ഭൂ​മി ല​ഭി​ക്കാ​തി​രി​ക്കാ​ൻ ആ​സൂ​ത്രി​ത നീ​ക്കം​ ന​ട​ത്തി​യ വി​ല്ലേ​ജ് ഓ​ഫി​സ​റു​ടെ ന​ട​പ​ടി ദു​രു​ദ്ദേ​ശ്യ​പ​ര​മാ​ണെ​ന്നും യോ​ഗം വി​ല​യി​രു​ത്തി.

ഉ​ദ്യോ​ഗ​സ്ഥ​ന്‍റെ ന​ട​പ​ടി​ക്കെ​തി​രെ പ്ര​മേ​യം

ശ്രീ​നാ​രാ​യ​ണ​ഗു​രു ഓ​പ​ൺ യൂ​നി​വേ​ഴ്സി​റ്റി​ക്ക്​ ഏ​റ്റെ​ടു​ക്കാ​ൻ വേ​ണ്ടി തെ​ര​ഞ്ഞെ​ടു​ത്തു​ന​ൽ​കി​യ സ്ഥ​ല​ത്തി​ന്‍റെ മൂ​ല്യം കു​റ​ച്ചു​നി​ർ​ണ​യി​ച്ച വി​​ല്ലേ​ജ്​ ഓ​ഫി​സ​റു​ടെ ന​ട​പ​ടി​ക്കെ​തി​​രെ സി​ൻ​ഡി​ക്കേ​റ്റ്​ പ്ര​മേ​യം പാ​സാ​ക്കി. സി​ൻ​ഡി​ക്കേ​റ്റ് അം​ഗം ബി​ജു കെ. ​മാ​ത്യു​വാ​ണ് പ്ര​മേ​യം അ​വ​ത​രി​പ്പി​ച്ച​ത്. ഓ​പ​ൺ സ​ർ​വ​ക​ലാ​ശാ​ല വൈ​സ് ചാ​ൻ​സ​ല​ർ ഡോ. ​വി.​പി. ജ​ഗ​തി​രാ​ജ് അ​ധ്യ​ക്ഷ​ത വ​ഹി​ച്ചു. പ്രോ ​വൈ​സ് ചാ​ൻ​സ​ല​ർ ഡോ. ​എ​സ്.​വി. സു​ധീ​ർ, സി​ൻ​ഡി​ക്കേ​റ്റ് അം​ഗ​ങ്ങ​ളാ​യ ഡോ. ​കെ. ശ്രീ​വ​ത്സ​ൻ, ഡോ. ​എ. പാ​സ്ലി​തി​ൽ, ഡോ. ​എം. ജ​യ​പ്ര​കാ​ശ്, ഡോ. ​സി. ഉ​ദ​യ​ക​ല, ഡോ. ​റെ​നി സെ​ബാ​സ്റ്റ്യ​ൻ, പ്ര​ഫ. വി​ജ​യ​ൻ, കു​മാ​രി അ​നു​ശ്രീ എ​ന്നി​വ​ർ പ്ര​മേ​യ​ത്തെ അ​നു​കൂ​ലി​ച്ചു.

വി​ല്ലേ​ജ്​ ഓ​ഫി​സ​റു​ടെ ന​ട​പ​ടി അ​പ​ല​പ​നീ​യ​മാ​ണെ​ന്നും ഇ​തി​നെ​തി​രെ ന​ട​പ​ടി ആ​വ​ശ്യ​പ്പെ​ട്ട്​ മു​ഖ്യ​മ​ന്ത്രി​ക്ക് നേ​രി​ട്ട് നി​വേ​ദ​നം ന​ൽ​കു​മെ​ന്നും ബി​ജു കെ. ​മാ​ത്യു പ​റ​ഞ്ഞു.