വിവാഹ വാഗ്ദാനം നൽകി പീഡനം; യുവാവ് പിടിയിൽ

ഓയൂർ: വിവാഹ വാഗ്ദാനം നൽകി പ്രായപൂർത്തിയാകാത്ത പെൺകുട്ടിയെ പീഡിപ്പിച്ച യുവാവിനെ പൂയപ്പള്ളി പൊലീസ് അറസ്റ്റ് ചെയ്തു. പള്ളിമൺ കിഴക്കേക്കര കൊല്ലംകോണിൽ വീട്ടിൽ അഖിലാണ് (23) പിടിയിലായത്. പൂയപ്പള്ളി പൊലീസ് സ്റ്റേഷൻ അതിർത്തിയിൽ താമസിക്കുന്ന പെൺകുട്ടിയുമായി പരിചയത്തിലായ ഇയാൾ വീട്ടിൽ മറ്റാളുകൾ ഇല്ലാത്ത സമയത്തെത്തി ലൈംഗിക പീഡനത്തിന് ഇരയാക്കുകയായിരുന്നു.

വിവരമറിഞ്ഞ് ബന്ധുക്കൾ നൽകിയ പരാതിയുടെ അടിസ്ഥാനത്തിൽ പൊലീസ് കേസെടുത്തു. അന്വേഷണം നടത്തുന്നതിനിടെ കോയമ്പത്തൂരിലേക്ക് കടന്ന പ്രതി കഴിഞ്ഞദിവസം നാട്ടിലെത്തിയതായി രഹസ്യവിവരം ലഭിച്ചു. തുടർന്ന് അറസ്റ്റ് ചെയ്യുകയായിരുന്നു. രണ്ട് വർഷം മുമ്പും സമാനമായ കേസുകളിൽ അഖിൽ പ്രതിയായിരുന്നു.