ശുചിത്വ മിഷന്‍റെ പേരിൽ അനധികൃത പണപ്പിരിവ്; രണ്ടുപേർ അറസ്റ്റിൽ

ഓ​യൂ​ർ: വെ​ളി​ന​ല്ലൂ​രി​ൽ ശു​ചി​ത്വ മി​ഷ​ന്‍റെ പേ​രി​ൽ അ​ന​ധി​കൃ​ത പ​ണ​പ്പി​രി​വ്. ഇ​തു​മാ​യി ബ​ന്ധ​പ്പെ​ട്ട് ചേ​റാ​ട്ടു​കു​ഴി വ​ട​ക്ക​തി​ൽ വീ​ട്ടി​ൽ അ​ൻ​ഷാ​ദ് (34), കി​ളി​മാ​ന്നൂ​ർ പ​ള്ളി​ക്ക​ൻ കി​ഴ​ക്കേ​ക്കോ​ണം കോ​ണ​ത്ത് വീ​ട്ടി​ൽ അ​ൽ-​അ​മീ​ൻ (44) എ​ന്നി​വ​രെ പൂ​യ​പ്പ​ള്ളി പൊ​ലീ​സ്​ അ​റ​സ്റ്റ് ചെ​യ്തു.

പൊ​ലീ​സ് പ​റ​യു​ന്ന​ത്:

വെ​ളി​ന​ല്ലൂ​ർ പ​ഞ്ചാ​യ​ത്ത് ഓ​ഫി​സി​ൽ​നി​ന്ന് വ​രു​ക​യാ​ണെ​ന്ന് പ​റ​ഞ്ഞ് ശു​ചി​ത്വ മി​ഷ​ന്‍റെ പേ​രി​ൽ ര​സീ​ത് ന​ൽ​കി​യാ​ണ് ക​ട​ക​ളി​ലും വീ​ടു​ക​ളി​ലും ഇ​വ​ർ പ​ണ​പ്പ​രി​വ് ന​ട​ത്തി​യ​ത്. റോ​ഡു​വി​ള മാ​ർ​ക്ക​റ്റി​ലെ ക​ട​ളി​ൽ ക​യ​റി ച​ന്ത​യു​ടെ ശു​ചി​ത്വ​മി​ല്ലാ​യ്മ ചൂ​ണ്ടി​കാ​ട്ടി​യ ശേ​ഷം തു​ക പ​റ്റു​ക​യാ​ണ് ചെ​യ്ത​ത്.

ആ​ദ്യ ഗ​ഡു​വാ​യി 750 രൂ​പ ന​ൽ​ക​ണ​മെ​ന്നും ഇ​നി മാ​ർ​ക്ക​റ്റ് വൃ​ത്തി​യാ​ക്കി​യി​ല്ലെ​ങ്കി​ൽ ര​ണ്ടാം​ഗ​ഡു​വാ​യി ബാ​ക്കി തു​ക ന​ൽ​ക​ണ​മെ​ന്ന് പ​റ​ഞ്ഞാ​യി​രു​ന്നു​ പി​രി​വ്​. തു​ട​ർ​ന്ന് ഇ​വ​ർ ര​ണ്ടു​പേ​രും വി​വി​ധ ക​ട​ക​ളി​ൽ ക​യ​റി 1500 രൂ​പ വേ​റെ​യും പി​രി​ച്ചു.

റോ​ഡു​വി​ള മാ​ർ​ക്ക​റ്റി​ലെ ചി​ല ക​ച്ച​വ​ട​ക്കാ​ർ​ക്ക് സം​ശ​യം തോ​ന്നി വെ​ളി​ന​ല്ലൂ​ർ പ​ഞ്ചാ​യ​ത്ത് പ്ര​സി​ഡ​ൻ​റ് അ​ൻ​സ​റി​നെ വി​വ​ര​മ​റി​യി​ച്ചു .പ​ഞ്ചാ​യ​ത്ത് പ്ര​സി​ഡ​ൻ​റി​ന്‍റെ അ​റി​വോ​ടെ​യ​ല്ല പി​രി​വ് ന​ട​ത്തു​ന്ന​തെ​ന്ന് അ​റി​യി​ച്ച​തി​നെ തു​ട​ർ​ന്ന് നാ​ട്ടു​കാ​ർ ഇ​രു​വ​രെ​യും ത​ട​ഞ്ഞു​വെ​ച്ചു. ഇ​വ​രു​ടെ കൈ​യി​ൽ ദേ​ശീ​യ പ​രി​സ്ഥി​തി സം​ര​ക്ഷ​ണ സം​ഘം എ​ന്ന ര​സീ​തും ഉ​ണ്ടാ​യി​രു​ന്നു.

ജി​ല്ല​യി​ലെ പ​ല​യി​ട​ങ്ങ​ളി​ലും ഇ​വ​ർ നോ​ട്ടീ​സും ര​സീ​തും ന​ൽ​കി പ​ണ​പി​രി​പ്പ് ന​ട​ത്തി​യി​ട്ടു​ണ്ട്. ബ​ലാ​ത്സം​ഗം ഉ​ൾ​പ്പ​ടെ​യു​ള്ള കേ​സി​ലെ പ്ര​തി​യാ​ണ് അ​ൽ​അ​മീ​ൻ. എ​സ്.​ഐ​മാ​രാ​യ അ​നീ​സ്, വി​നീ​ഷ് പാ​പ്പ​ച്ച​ൻ, കൃ​ഷ്ണ​കു​മാ​ർ, സി.​പി.​ഒ ബി​നീ​ഷ്, എ​സ്.​പി.​ഒ​മാ​രാ​യ അ​ജി​രാ​ജ്, ബ​നീ​ഷ്, അ​ജി​രാ​ജ് എ​ന്നി​വ​രാ​ണ്​ പ്ര​തി​ക​ളെ അ​റ​സ്റ്റ്​ ചെ​യ്ത​ത്.