കര്‍ഷകരുടെ വയറ്റത്തടിച്ച് മോഷ്ടാക്കള്‍; ഒ​രു​മാ​സ​ത്തി​നി​ടെ മോ​ഷ​ണം പോ​യ​ത് 30ല്‍പ​രം ഏ​ത്ത​ക്കു​ല​ക​ള്‍

ഓ​യൂ​ര്‍: പൂ​യ​പ്പ​ള്ളി പ​ഞ്ചാ​യ​ത്തി​ല്‍ ചെ​ങ്കു​ളം പു​ളി​മു​ക്ക് ഏ​ലാ​യി​ല്‍ കാ​ര്‍ഷി​ക വി​ള​ക​ള്‍ വ്യാ​പ​ക​മാ​യി മോ​ഷ​ണം പോ​കു​ന്ന​താ​യി പ​രാ​തി. പൊ​ലീ​സി​ല്‍ പ​രാ​തി ന​ല്‍കു​ക​യും ക​ര്‍ഷ​ക​ര്‍ രാ​പ​ക​ല്‍ കാ​വ​ലി​രു​ന്നി​ട്ടും മോ​ഷ്ടാ​ക്ക​ളെ പി​ടി​കൂ​ടാ​നാ​യി​ല്ല.

ചെ​ങ്കു​ളം പു​ളി​മു​ക്ക് ഏ​ലാ​യി​ല്‍ പാ​ട്ട​ത്തി​ന്​​ കൃ​ഷി ന​ട​ത്തു​ന്ന പൂ​യ​പ്പ​ള്ളി, നാ​ല്‍ക്ക​വ​ല, കാ​ര്‍ത്തി​ക​യി​ല്‍ പ്ര​ശാ​ന്ത് കു​മാ​റി​ന്‍റെ 30ല്‍പ​രം ഏ​ത്ത​ക്കു​ല​ക​ളാ​ണ് ഒ​രു മാ​സ​ത്തി​നി​ട​യി​ല്‍ മോ​ഷ​ണം പോ​യ​ത്. മു​മ്പ്​ ഒ​ന്നോ ര​ണ്ടോ കു​ല​ക​ളാ​ണ്​ മോ​ഷ​ണം പോ​യി​രു​ന്ന​ത്.

അ​ടു​ത്തി​ടെ ഏ​ത്ത​ക്കാ​യ​ക്ക് വി​പ​ണി​യി​ല്‍ 50 മു​ത​ല്‍ 90 രൂ​പ വ​രെ ല​ഭി​ച്ചു തു​ട​ങ്ങി​യ സ​മ​യ​ത്താ​ണ് മോ​ഷ​ണം വ​ർ​ധി​ച്ച​ത്. പൊ​ലീ​സി​ല്‍ പ​രാ​തി ന​ല്‍കി​യെ​ങ്കി​ലും ഫ​ല​മൊ​ന്നും ഉ​ണ്ടാ​യി​ല്ല. തു​ട​ര്‍ന്ന് സി.​സി ടി.​വി കാ​മ​റ​ക​ള്‍ സ്ഥാ​പി​ച്ചു.

ക​ഴി​ഞ്ഞ ദി​വ​സം പ​ട്ടാ​പ്പ​ക​ല്‍ ബൈ​ക്കി​ലെ​ത്തി​യ ര​ണ്ടു യു​വാ​ക്ക​ള്‍ വാ​ഴ​ത്തോ​പ്പി​ലി​റ​ങ്ങി ഏ​ഴ് ഏ​ത്ത​വാ​ഴ​ക്കു​ല​ക​ള്‍ വെ​ട്ടി ബൈ​ക്കി​ല്‍ ക​ട​ത്തി​ക്കൊ​ണ്ട് പോ​കാ​ന്‍ ശ്ര​മി​ക്കു​ന്ന​തി​നി​ട​യി​ല്‍ നാ​ട്ടു​കാ​ര്‍ കാ​ണു​ക​യും ബ​ഹ​ളം വെ​ച്ച​തി​നെ​ത്തു​ട​ര്‍ന്ന് കു​ല​ക​ള്‍ ഉ​പേ​ക്ഷി​ച്ച് ഇ​രു​വ​രും​ബൈ​ക്കി​ല്‍ ര​ക്ഷ​പ്പെ​ടു​ക​യും ചെ​യ്തു.

സ​മാ​ന​മാ​യ രീ​തി​യി​ല്‍ പു​ളി​മൂ​ട് ഏ​ലാ​യി​ലെ ക​ര്‍ഷ​ക​നാ​യ തൊ​ടി​യി​ല്‍ വീ​ട്ടി​ല്‍ കു​ഞ്ഞു​മോ​ന്റെ​യും നി​ര​വ​ധി ഏ​ത്ത​വാ​ഴ​ക്കു​ല​ക​ള്‍ അ​ടു​ത്തി​ടെ മോ​ഷ​ണം പോ​യി.

പൂ​യ​പ്പ​ള്ളി പൊ​ലീ​സ് ന​ട​പ​ടി​ക​ള്‍ സ്വീ​ക​രി​ക്ക​ണ​മെ​ന്നും മോ​ഷ്ടാ​ക്ക​ളെ പി​ടി​കൂ​ടി ക​ര്‍ഷ​ക​രെ ര​ക്ഷി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കു​ക​യാ​ണ്.