കോൺഗ്രസിൽ കലഹം തുടങ്ങി, ചിലയിടങ്ങളിലെ തോൽവി സി.പി.​െഎയിലും പ്രശ്​നമാവുന്നു

കൊല്ലം: തദ്ദേശ തെരഞ്ഞെടുപ്പിലെ തിരിച്ചടിയെത്തുടർന്ന്​ കോൺഗ്രസിലും യു.ഡി.എഫിലും കലഹം തുടങ്ങി. നേരത്തേ തന്നെ ഗ്രൂപ്​ പോര്​ സജീവമായിരുന്ന കോൺഗ്രസിൽ തെരഞ്ഞെടുപ്പ്​ തോൽവിക്ക്​ കാരണവും ഉത്തരവാദികളെയും കണ്ടെത്താൻ ആരോപണ പ്രത്യാരോപണങ്ങളും സജീവമായി. കോൺഗ്രസി​ലെ ഗ്രൂപ്​ വഴക്കി​െൻറയും പിടിപ്പുകേടി​െൻറയും ഫലം അനുഭവിക്കേണ്ടിവന്നത്​ തങ്ങളും കൂടിയാണെന്ന രോഷം ഘടകകക്ഷികളും പ്രകടിപ്പിക്കുന്നു.

എന്നാൽ, താ​െഴത്തട്ടിലുള്ള പ്രവർത്തകർക്കും നേതാക്കൾക്കും കിട്ടുമായിരുന്ന അവസരങ്ങൾ കളഞ്ഞുകുളിച്ച നേതാക്കൾക്കെതിരെ കോൺഗ്രസിൽ ഗ്രൂപ്​ ഭേദ​മെന്യേ പ്രതിഷേധവും ഉയരുകയാണ്​. മുതിർന്ന നേതാക്കൾക്കിടെയിലെ ഗ്രൂപ്​ വഴക്ക്​ മാത്രമല്ല, വ്യക്തിതാൽപര്യങ്ങളുമാണ്​ പാർട്ടി​െയ ഇൗ പരുവത്തിലെത്തിച്ചതെന്നതാണ്​ പൊതു ആക്ഷേപം.

അടുത്ത നിയമസഭ തെരഞ്ഞെടുപ്പിൽ തങ്ങളുടെ സീറ്റുറപ്പിക്കുക എന്നതിനപ്പുറം ഒരു ലക്ഷ്യവുമില്ലാത്ത നേതാക്കളുടെ സമീപനങ്ങളാണ്​ ​ പ്രശ്​നങ്ങൾക്കെല്ലാം കാരണമെന്നാണ്​ ചൂണ്ടിക്കാട്ടപ്പെടുന്നത്​. ഒരേ സീറ്റിൽ കണ്ണു​െവച്ചിട്ടുള്ള പല നേതാക്കൾ പരസ്​പരം നടത്തിയ പാരവെപ്പുകളിൽ തെരഞ്ഞെടുപ്പ്​ പ്രവർത്തനം ഏകോപിപ്പിക്ക​ാനോ സംഘടന സംവിധാനം ചലിപ്പിക്കാനോ കാര്യമായി ആരുമുണ്ടായില്ലെന്ന പരാതിയും ശക്​തമാണ്​. പ്രചാരണത്തിൽ ഒരു ഏകോപനവുമില്ലായിരുന്നുവെന്ന പരാതി സ്​ഥാനാർഥികൾക്കും കോൺഗ്രസുകാർക്കും മാത്രമല്ല, ഘടകകക്ഷികൾക്കുമുണ്ട്​.

കോവിഡ്​ കാലത്തു​ം എൽ.ഡി.എഫും ബി.ജെ.പിയും താഴെത്തട്ടിൽ ശക്തമായ പ്രവർത്തനം നടത്തിയപ്പോൾ, പ്രചാരണത്തിന്​ ഒപ്പം ചെല്ലാൻ ആരുമില്ലാത്ത അവസ്​ഥയാണ്​ തങ്ങൾക്കുണ്ടായതെന്ന പരാതി കോൺഗ്രസ്​​ സ്​ഥാനാർഥികൾ തന്നെ ഉയർത്തുന്നു. കോൺഗ്രസിലെ ഗ്രൂപ്​​ വഴക്കും അനൈക്യത്തിനും പുറമേ, സ്​ഥാനാർഥി നിർണത്തിലെ പിഴവും തരിച്ചടിക്ക്​ കാരണമായയെന്നും ന്യൂനപക്ഷ വിഭാഗത്തിനടക്കം കോർപറേഷൻ, ജില്ല പഞ്ചായത്ത്​ സ്​ഥാനാർഥി നിർണയത്തിൽ മതിയായ പരിഗണന നൽകിയില്ലെന്ന ആക്ഷേപവുമുയർന്നിട്ടുണ്ട്​.

അതിനിടെ, ചില ഡിവിഷനുകളിലെ തോൽവി സി.പി.​െഎയിലും പ്രശ്​നം സൃഷ്​ടിച്ചിട്ടുണ്ട്​. ഗ്രൂപ്​ പോരിൽ പാർട്ടിയുടെ 'മോസ്​ക്കോ' ആയി ചിത്രീകരിക്ക​െപ്പടുന്ന കോർ​പറേഷൻ, കടപ്പാക്കട ഡിവിഷനിൽ തോൽക്കുകയും അവിടെ ബി.ജെ.പിക്ക്​ ജയിക്കാൻ അവസരമൊരുക്കുകയും ചെയ്​തത്​ വിഷയമായിട്ടുണ്ട്​. ഉളിയക്കോവിലിൽ മുതിർന്ന നേതാവ്​ ഉളിയക്കോവിൽ ശശിയുടെ പരാജയവും കാവനാട്ട്​ പാർട്ടി സ്​ഥാനാർഥിക്കെതിരെ മുതിർന്ന നേതാക്കൾ നിലപാടെടുത്തതും പാർട്ടി അടുത്ത ദിവസങ്ങളിൽ ചർച്ചചെയ്യും.