സ്ഥാ​നാ​ർ​ഥി​യാ​ര്​? മ​തി​ലു​ക​ൾ കാ​ത്തി​രി​ക്കു​ന്നു

കൊ​ല്ലം: സ്ഥാ​നാ​ർ​ഥി​ത്വം അ​നി​ശ്ചി​ത​ത്വ​ത്തി​ലാ​യ​തി​നാ​ൽ ചി​ല്ല​റ​യൊ​ന്നു​മ​ല്ല വീ​ർ​പ്പു​മു​ട്ട്. സ്ഥാ​നാ​ർ​ഥി​യു​ടെ പേ​രൊ​ഴി​കെ ബാ​ക്കി​യെ​ല്ലാം എ​ഴു​തി കാ​ത്തി​രി​ക്കു​ക​യാ​ണ് മ​തി​ലു​ക​ൾ. മു​ഖ​ച്ചി​ത്രം ചേ​ർ​ക്കാ​നും പേ​രെ​ഴു​തി ചേ​ർ​ക്കാ​നു​മു​ള്ള ക​ള​ങ്ങ​ൾ​വ​രെ റെ​ഡി.

കോ​ൺ​ഗ്ര​സ് ബു​ക്ക് ചെ​യ്ത ചു​വ​രു​ക​ൾ​ക്കാ​ണ് ഒ​റ്റ​പ്പെ​ട​ൽ ഏ​റെ​യും. തെ​ര​ഞ്ഞെ​ടു​പ്പി​ന് ഒ​രു​മാ​സം പോ​ലും ഇ​നി​യി​ല്ല. പ​ത്രി​ക സ​മ​ർ​പ്പ​ണം ക​ഴി​ഞ്ഞ് ക​ള​ത്തി​ലി​റ​ങ്ങി​യാ​ൽ വി​ര​ലി​ലെ​ണ്ണാ​വു​ന്ന ദി​വ​സം. ഇ​തി​നി​ടെ എ​വി​ടെ​യെ​ല്ലാം ഓ​ടി​യെ​ത്ത​ണം. ക​ണ്ടെ​യ്​​ൻ​മെൻറ് സോ​ണു​ക​ളി​ലും കോ​വി​ഡ് വ്യാ​പ​ന​മു​ണ്ടാ​യ സ്ഥ​ല​ങ്ങ​ളി​ലു​മു​ള്ള സ്ഥാ​നാ​ർ​ഥി​ക​ളാ​ണെ​ങ്കി​ൽ പ​റ​യു​ക​യും വേ​ണ്ട.

ജി​ല്ല​യി​ൽ എ​ൽ.​ഡി.​എ​ഫും യു.​ഡി.​എ​ഫും പ​ല​യി​ട​ത്തും സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ചി​ട്ടി​ല്ല. സ്ഥാ​നാ​ർ​ഥി​ത്വം ഉ​റ​പ്പാ​ക്കി​യ​വ​ർ​ക്കാ​ക​ട്ടെ ഇ​തു​കൊ​ണ്ട് പ്ര​ചാ​ര​ണ​ത്തി​നി​റ​ങ്ങാ​നും വ​യ്യ. ബു​ക്ക് ചെ​യ്ത ചു​വ​രു​ക​ളി​ലെ​ല്ലാം എ​ഴു​ത്ത് മു​റ​ക്ക് ന​ട​ക്കു​ന്നു​ണ്ട്. പ്ര​ചാ​ര​ണം ഇ​ക്കു​റി വെ​ർ​ച്വ​ലാ​ണെ​ങ്കി​ലും പ​ര​മ്പ​രാ​ഗ​ത ചു​വ​രെ​ഴു​ത്തി​ന് പ്ര​താ​പം ന​ഷ്​​ട​മാ​യി​ട്ടി​ല്ലെ​ന്നാ​ണ് ചു​വ​രു​ക​ളാ​യ ചു​വ​രു​ക​ളെ​ല്ലാം പ​റ​യു​ന്ന​ത്.