കടലിൽ കുളിക്കാനിറങ്ങിയ രണ്ടുപേരെ കാണാതായി; ഒരാളെ സാഹസികമായി രക്ഷിച്ചു

പരവൂർ: കടലിൽ കുളിക്കാനിറങ്ങിയ പതിനേഴുകാരനെ മത്സ്യത്തൊഴിലാളിയായ യുവാവ് സഹസികമായി രക്ഷപ്പെടുത്തി. കല്ലുവാതുക്കൽ സ്വദേശിയായ കണ്ണനെയാണ് ഇടവ മാന്തറ സ്വദേശി സനോജ് രക്ഷപ്പെടുത്തിയത്.

കുളിക്കാനിറങ്ങിയ മറ്റു രണ്ടുപേരെ കാണാതായി. കല്ലമ്പലം സ്വദേശികളായ യുവാക്കളെയാണ് കാണാതായത്. ഞായറാഴ്​ച വെകുന്നേരത്തോടെയാണ് ഇവർ തെക്കുംഭാഗം ബീച്ചിന്​ സമീപം ഇറങ്ങിയത്.

വളരെ ദൂരേക്ക് പോയ കണ്ണനെ രക്ഷപ്പെടുത്താൻ കഴിഞ്ഞെങ്കിലും മറ്റു രണ്ടുപേരെ കണ്ടെത്താനായില്ല. പരവൂരിൽനിന്ന് അഗ്നിശമന രക്ഷാസേന എത്തിയെങ്കിലും രക്ഷപ്രവർത്തനം ആരംഭിച്ചിട്ടില്ല.