നാടിന്‍റെ ഉറക്കംകെടുത്തിയ കരടി കാണാമറയത്ത്

പാരിപ്പള്ളി: നാടിെൻറ ഉറക്കംകെടുത്തിയ കരടി ഇപ്പോഴും മറവിൽതന്നെ. കല്ലുവാതുക്കൽ പഞ്ചായത്തിെൻറ വിവിധ ഭാഗങ്ങളിൽ രണ്ടുദിവസമായി നടത്തിയ തെരച്ചിലും വിഫലം. പുലിക്കുഴിയിലും പരിസരങ്ങളിലും ശനിയാഴ്ച രാവിലെ ആരംഭിച്ച തെരച്ചിൽ ഉച്ചവരെ തുടർന്നു. ഈ ഭാഗത്ത് കരടിയെ കണ്ടതായ വിവരങ്ങളെത്തുടർന്നാണ് തെരച്ചിൽ. അഞ്ചൽ ഫോറസ്​റ്റ് റേഞ്ച് ഓഫിസർ ബി.ആർ. ജയ​െൻറ നേതൃത്വത്തിൽ വിശദ പരിശോധന നടത്തിയെങ്കിലും കരടിയുടെ സാമിപ്യം സംബന്ധിച്ച സൂചനകളൊന്നും ലഭിച്ചില്ല.

ചാത്തന്നൂർ താഴംതെക്ക് വിളപ്പുറം ആനന്ദവിലാസം ക്ഷേത്രത്തിന് സമീപം ഏതാനും ദിവസം മുമ്പ് കണ്ടെത്തിയ കാൽപാടുകൾ കരടിയുടേതാണെന്ന് വനംവകുപ്പ് സ്​ഥിരീകരിച്ചിരുന്നു. വെള്ളിയാഴ്ച കരടിയെ കണ്ടതായി അഭ്യൂഹം പരന്നതിനെത്തുടർന്ന് പാമ്പുറം മീനമ്പലം ഭാഗങ്ങളിൽ ഫോറസ്​റ്റ് വകുപ്പ് ഉദ്യോഗസ്​ഥരും പൊലീസും ചേർന്ന് തെരച്ചിൽ നടത്തിയിരുന്നു.

25 ഏക്കറോളം കാടുപിടിച്ചുകിടക്കുന്ന കാരംകോട് സ്​പിന്നിങ് മിൽ വളപ്പിൽ കരടി എത്തിയിരിക്കാമെന്ന നിഗമനത്തിൽ ഇവിടെ കൂട് സ്​ഥാപിക്കുകയും നിരീക്ഷണം ഏർപ്പെടുത്തുകയും ചെയ്തിട്ടുണ്ട്. ഈ പ്രദേശത്ത് അഗ്നിശമനസേനയുടെ സാന്നിധ്യത്തിൽ അഞ്ചൽ ഫോറസ്​റ്റ് റേഞ്ച് ഓഫിസറുടെ നേതൃത്വത്തിലുള്ള ദ്രുതകർമസേനയുടെ പിക്കറ്റ് തുടരുകയാണ്. പുലിക്കുഴിയിലും പരിസരങ്ങളിലും കരടിയെ കണ്ടെത്താത്തതിനെത്തുടർന്ന് വനപാലകരും പൊലീസുമടങ്ങുന്ന സംഘം വേളമാന്നൂർ ഭാഗത്തും തെരച്ചിൽ നടത്തി.

രാത്രിയിലും ഫയർഫോഴ്സിെൻറ സഹായത്തോടെ തെരച്ചിൽ നടത്തിവരുന്നുണ്ട്. പലരും അടിസ്​ഥാനമില്ലാത്ത വിവരങ്ങൽ പരത്തുന്നുണ്ടെന്നും ഇക്കാര്യത്തിൽ ജനങ്ങൾ ജാഗ്രത പാലിക്കണമെന്നും വനംവകുപ്പ് ഉദ്യോഗസ്​ഥർ അറിയിച്ചു.