സര്‍ക്കാരിന് പണമില്ല: ജില്ലയില്‍ ഇത്തവണ വൃക്ഷത്തൈ വിതരണം പേരിന് മാത്രം

പ​ത്ത​നാ​പു​രം: പ​രി​സ്ഥി​തി ദി​നാ​ച​ര​ണ​ത്തെ​യും ബാ​ധി​ച്ച് സം​സ്ഥാ​ന​ത്തി​ന്റെ സാ​മ്പ​ത്തി​ക പ്ര​തി​സ​ന്ധി. ജൂ​ണ്‍ അ​ഞ്ചി​ന് ജി​ല്ല​യി​ല്‍ വി​ത​ര​ണം ചെ​യ്യാ​ന്‍ ഇ​ത്ത​വ​ണ ആ​വ​ശ്യാ​നു​സ​ര​ണം വൃ​ക്ഷ​ത്തൈ​ക​ളി​ല്ല. അ​നു​വ​ദി​ച്ചി​രി​ക്കു​ന്ന​ത് 50,000 തൈ​ക​ൾ മാ​ത്രം. നാ​ല് വ​നം ഡി​വി​ഷ​നു​ക​ള്‍ ഉ​ള്‍പ്പ​ടു​ന്ന ജി​ല്ല​യു​ടെ കാ​ൽ​ഭാ​ഗം പോ​ലും വി​ത​ര​ണം ചെ​യ്യു​വാ​ൻ ഇ​വ മ​തി​യാ​കി​ല്ല. മു​ൻ​വ​ർ​ഷ​ങ്ങ​ളി​ൽ മൂ​ന്ന​ര ല​ക്ഷം വൃ​ക്ഷ​ത്തൈ​ക​ൾ അ​നു​വ​ദി​ച്ചി​രു​ന്നെ​ങ്കി​ൽ ആ​വ​ശ്യ​ക്കാ​രു​ടെ ക​ണ​ക്ക​നു​സ​രി​ച്ച് ക​ഴി​ഞ്ഞ​വ​ർ​ഷം ര​ണ്ട് ല​ക്ഷം ആ​യി ചു​രു​ക്കി​യി​രു​ന്നു. വി​ദ്യാ​ല​യ​ങ്ങ​ള്‍, യു​വ​ജ​ന സം​ഘ​ട​ന​ക​ൾ, ക്ല​ബു​ക​ൾ, മ​ത​സാം​സ്കാ​രി​ക സ്ഥാ​പ​ന​ങ്ങ​ൾ എ​ന്നി​വി​ട​ങ്ങ​ളി​ലേ​ക്ക് വൃ​ക്ഷ​ത്തൈ​ക​ൾ എ​ത്തി​ക്ക​ണ​മെ​ന്ന് നി​ർ​ദേ​ശ​വു​മു​ണ്ട്.

മു​ൻ വ​ർ​ഷ​ങ്ങ​ളി​ൽ സ്കൂ​ള്‍ വി​ദ്യാ​ർ​ഥി​ക​ൾ​ക്ക് വൃ​ക്ഷ​ത്തൈ വി​ത​ര​ണം ചെ​യ്തി​രു​ന്നു. സാ​മ്പ​ത്തി​ക പ്ര​തി​സ​ന്ധി കൊ​ണ്ടാ​ണ് തൈ​ക​ൾ വി​ത​ര​ണ​ത്തി​നാ​യി സ​ജ്ജ​മാ​ക്കാ​ൻ ക​ഴി​യാ​ത്ത​തെ​ന്നും ഇ​തി​നാ​യി തു​ച്ഛ​മാ​യ ഫ​ണ്ടാ​ണ് അ​നു​വ​ദി​ച്ച​തെ​ന്നു​മാ​ണ് സോ​ഷ്യ​ൽ ഫോ​റ​സ്ട്രി വി​ഭാ​ഗ​ത്തി​ന്റെ വി​ശ​ദീ​ക​ര​ണം.

പ​രി​സ്ഥി​തി ദി​നാ​ച​ര​ണ​ത്തി​ന്​ വൃ​ക്ഷ​ത്തൈ​ക​ള്‍ ത​യാ​റാ​ക്കേ​ണ്ട​ത് സാ​മൂ​ഹ്യ​വ​ന​വ​ത്ക​ര​ണ വി​ഭാ​ഗ​മാ​ണ്. പ​ഞ്ചാ​യ​ത്ത് ത​ല​ത്തി​ല്‍ തൊ​ഴി​ലു​റ​പ്പ് പ​ദ്ധ​തി​യു​മാ​യി ബ​ന്ധ​പ്പെ​ടു​ത്തി വൃ​ക്ഷ​ത്തൈ​ക​ൾ ഉ​ൽ​പാ​ദി​പ്പി​ക്കു​ന്ന​തി​നു​ള്ള വൃ​ക്ഷ സ​മൃ​ദ്ധി പ​ദ്ധ​തി ന​ട​പ്പി​ലാ​ക്കാ​ന്‍ നി​ര്‍ദേ​ശം ഉ​ണ്ടാ​യി​രു​ന്നു. ഇ​തി​നാ​യി ജി​ല്ല പ്രോ​ഗ്രാം കോ​ഓ​ഡി​നേ​റ്റ​റെ​യും ജി​ല്ല ഓ​ഫി​സ​ർ​മാ​രെ​യും ചു​മ​ത​ല​പ്പെ​ടു​ത്തി​യി​രു​ന്നു. ജി​ല്ല​യി​ലെ മി​ക്ക പ​ഞ്ചാ​യ​ത്തും ഇ​ത്ത​വ​ണ പ​ദ്ധ​തി ന​ട​പ്പി​ലാ​ക്കി​യി​ട്ടി​ല്ല. ക​ഴി​ഞ്ഞ​വ​ർ​ഷം മു​ത​ൽ ആ​രം​ഭി​ച്ച വൃ​ക്ഷ​സ​മൃ​ദ്ധി പ​ദ്ധ​തി തു​ട​ക്ക​ത്തി​ൽ ത​ന്നെ പാ​ളി​യി​രു​ന്നു. കൊ​ട്ടി​ഘോ​ഷി​ച്ച് ന​ട​പ്പി​ലാ​ക്കി​യ പ​രി​സ്ഥി​തി ദി​നാ​ച​ര​ണ​പ​രി​പാ​ടി​യു​ടെ നാ​ളു​ക​ളും എ​ണ്ണ​പ്പെ​ട്ടു.