പോക്സോ: പ്രതിക്ക് കഠിനതടവും പിഴയും

കൊല്ലം: 13 വയസ്സുള്ള സഹോദരിമാരെ ശല്യംചെയ്തും ലൈംഗികച്ചുവയുള്ള ചേഷ്​ടകൾ കാണിച്ചും പീഡിപ്പിച്ച കേസിൽ പ്രതിക്ക് ഒരുവർഷം കഠിന തടവും 10000 രൂപ പിഴയും ശിക്ഷ വിധിച്ചു.

പിഴ ഒടുക്കാതിരുന്നാൽ മൂന്നുമാസം വെറും തടവിനും കൊല്ലം ഫസ്​റ്റ് അഡീഷനൽ സെഷൻസ്​ കോടതി (പോക്സോ) എൻ. ഹരികുമാർ ശിക്ഷിച്ചു. കൊല്ലം തഴുത്തല പുഞ്ചിരിച്ചിറ കോളനിയിൽ ആതിര മന്ദിരത്തിൽ ബിജുവിനെ (31) യാണ് ശിക്ഷിച്ചത്.

കൊട്ടിയം പൊലീസ് ഇൻസ്​പെക്ടർ ആർ. രതീഷ് ആണ്​ പ്രഥമവിവര റിപ്പോർട്ട് തയാറാക്കി അന്വേഷണം നടത്തി അന്തിമറിപ്പോർട്ട് സമർപ്പിച്ചത്​.