ജലവിതരണത്തിനുള്ള മുന്നൊരുക്കം എങ്ങുമെത്തിയില്ല; പുനലൂർ നഗരസഭ ശുദ്ധജലക്ഷാമത്തിലേക്ക്

പു​ന​ലൂ​ർ: സം​സ്ഥാ​ന​ത്ത് കൂ​ടു​ത​ൽ ചൂ​ടും കു​ടി​വെ​ള്ള​ക്ഷാ​മ​വും നേ​രി​ടു​ന്ന പു​ന​ലൂ​ർ ന​ഗ​ര​സ​ഭ പ്ര​ദേ​ശ​ങ്ങ​ൾ ക​ടു​ത്ത ശു​ദ്ധ​ജ​ല ക്ഷാ​മ​ത്തി​ലേ​ക്ക്. മ​ഴ​ക്കാ​ല​ത്തും ടാ​ങ്ക​റി​ൽ കു​ടി​വെ​ള്ളം എ​ത്തി​ക്കു​ന്ന സം​സ്ഥാ​ന​ത്തെ ഏ​ക ന​ഗ​ര​സ​ഭ​യാ​യ പു​ന​ലൂ​രി​ൽ ഈ ​വേ​ന​ൽ​ക്കാ​ല​ത്ത് കാ​ര്യ​ങ്ങ​ൾ കൈ​വി​ടു​ന്ന സൂ​ച​ന​യാ​ണ്. മു​ൻ വ​ർ​ഷ​ങ്ങ​ളി​ലെ അ​നു​ഭ​വം മു​ന്നി​ൽ​വെ​ച്ച് ന​ഗ​ര​സ​ഭ അ​ധി​കൃ​ത​ർ ഇ​ത്ത​വ​ണ വേ​ന​ൽ​ക്കാ​ല​ത്തെ കു​ടി​വെ​ള്ള ക്ഷാ​മം പ​രി​ഹ​രി​ക്കു​ന്ന​തി​ന് മാ​സ​ങ്ങ​ൾ​ക്ക് മു​മ്പ് ന​ട​പ​ടി തു​ട​ങ്ങി​യെ​ങ്കി​ലും സ​മ​യ​ത്തി​ന് അ​നു​മ​തി ല​ഭി​ക്കാ​ത്ത​തി​നെ തു​ട​ർ​ന്ന് കാ​ര്യ​ങ്ങ​ൾ എ​ങ്ങും എ​ത്താ​ത്ത സാ​ഹ​ച​ര്യ​മാ​ണ്.

ത​ന​ത് ഫ​ണ്ട് ഉ​പ​യോ​ഗി​ച്ച് ടാ​ങ്ക​റു​ക​ളി​ൽ കു​ടി​വെ​ള്ളം എ​ത്തി​ക്കാ​ൻ സ​ർ​ക്കാ​ർ ഉ​ത്ത​ര​വ് ക​ഴി​ഞ്ഞ​യാ​ഴ്ച ഉ​ണ്ടാ​യെ​ങ്കി​ലും ന​ട​പ​ടി പൂ​ർ​ത്തി​യാ​ക്കി കു​ടി​വെ​ള്ളം വി​ത​ര​ണം ചെ​യ്യ​ണ​മെ​ങ്കി​ൽ ഇ​നി​യും ആ​ഴ്ച​ക​ൾ കാ​ത്തി​രി​ക്കേ​ണ്ടി വ​രും. 35 വാ​ർ​ഡു​ള്ള ന​ഗ​ര​സ​ഭ​യി​ൽ മി​ക്ക വാ​ർ​ഡു​ക​ളും വ​ലി​യ കു​ന്നു​ക​ളും ച​രി​വു​ക​ളും നി​റ​ഞ്ഞ​താ​ണ്. ഇ​തു​കാ​ര​ണം മ​ഴ​ക്കാ​ല​ത്തു​പോ​ലും പ​ല​യി​ട​ത്തും ന​ഗ​ര​സ​ഭ സ്വ​ന്തം ടാ​ങ്ക​റി​ൽ വെ​ള്ളം എ​ത്തി​ക്കു​ന്നു​ണ്ട്.

വേ​ന​ൽ​ക്കാ​ല​ത്ത് ഒ​രു ടാ​ങ്ക​റി​ൽ മാ​ത്രം വെ​ള്ളം എ​ത്തി​ക്ക​ൽ തി​ക​യു​ക​യി​ല്ല. വാ​ട്ട​ർ അ​തോ​റി​റ്റി​യു​ടെ അ​ര​നൂ​റ്റാ​ണ്ടോ​ളം പ​ഴ​ക്ക​മു​ള്ള ഹൈ​സ്കൂ​ൾ ജ​ങ്ഷ​നി​ലെ കു​ടി​വെ​ള്ള വി​ത​ര​ണ പ​ദ്ധ​തി​യാ​ണ് ന​ഗ​ര​സ​ഭ​യി​ലെ പ്ര​ധാ​ന കു​ടി​വെ​ള്ള വി​ത​ര​ണ സ്രോ​ത​സ്സ്. തൊ​ളി​ക്കോ​ട് ഭാ​ഗ​ത്തു​ള്ള കു​റെ വാ​ർ​ഡു​ക​ളി​ൽ ക​ര​വാ​ളൂ​ർ പ​ന​കു​റ്റി മ​ല കേ​ന്ദ്രീ​ക​രി​ച്ചു​ള്ള മീ​നാ​ട് കു​ടി​വെ​ള്ള പ​ദ്ധ​തി​യി​ൽ നി​ന്നും വെ​ള്ളം എ​ത്തി​ക്കു​ന്നു​ണ്ട്. കു​രി​യോ​ട്ടു​മ​ല പ​ദ്ധ​തി​യി​ൽ നി​ന്നും നെ​ല്ലി​പ്പ​ള്ളി മേ​ഖ​ല​യി​ലു​ള്ള ചി​ല വാ​ർ​ഡു​ക​ളി​ലേ​ക്ക് മു​മ്പ് വെ​ള്ളം ന​ൽ​കി​യി​രു​ന്ന​ത് വാ​ട്ട​ർ അ​തോ​റി​റ്റി അ​കാ​ര​ണ​മാ​യി നി​ർ​ത്ത​ലാ​ക്കി. ഈ ​പ​ദ്ധ​തി​യി​ൽ വെ​ള്ളം ല​ഭി​ക്കു​ന്ന​തി​ന് വേ​ണ്ടി ന​ഗ​ര​സ​ഭ അ​റു​പ​ത് ല​ക്ഷ​ത്തോ​ളം രൂ​പ പ​ത്ത് വ​ർ​ഷം മു​മ്പ് ചെ​ല​വി​ട്ട​ത് പാ​ഴാ​യി.

നി​ല​വി​ലു​ള്ള പ​ദ്ധ​തി​ക​ളി​ലൂ​ടെ ദി​വ​സ​വും അ​റ​ര ദ​ശ​ല​ക്ഷം ലി​റ്റ​ർ ശു​ദ്ധ​ജ​ലം ദി​വ​സ​വും വി​ത​ര​ണം ചെ​യ്യു​ന്നു​ണ്ടെ​ങ്കി​ലും ക​ടു​ത്ത വ​ര​ൾ​ച്ച​യി​ൽ ഇ​ത് എ​ട്ട​ര ദ​ശ​ല​ക്ഷം ലി​റ്റ​ർ വെ​ള്ള​മെ​ങ്കി​ലും വേ​ണ്ടി​വ​രു​മെ​ന്നാ​ണ് ക​ണ​ക്ക്. ഇ​ത്ര​ത്തോ​ളം വെ​ള്ളം പൈ​പ്പു ലൈ​നു​ക​ളി​ലൂ​ടെ​യും ടാ​ങ്ക​റി​ലും എ​ത്തി​ക്കാ​ൻ ക​ഴി​യി​ല്ലെ​ങ്കി​ലും പ​ര​മാ​വ​ധി വെ​ള്ളം എ​ത്തി​ക്കാ​നു​ള്ള നീ​ക്ക​ത്തി​ലാ​ണ് ന​ഗ​ര​സ​ഭ. പു​ന​ലൂ​രി​ന്‍റെ ഭൂ​പ്ര​കൃ​തി​യി​ൽ ജ​ല​ക്ഷാ​മം നേ​ര​ത്തെ അ​നു​ഭ​വ​പ്പെ​ടാ​ൻ സാ​ധ്യ​ത​യു​ള്ള പ്ര​ദേ​ശ​ങ്ങ​ൾ ചൂ​ണ്ടി​ക്കാ​ട്ടി ഇ​വി​ട​ങ്ങ​ളി​ൽ ടാ​ങ്ക​റി​ൽ വെ​ള്ളം എ​ത്തി​ക്കാ​ൻ ന​ട​പ​ടി​ക്ക് അ​നു​മ​തി ആ​വ​ശ്യ​പ്പെ​ട്ട് ക​ഴി​ഞ്ഞ ഡി​സം​ബ​റി​ൽ ക​ല​ക്ട​ർ​ക്ക് ന​ഗ​ര​സ​ഭ അ​ധി​കൃ​ത​ർ ക​ത്ത് ന​ൽ​കി​യി​രു​ന്നു.

ഇ​തി​ന് അ​നു​കൂ​ല​മാ​യ മ​റു​പ​ടി ല​ഭി​ക്കാ​തെ വ​ന്ന​തോ​ടെ പി​ന്നീ​ട് പു​ന​ലൂ​രി​ൽ ന​ട​ന്ന താ​ലൂ​ക്ക് ആ​ദാ​ല​ത്തി​ലും കു​ടി​വെ​ള്ള ക്ഷാ​മം പ​രി​ഹ​രി​ക്കു​ന്ന​തി​നു​ള്ള ന​ട​പ​ടി​ക്കാ​യി ന​ഗ​ര​സ​ഭ അ​ധി​കൃ​ത​ർ ക​ല​ക്ട​റു​ടെ ശ്ര​ദ്ധി​യി​ൽ​പ്പെ​ടു​ത്തി. വീ​ണ്ടും അ​നു​കൂ​ല​മാ​യ മ​റു​പ​ടി ല​ഭി​ക്കാ​തെ വ​ന്നു. ജ​ല​ക്ഷാ​മം രൂ​ക്ഷ​മാ​യ പ്ര​ദേ​ശ​ങ്ങ​ൾ ചൂ​ണ്ടി​ക്കാ​ട്ടാ​നാ​ണ് മ​റു​പ​ടി ല​ഭി​ച്ച​ത്. ഇ​തി​ന്‍റെ അ​ടി​സ്ഥാ​ന​ത്തി​ൽ 12 വാ​ർ​ഡു​ക​ൾ ചൂ​ണ്ടി​ക്കാ​ട്ടി ക​ത്ത് ന​ൽ​കി​യി​ട്ടും പ്ര​യോ​ജ​മു​ണ്ടാ​യി​ല്ല. അ​വ​സാ​നം അ​നു​മ​തി​ക്കാ​യി ക​ഴി​ഞ്ഞ ദി​വ​സം സ​ർ​ക്കാ​ർ ഉ​ത്ത​ര​വ് ഇ​റ​ങ്ങു​ന്ന​ത് വ​രെ കാ​ത്തി​രി​ക്കേ​ണ്ടി വ​ന്നു. ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ൽ ടാ​ങ്ക​റി​ൽ വെ​ള്ളം എ​ത്തി​ക്കാ​ൻ ന​ഗ​ര​സ​ഭ ടെ​ണ്ട​ർ ക്ഷ​ണി​ച്ചെ​ങ്കി​ലും ഒ​രെ​ണ്ണം മാ​ത്ര​മാ​ണ് ല​ഭി​ച്ച​ത്.

ഒ​രെ​ണ്ണം മാ​ത്ര​മു​ള്ള​തി​നാ​ൽ കൗ​ൺ​സി​ൽ അ​നു​മ​തി വേ​ണ്ട​തു​ണ്ട്. ഇ​തു​കൂ​ടി പ​രി​ഗ​ണി​ച്ച് ഈ ​ആ​ഴ്ച അ​ടി​യ​ന്തി​ര കൗ​ൺ​സി​ൽ കൂ​ടി​യി​ട്ട് വേ​ണം വെ​ള്ളം എ​ത്തി​ക്കാ​നു​ള്ള അ​നു​മ​തി ന​ൽ​കാ​ൻ. അ​തേ സ​മ​യം ക​ഴി​ഞ്ഞ വ​ർ​ഷം ഇ​തു​പോ​ലെ ടാ​ങ്ക​റി​ൽ വെ​ള്ളം എ​ത്തി​ച്ച​തി​ലെ ക്ര​മ​മേ​ക്ക​ട് സം​ബ​ന്ധി​ച്ച് കേ​സാ​യ​തോ​ടെ എ​ല്ലാം സൂ​ക്ഷി​ച്ചേ ന​ഗ​ര​സ​ഭ അ​ധി​കൃ​ത​രും കൈ​കാ​ര്യം ചെ​യ്യു​ന്നു​ള്ളു.

പ​ഞ്ചാ​യ​ത്തു​ക​ൾ​ക്ക് 12 ല​ക്ഷവും ന​ഗ​ര​സ​ഭ​ക്ക് 17 ല​ക്ഷ​വും ചെ​ല​വി​ടാം

വേ​ന​ൽ​ക്കാ​ല​ത്ത് കു​ടി​വെ​ള്ള​ക്ഷാ​മം അ​നു​ഭ​വ​പ്പെ​ടു​ന്ന പ്ര​ദേ​ശ​ങ്ങ​ളി​ൽ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ മേ​ൽ​നോ​ട്ട​ത്തി​ൽ ത​ന​തു​ഫ​ണ്ട് ഉ​പ​യോ​ഗി​ച്ച് വാ​ഹ​ന​ങ്ങ​ളി​ൽ ശു​ദ്ധ​ജ​ലം വി​ത​ര​ണം ചെ​യ്യു​ന്ന​തി​ന് ചെ​ല​വി​ടാ​വു​ന്ന തു​ക സം​ബ​ന്ധി​ച്ച് സ​ർ​ക്കാ​ർ ഉ​ത്ത​ര​വ്. ഈ ​മാ​ർ​ച്ച് 31 വ​രെ പ​ഞ്ചാ​യ​ത്തു​ക​ൾ​ക്ക് ആ​റു ല​ക്ഷ​വും ന​ഗ​ര​സ​ഭ​ക​ൾ​ക്ക് 12 ല​ക്ഷ​വും കോ​ർ​പ​റേ​ഷ​നു​ക​ളി​ൽ 17 ല​ക്ഷ​വു​മാ​ണ് ചെ​ല​വാ​ക്കാ​വു​ന്ന​ത്. ഏ​പ്രി​ൽ ഒ​ന്നു​മു​ത​ൽ മെ​യ് 31 വ​രെ ഈ ​തു​ക യ​ഥാ​ക്ര​മം 12 ല​ക്ഷം,17 ല​ക്ഷം, 22 ല​ക്ഷം എ​ന്നി​ങ്ങ​നെ ഉ​യ​ർ​ത്തി​യി​ട്ടു​ണ്ട്.

റ​വ​ന്യൂ വ​കു​പ്പോ മ​റ്റ് എ​തെ​ങ്കി​ലും ഏ​ജ​ൻ​സി​ക​ളോ ജ​ലം വി​ത​ര​ണം ചെ​യ്യു​ന്ന പ്ര​ദേ​ശ​ങ്ങ​ളി​ൽ ത​ദ്ദേ​ശ സ്ഥാ​പ​ന​ങ്ങ​ൾ വെ​ള്ളം വി​ത​ര​ണം ചെ​യ്യാ​ൻ പാ​ടി​ല്ല. വി​ത​ര​ണം ചെ​യ്യു​ന്ന കു​ടി​വെ​ള്ള​ത്തി​ന് ഗു​ണ​നി​ല​വാ​രം ഉ​റ​പ്പാ​ക്കേ​ണ്ട​തും വെ​ള്ളം എ​ത്തി​ക്കു​ന്ന വാ​ഹ​ന​ങ്ങ​ളി​ൽ ജി.​പി.​എ​സ്. ഘ​ടി​പ്പി​ക്കേ​ണ്ട​ത​ട​ക്കം നി​ർ​ദ്ദേ​ശ​ങ്ങ​ൾ പാ​ലി​ച്ചേ വെ​ള്ളം വി​ത​ര​ണം ചെ​യ്യാ​വു.