പ്രസിഡന്‍റ്​സ്​ ട്രോഫി വള്ളംകളി; ഓളപ്പരപ്പിൽ ചാട്ടുളിയായി വീയപുരം ചുണ്ടൻ

കൊ​ല്ലം: ചാ​മ്പ്യ​ൻ​സ്​ ബോ​ട്ട്​ ലീ​ഗി​ൽ പ​ള്ളാ​ത്തു​രു​ത്തി ബോ​​ട്ട്​ ക്ല​​ബ്​ (പി.​ബി.​സി) തു​ഴ​ഞ്ഞ കാ​രി​ച്ചാ​ൽ ചു​ണ്ട​ൻ വി​ജ​യി​യാ​യി. ചാ​മ്പ്യ​ൻ​സ്​ ബോ​ട്ട്​ ലീ​ഗി​ന്‍റെ അ​വ​സാ​ന മ​ത്സ​ര​മാ​യ പ്ര​സി​ഡ​ന്‍റ്​​സ്​ ട്രോ​ഫി​യി​ൽ ​വി​ല്ലേ​ജ്​ ബോ​ട്ട്​ ക്ല​ബ്​ (വി.​ബി.​സി) തു​ഴ​ഞ്ഞ വീ​യ​പു​രം ചു​ണ്ട​നും വി​ജ​യ​ക്കൊ​ടി പാ​റി​ച്ചു. ക​ലാ​ശ​​പ്പോ​രി​ൽ വീ​യ​പു​ര​ത്തി​ന്​ ഫി​നി​ഷി​ങ്​ പോ​യ​ന്‍റി​ലേ​ക്ക്​ എ​ത്താ​ൻ 3.53.85 മി​നി​റ്റാ​ണ്​ വേ​ണ്ടി​വ​ന്ന​ത്. ​കാ​രി​ച്ചാ​ൽ ചു​ണ്ട​നാ​യി​രു​ന്നു ര​ണ്ടാം​സ്ഥാ​നം (3.55.14), നി​ര​ണം ബോ​ട്ട്​ ക്ല​ബ്​ തു​ഴ​ഞ്ഞ നി​ര​ണം ചു​ണ്ട​ൻ (3.55.62) മൂ​ന്നാ​മ​തെ​ത്തി.

അ​​ഷ്ട​​മു​​ടി​​യി​​ലെ 1100 മീ​​റ്റ​​ർ ട്രാ​​ക്കി​​ൽ ഓ​​രോ ഇ​​ഞ്ചി​​ലും ആ​​വേ​​ശം നി​​റ​​ച്ചാ​​യി​​രു​​ന്നു മ​​ത്സ​​രം. മൈ​​ക്രോ സെ​​ക്ക​​ൻ​​ഡു​​ക​​ൾ പോ​​​ലും വി​​ല​​പി​​ടി​​ച്ച​​താ​​യ പോ​​രാ​​ട്ടം അ​​ഷ്ട​​മു​​ടി​​യു​​ടെ ഓ​​ള​​ങ്ങ​​ളെ തീ​​പി​​ടി​​പ്പി​​ച്ചു. ഹീ​​റ്റ്​​​സ്​ മു​​ത​​ൽ ആ​​വേ​​ശ​​വും ആ​​കാം​​ക്ഷ​​യും നി​​റ​​ച്ച പോ​​രാ​​ട്ട​​മാ​​ണ്​ ന​ട​ന്ന​ത്. അ​ഷ്ട​മു​ടി​ക്കാ​യ​ലി​നെ കോ​രി​ത്ത​രി​പ്പി​ച്ച്​ ന​ട​ന്ന മ​ത്സ​ര​ത്തി​ൽ ലീ​ഗി​ലെ അ​വ​സാ​ന​മ​ത്സ​രം വി.​ബി.​സി സ്വ​ന്ത​മാ​ക്കി​യെ​ങ്കി​ലും ഇ​തു​വ​രെ​യു​ള്ള മ​ത്സ​ര​ങ്ങ​ളി​​ലെ ഒ​രു​പോ​യ​ന്‍റ്​ വ്യ​ത്യാ​സ​ത്തി​ലാ​ണ്​ പി.​ബി.​സി ലീ​ഗ്​ ചാ​മ്പ്യ​രാ​യ​ത്.

സി.​ബി.​എ​ൽ നാ​ലാം സീ​സ​ണി​ൽ കീ​രി​ടം നേ​ടി​യ പ​ള്ളാ​ത്തു​രു​ത്തി ബോ​ട്ട് ക്ല​ബി​ന്‍റെ കാ​രി​ച്ചാ​ൽ​ചു​ണ്ട​ൻ ട്രോ​ഫി​യു​മാ​യി

പ​ട്ടി​ക​യി​ൽ ഒ​ന്നാ​മ​തെ​ത്തി​യ ഇ​വ​ർ​ക്ക്​​ 58 പോ​യ​ന്‍റാ​ണ്​ സ​മ്പാ​ദ്യം. ക​ന​ത്ത വെ​ല്ലു​വി​ളി ഉ​യ​ർ​ത്തി​യ വി.​ബി.​സി​ക്ക്​ 57 പോ​യ​ന്‍റും ല​ഭി​ച്ചു. 48 പോ​യ​ന്‍റു​മാ​യി നി​ര​ണം​ബോ​ട്ട്​ ക്ല​ബി​നാ​ണ്​ മൂ​ന്നാം​സ്ഥാ​നം. ലീ​ഗ് മ​ത്സ​ര​ങ്ങ​ളി​ൽ പാ​ണ്ട​നാ​ടും കൊ​ല്ല​ത്തും മാ​ത്ര​മാ​ണ് പി.​ബി.​സി ര​ണ്ടാം സ്ഥാ​ന​ത്തേ​ക്ക് പി​ന്ത​ള്ള​പ്പെ​ട്ട​ത്. അ​വ​സാ​ന ലീ​ഗ് പോ​രാ​ട്ട​ത്തി​ൽ ര​ണ്ടാം​സ്ഥാ​ന​ത്തി​ലൂ​ടെ ഒ​മ്പ​തു​പോ​യ​ന്‍റ്​ പോ​ക്ക​റ്റി​ലാ​ക്കി​യാ​ണ്​ പി.​ബി.​സി നാ​ലാം കീ​രി​ടം സ്വ​ന്ത​മാ​ക്കി​യ​ത്.

തു​ട​ർ​ച്ചാ​യ അ​ഞ്ചാം​വ​ർ​ഷം ഉ​ൾ​പ്പെ​ടെ 16 ത​വ​ണ നെ​ഹ്റു​ട്രോ​ഫി സ്വ​ന്ത​മാ​ക്കി​യ​ശേ​ഷ​മു​ള്ള സി.​ബി.​എ​ൽ കീ​രി​ട​നേ​ട്ട​വും ആ​രാ​ധ​ക​രെ ആ​ഘോ​ഷ​ത്തി​മി​ർ​പ്പി​ലാ​ക്കി. ക​ഴി​ഞ്ഞ സീ​സ​ണി​ൽ നെ​ഹ്റു​ട്രോ​ഫി​യും ചാ​മ്പ്യ​ൻ​സ്​ ബോ​ട്ട് ലീ​ഗ് ട്രോ​ഫി​യും നേ​ടി​യ വീ​യ​പു​രം ചു​ണ്ട​ന്​ ഇ​ത്ത​വ​ണ പ്ര​സി​ഡ​ന്‍റ്​​സ്​ ട്രോ​ഫി വി​ജ​യ​ത്തി​ൽ തൃ​പ്തി​പ്പെ​ടേ​ണ്ടി​വ​ന്നു.

2019ലാ​ണ്​ പ്ര​വാ​സി കൂ​ട്ടാ​യ്മ​യു​ടെ​യും ക​ര​ക്കാ​രു​ടെ​യും നേ​തൃ​ത്വ​ത്തി​ൽ വീ​യ​പു​രം ക​ര​ക്കാ​യി ചു​ണ്ട​ൻ​വ​ള്ളം നി​ർ​മി​ച്ച​ത്. വ​യ​നാ​ട്​ ദു​ര​ന്ത​പ​ശ്ചാ​ത്ത​ല​ത്തി​ൽ മാ​റ്റി​​വെ​ച്ച ഇ​ത്ത​വ​ണ​ത്തെ നെ​ഹ്​​റു​ട്രോ​ഫി​യി​ൽ കാ​രി​ച്ചാ​ലും വീ​യ​പു​ര​വും ത​മ്മി​ൽ ഇ​ഞ്ചോ​ടി​ഞ്ച്​ പോ​രാ​ട്ട​മാ​യി​രു​ന്നു. ഫൈ​ന​ലി​ൽ 0.005 സെ​ക്ക​ൻ​ഡ്​ വ്യ​ത്യാ​സ​ത്തി​ൽ പി​ന്ത​ള്ളി​യാ​ണ്​ പി.​ബി.​സി​യു​ടെ ക​രു​ത്തി​ൽ കാ​രി​ച്ചാ​ൽ ​നെ​ഹ്​​റു​ട്രോ​ഫി​യി​ൽ മു​ത്ത​മി​ട്ട​ത്.

ര​ണ്ടാം​സ്ഥാ​ന​ത്ത്​ എ​ത്തി​യ വീ​യ​പു​രം ചു​ണ്ട​ന്‍റെ പ​രാ​തി​യി​ൽ ആ​ല​പ്പു​ഴ ക​ല​ക്ട​റു​ടെ നേ​തൃ​ത്വ​ത്തി​ലു​ള്ള ജൂ​റി ഓ​ഫ്​ അ​പ്പീ​ൽ ക​മ്മി​റ്റി വി​ശ​ദ​പ​രി​ശോ​ധ​ന ന​ട​ത്തി കാ​രി​ച്ചാ​ൽ ചു​ണ്ട​നെ വി​ജ​യി​യാ​യി പ്ര​ഖ്യാ​പി​ക്കു​ക​യാ​യി​രു​ന്നു. ഇ​തി​നെ​തി​​രെ ഹൈ​കോ​ട​തി​യി​ൽ കേ​സ്​ നി​ല​നി​ൽ​ക്കെ​യാ​ണ്​ ​പ്ര​ധാ​ന എ​തി​രാ​ള​യാ​യ പി.​ബി.​സി​യെ കൊ​ല്ല​ത്തെ മ​ത്സ​ര​ത്തി​ൽ സെ​ക്ക​ൻ​ഡി​ന്‍റെ വ്യ​ത്യാ​സ​ത്തി​ൽ തോ​ൽ​പി​ച്ച​ത്.

നെ​ഹ്​​റു​​ട്രോ​ഫി​യി​ൽ 2018 മു​ത​ൽ 2024 വ​രെ​യാ​ണ്​ പി.​ബി.​സി​യു​ടെ തു​ട​ർ​ച്ച​യാ​യ കി​രീ​ട നേ​ട്ടം. 2020, 2021 വ​ർ​ഷ​ങ്ങ​ളി​ൽ വ​ള്ളം​ക​ളി ന​ട​ന്നി​ല്ല. 1988, 1998 വ​ർ​ഷ​ങ്ങ​ളി​ലും ട്രോ​ഫി നേ​ടി. ഇ​ത്ത​വ​ണ കാ​രി​ച്ചാ​ലി​ലൂ​ടെ വി​ജ​യം​നേ​ടി​യ​പ്പോ​ൾ ഏ​റ്റ​വും കൂ​ടു​ത​ൽ ത​വ​ണ വെ​ള്ളി​ക്ക​പ്പ്​ മു​ത്ത​മി​ട്ട ചു​ണ്ട​െ​ന​ന്ന റെ​ക്കോ​ഡും പി​റ​ന്നു. 1971ൽ ​ആ​ല​പ്പു​ഴ ന​ഗ​ര​സ​ഭ​യു​ടെ മൂ​ന്ന് വാ​ർ​ഡു​ക​ളു​ടെ​യും പ​ള്ളാ​ത്തു​രു​ത്തി പാ​ലം മു​ത​ൽ വേ​മ്പ​നാ​ട് കാ​യ​ൽ വ​രെ ഇ​രു​ക​ര​ക​ളി​ലാ​യി താ​മ​സി​ക്കു​ന്ന​വ​രു​ടെ​യും കൂ​ട്ടാ​യ്മ​യി​ൽ പി​റ​ന്ന​താ​ണ് പി.​ബി.​സി എ​ന്ന പ​ള്ളാ​ത്തു​രു​ത്തി ബോ​ട്ട് ക്ല​ബ്. പ്ര​സി​ഡ​ന്റ്‌ വി. ​ജ​യ​പ്ര​സാ​ദ്, സെ​ക്ര​ട്ട​റി എ. ​സു​നീ​ർ, ട്ര​ഷ​റ​ർ വി​വേ​കാ​ന​ന്ദ​ൻ അ​മ്പാ​ടി, ക്യാ​പ്റ്റ​ൻ അ​ല​ൻ മൂ​ന്നു​തൈ​ക്ക​ൽ, എ​യ്ഡ​ൻ മൂ​ന്നു​തൈ​ക്ക​ൽ എ​ന്നി​വ​രു​ടെ നേ​തൃ​ത്വ​ത്തി​ലാ​ണ്​ ഇ​ത്ത​വ​ണ​ത്തെ വി​ജ​യം.