പാൽ ടാങ്കറിൽ കടത്തിയ 30.5 ലക്ഷത്തിന് കള്ളപ്പണം പിടികൂടി
text_fieldsപുനലൂർ: തമിഴ്നാട്ടിൽനിന്ന് ചെങ്ങന്നൂരിലേക്ക് വന്ന പാൽ ടാങ്കറിൽ ഒളിച്ചുകടത്തിയ 30.5 ലക്ഷം രൂപയുടെ കള്ളപ്പണം പിടികൂടി. വെള്ളിയാഴ്ച വൈകീട്ട് ആറോടെ കേരള തമിഴ്നാട് അതിർത്തിയിൽ കോട്ടവാസലിൽ നിന്നാണ് പണം പിടികൂടിയത്. ലോറിയുടെ കാബിനിലാണ് പണം ഒളിപ്പിച്ചിരുന്നത്. ചെങ്കോട്ടയിൽനിന്നും ഒരു സേട്ട് കൊട്ടാരക്കരയിലെ ഒരു സ്വർണ വ്യാപാരിയെ ഏൽപിക്കാനാണ് പണം തന്നതെന്ന് എക്സൈസ് കസ്റ്റഡിയിലുള്ള ടാങ്കർ ഡ്രൈവർ തെങ്കാശി സ്വദേശി മുരുകൻ പറഞ്ഞു. പതിവായി ഇത്തരത്തിൽ പണം കൊണ്ട് വരുന്നുണ്ടെന്നും ഡ്രൈവർ പറഞ്ഞു. എക്സൈസ് അസി. കമീഷണർ റോബർട്ടിെൻറ നേതൃത്വത്തിലാണ് പണം പിടികൂടിയത്. പണവും വാഹനവും തെന്മല പൊലീസിന് കൈമാറി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.