നെല്ലിപ്പള്ളി ആറ്റുതീരത്ത് സംരക്ഷണ ഭിത്തി നിർമാണം അവസാനഘട്ടത്തിൽ

പു​ന​ലൂ​ർ: പു​ന​ലൂ​ർ-​പൊ​ൻ​കു​ന്നം സം​സ്ഥാ​ന​പാ​ത ന​വീ​ക​ര​ണ ഭാ​ഗ​മാ​യി നെ​ല്ലി​പ്പ​ള്ളി​യി​ൽ ക​ല്ല​ട​യാ​റ്റി​ന്റെ തീ​ര​ത്ത് ഗാ​ബി​യ​ൻ വി​ത്ത് പാ​രാ​ഗ്രി​ഡ് സം​ര​ക്ഷ​ണ ഭി​ത്തി നി​ർ​മാ​ണം പൂ​ർ​ത്തി​യാ​കു​ന്നു. ന​വീ​ക​ര​ണ ഭാ​ഗ​മാ​യി ഇ​വി​ടെ നി​ർ​മി​ച്ചി​രു​ന്ന സം​ര​ക്ഷ​ണ​ഭി​ത്തി 2022 മേ​യ് മാ​സ​ത്തെ വേ​ന​ൽ മ​ഴ​യി​ൽ ത​ക​ർ​ന്നി​രു​ന്നു.

നി​ർ​മാ​ണ​ത്തി​ലെ അ​പാ​ക​ത ആ​രോ​പ​ണം ഉ​യ​ർ​ന്ന​തി​നെ​തു​ട​ർ​ന്ന് ക​രാ​റു​കാ​രു​ടെ ന​ഷ്ടോ​ത്ത​ര​വാ​ദി​ത്ത​ത്തി​ൽ പു​തി​യ സം​ര​ക്ഷ​ണ​ഭി​ത്തി ക​ഴി​ഞ്ഞ ജ​നു​വ​രി​യി​ലാ​ണ്​ നി​ർ​മാ​ണം തു​ട​ങ്ങി​യ​ത്.

ആ​റ്റി​ലെ വെ​ള്ള​ത്തി​ന്‍റെ കു​ത്തൊ​ഴു​ക്ക​നു​ഭ​വ​പ്പെ​ടു​ന്ന ഇ​വി​ടെ ഇ​നി​യും പാ​റ​യോ കോ​ൺ​ക്രീ​റ്റ് ഭി​ത്തി​യോ നി​ർ​മി​ക്കു​ന്ന​ത് സു​ര​ക്ഷി​ത​മ​ല്ലെ​ന്ന് ക​ണ്ടാ​ണ് ആ​ധു​നി​ക രീ​തി​യി​ലു​ള്ള ഗാ​ബി​യ​ൻ വി​ത്ത് പാ​രാ​ഗ്രി​ഡ് സം​ര​ക്ഷ​ണ​ഭി​ത്തി നി​ർ​മാ​ണം തു​ട​ങ്ങി​യ​ത്. 70 മീ​റ്റ​ർ നീ​ള​വും 10 മീ​റ്റ​റോ​ളം പൊ​ക്ക​വും വ​രു​ന്ന​താ​ണി​ത്. നി​ർ​മാ​ണം ക​ഴി​ഞ്ഞാ​ലേ ഈ ​ഭാ​ഗ​ത്ത് റോ​ഡി​ന്‍റെ ന​വീ​ക​ര​ണം പൂ​ർ​ത്തി​യാ​കാ​ൻ ക​ഴി​യു​ക​യു​ള്ളൂ.

മൂ​ന്ന് മാ​സ​ത്തി​നു​ള്ളി​ൽ സം​ര​ക്ഷ​ണ ഭി​ത്തി​യു​ടെ നി​ർ​മാ​ണം പൂ​ർ​ത്തി​യാ​ക്കാ​ൻ ഉ​ദ്ദേ​ശി​ച്ചെ​ങ്കി​ലും നീ​ണ്ടു​പോ​കു​ക​യാ​യി​രു​ന്നു. വെ​ള്ള​ത്തി​ന്‍റെ സാ​ന്നി​ധ്യ​വും ഒ​ഴു​ക്കും സ്ഥി​ര​മാ​യി അ​നു​ഭ​വ​പ്പെ​ടു​ന്ന ഭാ​ഗ​ങ്ങ​ളി​ലാ​ണ് ചെ​ല​വേ​റി​യ ഇ​ത്ത​രം സം​ര​ക്ഷ​ണ ഭി​ത്തി നി​ർ​മി​ക്കു​ന്ന​ത്. ഒ​രു​വ​ശം വ​ള​വോ​ടു​കൂ​ടി​യ ആ​റ്റു​തീ​ര​മാ​ണ്.

ആ​റ്റി​ലെ കു​ത്തൊ​ഴു​ക്ക് സം​ര​ക്ഷ​ണ ഭി​ത്തി​യെ ബാ​ധി​ക്കാ​തി​രി​ക്കാ​ൻ പാ​റ​ക​ൾ അ​ടു​ക്കി​യു​ള്ള ക​വ​ച​ത്തോ​ടു​കൂ​ടി​യാ​ണി​ത് നി​ർ​മി​ക്കു​ന്ന​ത്. തീ​ര​ത്തും ആ​റ്റി​ലേ​ക്കും പാ​റ​ക​ൾ നെ​റ്റി​നു​ള്ളി​ലാ​ക്കി ഗാ​ബി​യ​ൻ രീ​തി​യി​ൽ അ​ടു​ക്കും. ഇ​തി​നു​ശേ​ഷം റോ​ഡ് വ​ശ​ത്തേ​ക്ക് 10 മീ​റ്റ​റി​ൽ പാ​റ ഉ​പ​യോ​ഗി​ച്ച് പാ​രാ​ഗ്രി​ഡ് സം​വി​ധാ​നം നി​ർ​മി​ക്കു​ന്ന​ത്.

പാ​റ അ​ടു​ക്കി​യു​ള്ള ഓ​രോ ലെ​യ​റും മ​ണ്ണി​ട്ട് ഉ​റ​പ്പി​ച്ചാ​ണ് മു​ക​ളി​ലേ​ക്ക് എ​ത്തു​ന്ന​ത്. ഇ​തി​നി​ട​യി​ൽ വെ​ള്ള​ത്തി​ന്‍റെ ഒ​ഴു​ക്ക് നി​യ​ന്ത്രി​ക്കാ​നും സം​ര​ക്ഷ​ണ​ഭി​ത്തി​യി​ലെ മ​ണ്ണ്​ ഒ​ലി​ച്ചു​പോ​കാ​തി​രി​ക്കാ​നും ചാ​ക്കി​നു​ള്ളി​ൽ ചെ​റു​പാ​റ​ക​ൾ അ​ടു​ക്കി (സാ​ക് ഗാ​ബി​യ​ൻ) സം​ര​ക്ഷ​ണ​വും പ്ര​തി​രോ​ധം തീ​ർ​ക്കു​ന്നു​ണ്ട്. ഈ ​ഭാ​ഗ​ത്ത് ആ​റ്റി​ന്റെ ഒ​ഴു​ക്കും ആ​ഴ​വും കൂ​ടു​ത​ലു​ള്ള​തി​നാ​ൽ 18 മീ​റ്റ​ർ നീ​ള​ത്തി​ൽ പാ​റ​ക​ൾ അ​ടു​ക്കി വെ​ള്ള​ത്തി​ന്‍റെ ശ​ക്തി കു​റ​യ്ക്കാ​നു​ള്ള സൗ​ക​ര്യം ചെ​യ്യു​ന്നു​ണ്ട്.

നി​ർ​മാ​ണ പ്ര​വ​ർ​ത്ത​നം മു​ക്കാ​ലും പൂ​ർ​ത്തി​യാ​യി. ഇ​നി പാ​ത​നി​ര​പ്പി​ലും ആ​റ്റു​തീ​ര​ത്തും ഇ​രു​മ്പ് നെ​റ്റി​ൽ പാ​റ​ക​ൾ അ​ടു​ക്കു​ന്ന കു​റ​ച്ചു ജോ​ലി​ക​ളും തീ​രാ​നു​ണ്ട്. ഇ​തി​നു​ശേ​ഷം ഈ ​ഭാ​ഗ​ത്ത് 150 മീ​റ്റ​റോ​ളം പാ​ത​യു​ടെ അ​ലൈ​ൻ​മെ​ന്റ് ക്ര​മീ​ക​രി​ച്ച് ടാ​റി​ങ് പൂ​ർ​ത്തി​യാ​ക്കേ​ണ്ട​തു​ണ്ട്. പ​ത്ത​നാ​പു​രം​വ​രെ പാ​ത​യു​ടെ ബാ​ക്കി ടാ​റി​ങ് ര​ണ്ടാം ഘ​ട്ടം തു​ട​ങ്ങി.