അടുക്കളമൂലയിലെ അപകട മരങ്ങൾ മുറിച്ചുമാറ്റിത്തുടങ്ങി
text_fieldsമലയോര ഹൈവേയിൽ കരവാളൂർ അടക്കളമൂലയിൽ അപകടകരമായ മരങ്ങൾ മുറിച്ചുമാറ്റുന്നു
പുനലൂർ: മലയോര ഹൈവേയിൽ അടുക്കളമൂലയിൽ വാഹന ഗതാഗതത്തിന് ഭീഷണിയായിരുന്ന മരങ്ങൾ മുറിച്ചുമാറ്റിത്തുടങ്ങി. പാതയോരത്ത് നിന്ന രണ്ട് ആഞ്ഞിലിയും ഒരു മാവും വെള്ളിയാഴ്ച മുറിച്ചുമാറ്റി. കേരള റോഡ് ഡെവലപ്മെന്റ് ബോർഡ് അധികൃതരുടെ മേൽനോട്ടത്തിലാണ് മരങ്ങൾ മുറിക്കുന്നത്. പിന്നീട് ഈ മരങ്ങൾ ഇവിടെ തന്നെ ലേലം ചെയ്യാനാണ് തീരുമാനം. ഈ ഭാഗത്ത് ഗതാഗത്തിന് ഭീഷണിയായി സ്വകാര്യഭൂമിയിലുള്ള മൂന്ന് മരങ്ങൾ അടിയന്തരമായി മുറിച്ചുനീക്കണമെന്നാവശ്യപ്പെട്ട് ഭൂഉടമകൾക്ക് അധികൃത നോട്ടീസ് നൽകി. മൂന്നാഴ്ച മുമ്പ് അടുക്കള മൂലയിൽ പാതയോരത്തുണ്ടായിരുന്ന കൂറ്റൻ ആഞ്ഞലി മരം പാതക്ക് കുറുകെ കടപുഴകി നാശം നേരിട്ടിരുന്നു. എതിർവശത്തെ ടി.കെ. ഉമ്മൻ മെമ്മോറിയൽ ഓഡിറ്റോറിയവും വൈദ്യുതി ലൈനും പോസ്റ്റുകളും തകർന്നിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.