ഗവ. ആശുപത്രികളിൽ പേവിഷ പ്രതിരോധ മരുന്നില്ല

പു​ന​ലൂ​ർ: താ​ലൂ​ക്കാശു​പ​ത്രി​ക​ളി​ല​ട​ക്കം പേവി​ഷ ബാ​ധ​ക്കെ​തി​രെ​യു​ള്ള പ്ര​തി​രോ​ധ മ​രു​ന്നി​ല്ല. കി​ഴ​ക്ക​ൻ മ​ല​യോ​രമേ​ഖ​ല​യി​ൽ ദി​വ​സ​വും നി​ര​വ​ധി ആ​ളു​ക​ളാ​ണ് നാ​യ്, പൂ​ച്ച, കു​ര​ങ്ങ്, ചെ​ന്നാ​യ തു​ട​ങ്ങി​യ​വ​യു​ടെ ക​ടി​യേ​റ്റ് കു​ത്തി​വെ​പ്പി​ന് ആ​ശു​പ​ത്രി​ക​ളി​ലെ​ത്തു​ന്ന​ത്. അ​ച്ച​ൻ​കോ​വി​ൽ, കു​ള​ത്തൂ​പ്പു​ഴ, ആ​ര്യ​ങ്കാ​വ് തു​ട​ങ്ങി​യ സ്ഥ​ല​ങ്ങ​ളി​ലെ ഗ​വ. ആ​ശു​പ​ത്രി​ക​ളി​ലെ​ത്തു​ന്ന​വ​രെ പ്ര​തി​രോ​ധ മ​രു​ന്നി​ല്ലെ​ന്ന് പ​റ​ഞ്ഞ് അ​ധി​കൃ​ത​ർ പു​ന​ലൂ​ർ താ​ലൂ​ക്ക് ആ​ശു​പ​ത്രി​യി​ലേ​ക്ക് വി​ടു​ക​യാ​ണ്.

വ​ള​രെ ദൂ​രെനി​ന്ന് ഇ​വി​ടെ​യെ​ത്തു​മ്പോ​ൾ താ​ലൂ​ക്കാശു​പ​ത്രി​യി​ലും മി​ക്ക​പ്പോ​ഴും പ്ര​തി​രോ​ധ മ​രു​ന്നി​ല്ലാ​ത്ത അ​വ​സ്ഥ​യാ​ണ്. ഇ​വി​ടെ​നി​ന്ന് തി​രു​വ​ന​ന്ത​പു​രം, പാ​രി​പ്പ​ള്ളി എ​ന്നി​വി​ട​ങ്ങ​ളി​ലെ മെ​ഡി​ക്ക​ൽ കോ​ള​ജ് ആ​ശു​പ​ത്രി​ക​ളി​ലേ​ക്ക് ക​ടി​യേ​ൽ​ക്കു​ന്ന​വ​രെ പ​റ​ഞ്ഞു​വി​ടു​ക​യാ​ണ് പ​തി​വ്. അ​ല്ലെ​ങ്കി​ൽ വ​ലി​യ വി​ല ന​ൽ​കി പു​റ​ത്തു​നി​ന്ന് മ​രു​ന്ന് വാ​ങ്ങ​ണം.

അ​ടു​ത്ത കാ​ല​ത്താ​യി ആ​രോ​ഗ്യ വ​കു​പ്പി​ൽ നി​ന്ന് പ്ര​തി​രോ​ധ മ​രു​ന്ന് ആ​വ​ശ്യ​ത്തി​ന് ല​ഭി​ക്കു​ന്നി​ല്ലെ​ന്ന് താ​ലൂ​ക്കാശു​പ​ത്രി അ​ധി​കൃ​ത​ർ പ​റ​ഞ്ഞു. തു​ട​ർ​ന്ന് ആ​ശു​പ​ത്രി മാ​നേ​ജ്മെ​ന്‍റ് ഫ​ണ്ട് ഉ​പ​യോ​ഗി​ച്ച് കു​റ​ഞ്ഞ അ​ള​വി​ൽ മി​ക്ക​പ്പോ​ഴും മ​രു​ന്ന് വാ​ങ്ങി സൂ​ക്ഷി​ക്കാ​റു​ണ്ട്. ചി​ല ദി​വ​സ​ങ്ങ​ളി​ൽ പ​ത്തോ​ളം ആ​ളു​ക​ളെ​ങ്കി​ലും പ്ര​തി​രോ​ധ കു​ത്തി​വെ​പ്പി​ന് വ​രു​ന്ന​തോ​ടെ മ​രു​ന്ന് തീ​രും. മ​രു​ന്നി​ന് പൊ​തു​വി​പ​ണി​യി​ൽ വി​ല​ക്കൂ​ടു​ത​ൽ ആ​യ​തി​നാ​ൽ ആ​ശു​പ​ത്രി ഫ​ണ്ടി​ൽ മ​രു​ന്ന് വാ​ങ്ങു​ന്ന​തി​നും നി​യ​ന്ത്ര​ണ​മു​ണ്ടെ​ന്നും അ​ധി​കൃ​ത​ർ പ​റ​ഞ്ഞു.

നി​ല​വി​ൽ ജി​ല്ല​യി​ൽ പാ​രി​പ്പ​ള്ളി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ മാ​ത്ര​മാ​ണ് എ​ല്ലാ ദി​വ​സ​വും മു​ട​ക്ക​മി​ല്ലാ​തെ പേ​വി​ഷ പ്ര​തി​രോ​ധ കു​ത്തി​വെ​പ്പി​നു​ള്ള മ​രു​ന്ന് ല​ഭ്യ​മാ​കു​ന്ന​ത്. എ​ന്നാ​ൽ, ജി​ല്ല​യു​ടെ കി​ഴ​ക്ക​ൻ മേ​ഖ​ല​യി​ൽ നി​ന്ന് ഇ​വി​ടെ എ​ത്തി​പ്പെ​ടാ​ൻ പ്ര​യാ​സ​മാ​ണ്. വ​ന മേ​ഖ​ല​യി​ൽ കു​ര​ങ്ങ്, ചെ​ന്നാ​യ പെ​രു​കി​യ​തി​നാ​ൽ മ​നു​ഷ്യ​രെയും വ​ള​ർ​ത്തു മൃ​ഗ​ങ്ങ​ളെ​യും ക​ടി​ക്കു​ന്ന​ത് കൂ​ടി​വ​രു​ന്നു. ഈ ​അ​വ​സ്ഥ പ​രി​ഗ​ണി​ച്ച് ഇ​വി​ടു​ള്ള പി.​എ​ച്ച്.​സി​യി​ൽ ഉ​ൾ​പ്പെ​ടെ പ്ര​തി​രോ​ധ മ​രു​ന്ന് മു​ട​ങ്ങാ​തെ ല​ഭ്യ​മാ​ക്കാ​ൻ ന​ട​പ​ടി സ്വീ​ക​രി​ക്കാ​ൻ അ​ധി​കൃ​ത​ർ ത​യാ​റാ​ക​ണ​മെ​ന്നാ​ണ് ആ​വ​ശ്യ​മു​യ​രു​ന്ന​ത്.