ഭൂമി തർക്കം പരിഹരിച്ചില്ല; വേലി നിർമാണസാമ​ഗ്രികൾ നശിക്കുന്നു

പു​ന​ലൂ​ർ: മ​ന്ത്രി​ത​ല ഇ​ട​പെ​ട​ലു​ണ്ടാ​യി​ട്ടും ഒ​ന്ന​ര​വ​ർ​ഷ​മാ​യി ഭൂ​മി​യു​ടെ ഉ​ട​മ​സ്ഥ​താ​വ​കാ​ശ​ത​ർ​ക്കം പ​രി​ഹ​രി​ച്ചി​ല്ല. ത​ർ​ക്ക​ഭൂ​മി​ക്ക് ചു​റ്റും വേ​ലി​കെ​ട്ടി സം​ര​ക്ഷി​ക്കാ​ൻ വ​നം​വ​കു​പ്പി​റ​ക്കി​യ ല​ക്ഷ​ങ്ങ​ളു​ടെ സാ​ധ​ന​ങ്ങ​ൾ ന​ശി​ക്കു​ന്നു.

തെ​ന്മ​ല ജ​ങ്ഷ​നി​ൽ ഡി​പ്പോ ഭൂ​മി​യു​മാ​യി ബ​ന്ധ​പ്പെ​ട്ട് വ​നം-​റ​വ​ന്യൂ വ​കു​പ്പു​ക​ൾ ത​മ്മി​ലു​ള്ള ത​ർ​ക്ക​മാ​ണ് പ​രി​ഹ​രി​ക്കാ​നു​ള്ള​ത്. ഇ​വി​ടു​ത്തെ 20 ഏ​ക്ക​റോ​ളം ഭൂ​മി​യാ​ണ് വ​ർ​ഷ​ങ്ങ​ളാ​യി ത​ർ​ക്ക​ത്തി​ലു​ള്ള​ത്.

2023 മേ​യ് ആ​റി​ന് ത​ർ​ക്ക​ഭൂ​മി​ക്ക് ചു​റ്റും വേ​ലി നി​ർ​മി​ക്കാ​നു​ള്ള വ​നം​വ​കു​പ്പി​​ന്‍റെ ശ്ര​മം റ​വ​ന്യൂ​സം​ഘം ത​ട​ഞ്ഞി​രു​ന്നു. തു​ട​ന്ന് ഇ​രു​കൂ​ട്ട​രും പ​ര​സ്പ​രം കേ​സെ​ടു​ത്തു.

ത​ർ​ക്കം മൂ​ർ​ച്ഛി​ച്ച​തോ​ടെ പി.​എ​സ്. സു​പാ​ൽ എം.​എ​ൽ.​എ ഇ​ട​പെ​ട്ട് പ്ര​ശ്നം ഇ​രു​വ​കു​പ്പു​മ​ന്ത്രി​മാ​രു​ടെ​യും മു​ന്നി​ലെ​ത്തി​ച്ചു. മ​ന്ത്രി​മാ​രു​ടെ​യും എം.​എ​ൽ.​എ​യു​ടെ​യും ഇ​രു​വ​കു​പ്പ് ഉ​ന്ന​ത ഉ​ദ്യോ​ഗ​സ്ഥ​രു​ടെ​യും സാ​ന്നി​ധ്യ​ത്തി​ൽ 2023 മേ​യ് 17ന് ​ന​ട​ന്ന ച​ർ​ച്ച​യി​ൽ ത​ർ​ക്ക​ഭൂ​മി​യി​ലെ എ​ല്ലാ നി​ർ​മാ​ണ​ങ്ങ​ളും നി​ർ​ത്തി​വെ​ക്കാ​നും ഉ​ന്ന​ത ഉ​ദ്യോ​ഗ​സ്ഥ​ർ രേ​ഖ​ക​ൾ പ​രി​ശോ​ധി​ച്ച് ഒ​രു മാ​സ​ത്തി​ന​കം മ​ന്ത്രി​മാ​ർ​ക്ക് റി​പ്പോ​ർ​ട്ട് ന​ൽ​കാ​നും നി​ർ​ദേ​ശി​ച്ചി​രു​ന്നു. തു​ട​ർ​ന്ന് റ​വ​ന്യൂ​സം​ഘം പ​രി​ശോ​ധി​ച്ച് റി​പ്പോ​ർ​ട്ട് ന​ൽ​കി​യെ​ങ്കി​ലും മ​റ്റ് തീ​രു​മാ​ന​ങ്ങ​ൾ മ​ന്ത്രി​ത​ല​ത്തി​ൽ ഉ​ണ്ടാ​യി​ല്ല.

വേ​ലി നി​ർ​മി​ക്കാ​ൻ വ​നം​വ​കു​പ്പ് ഒ​ന്ന​ര​വ​ർ​ഷം മു​മ്പ് ഇ​റ​ക്കി​യ സി​മ​ന്‍റ്, ഇ​രു​മ്പു​വേ​ലി, പൈ​പ്പു​ക​ൾ തു​ട​ങ്ങി​യ​വ ന​ശി​ക്കു​ക​യാ​ണ്. 50 പാ​യ്ക്ക​റ്റോ​ളം സി​മ​ന്‍റ് ഉ​പ​യോ​ഗ​​ശൂ​ന്യ​മാ​യി. ഇ​രു​മ്പു​വേ​ലി കാ​ടു​മൂ​ടി തു​ര​മ്പെ​ടു​ത്തു. ഇ​നി‍യും ഇ​വ ഉ​പ​യോ​ഗി​ച്ചി​ല്ലെ​ങ്കി​ൽ ഒ​ന്നി​നും കൊ​ള്ളാ​താ​കും. ഇ​ത്​ വ​നം​വ​കു​പ്പി​ന് വ​ലി​യ ന​ഷ്ട​മു​ണ്ടാ​ക്കും.

ത​ടി ഡി​പ്പോ നി​ല​നി​ൽ​ക്കു​ന്ന​ത്​ റ​വ​ന്യൂ​വ​കു​പ്പി​ന്റെ ഭൂ​മി​യി​ലാ​ണെ​ന്നും ഇ​തു​മാ​യി ബ​ന്ധ​പ്പെ​ട്ട മു​ഴു​വ​ൻ രേ​ഖ​ക​ളും വ​കു​പ്പി​ന്റെ ​കൈ​യി​ലു​ണ്ടെ​ന്നു​മെ​ന്നാ​ണ് റ​വ​ന്യൂ അ​ധി​കൃ​ത​ർ പ​റ‍യു​ന്ന​ത്. എ​ന്നാ​ൽ, തി​രു-​കൊ​ച്ചി ആ​ക്ട്, ട്രാ​വ​ൻ​കൂ​ർ ഫോ​റ​സ്റ്റ് ആ​ക്ട് തു​ട​ങ്ങി​യ​വ പ്ര​കാ​രം ത​ങ്ങ​ളു​ടെ ഭൂ​മി​യാ​ണെ​ന്നാ​ണ് വ​നം​വ​കു​പ്പി​ന്‍റെ വാ​ദം.

അ​തേ​സ​മ​യം ഇ​രു​വ​കു​പ്പു​ക​ളു​ടെ​യും ത​ർ​ക്കം കാ​ര​ണം തെ​ന്മ​ല​യി​ലെ പൊ​തു​വി​ക​സ​ന​ത്തി​ന് സ​ർ​ക്കാ​ർ​ഭൂ​മി ഏ​റ്റെ​ടു​ക്കാ​ൻ പ​റ്റാ​ത്ത സാ​ഹ​ച​ര്യ​മാ​ണ്. തെ​ന്മ​ല പൊ​ലീ​സ് സ്റ്റേ​ഷ​ന്‍റെ പു​തി​യ കെ​ട്ടി​ടം, ക്വാ​ർ​ട്ടേ​ഴ്സ്​ നി​ർ​മാ​ണം എ​ന്നി​വ ഇ​ത്ത​ര​ത്തി​ൽ ത​ട​സ്സ​പ്പെ​ട്ടി​രി​ക്കു​ക​യാ​ണ്.